Amose 6:8 - Livulu lya Shukulu Kalunga

⁸ Shukulu Kalunga wa Akamwa ya Vyoshe Muka-nzili yoshe alinakunangula ngwendi, “Yange njazinda kulyalesa kwa vanu va Isalele, njiyengula vinjuvo vyavo vyakama. Co njikana nganda yavo yakama na vyuma vyoshe vilimo kuli vitozi vavo.”

Amose 6:8 Iomraidhean Croise

Kushangumuka 22:16

“Njilisinga a lizina lyange. Yange Kalunga njinendeka ngwange, njikatumisa manene vivezikiso vyove omwo yove unalingi cuma eci, omwo unatavele kunjana munove umolika.

Myaso 106:40

Ngecivene, Shukulu Kalunga waluvalele na vanu vendi, co wazivile vunyengwe omo vakevo.

Myaso 47:4

Ikeye watwangwilile lifuti muje mutuli nakukala, vushwana vwakulyalesela vanu vendi vaje vazema.

Myaso 50:12

“Nga njakele na njala ngwe kunjamilombele vyakulya, omwo kaye na vyuma vyoshe vilimo vyapwa vyange.

Myaso 78:59

Omo Njambi wamwene eci waluvalele, co wavyanene vanu vendi kuvyanenena.

Visimo 8:13

Kusingimika Shukulu Kalunga kukekwo kuzinda vuvi, yange njazinda kulyalesa nakulyaka ku vukama, njazinda lalo vingila vya vuvi na majwi a makuli.

Isaya 28:1

Vumwene vwa Isalele vunanyongo! Vumwene vwavwo vulinakuhwa ngwe cilongo ca vishani cili ku mitwe ya vantwama vamwo vaka-kupenda. Mitwe yavo ya kulyalesa vanaivwavesa mwamuvwa mazi akunika lwengo lwaluvwa, oloni vanalala, vanapende vwala.

Njelemiya 12:8

Vanu vange vakwangula vananjitengulukila nakunjilwisa ngwe ndumba, co valinakunjanena, ngecivene, njavazindi.

Njelemiya 22:14

Luvinda ku munu uje endeka ngwendi, “Njikalitungila njuvo yakama ije ili na milili yakama akamwa.” Ngecivene, aaka vinjanena ku njuvo yendi nakuyifwika na mavaya a kendale nakuyikwita mufwitilo wakuvenga.

Njelemiya 22:5

Oloni nga kumwononoka mashiko ange, co njilisinga ngwange lipela eli likasiwuka nakunyonga. Yange Kalunga, njinendekamo.

Njelemiya 44:26

Oloni ololo tolilileni ku cisingo eci. Yange Kalunga, njalisingi mu lizina lyange lya nzili kuli yeni voshe vaIsalele muli mu Ingito ngwange, naumo wai lalo injikatavesa kupangesa lizina lyange akulisinga ngwendi, ‘Njilisinga ali Shukulu Kalunga wakuyoya wa Akamwa ya Vyoshe!’

Njelemiya 49:13

Yange njinalisingi ngwange nganda ya Mbozile ikemuka cimweso ca vunyengwe, nakupwa mambo, co vanu vakalishendumuna na kupwisa lizina lya nganda cisingo. Co mambweli oshe akapwa vingundu ku myaka yoshe. Yange Kalunga, njinendekamo.”

Njelemiya 51:14

Shukulu Kalunga Muka-nzili yoshe, nalisingi ngwendi akanena mashwalale vavangi ngwe njame ya vambimba mukulwisa Mbambilone, co vakatambeka nakulisamba omwo vanahyana.

Mbimbi 2:5

Shukulu Kalunga nanyongesa Isalele ngwe citozi, naseza vimpaka vyendi na mapela endi mu ngundu. Nanena vusiwa vwa myaka yoshe, ali vanu va mu Yunda.

Ezekiyele 24:21

ngeci njileke vaIsalele ngwange, ‘Mulinakulyalesela a Njuvo ya Shukulu Kalunga. Yeni mulinakushaka kuyikenga nakusikamenamo, oloni Shukulu Kalunga akaishawisa. Co vana veni va vanalume na ava va vanakazi vaje vanasala mu Yelusalema vakavatsiila mu nzita.

Hoziya 11:6

Co nzita ikanyongesa vinganda vyavo nakusiwula vikolo vya nganda. Nzita ikanyongesa vanu vange, omwo valinakulinga vije vivayongola vakevo vavenya ngwavo vinapu vyavivwa.

VaLevi 26:11

Njikakala akati keni mu mbalaka yange yakujela, co kunjikamikengesa nima.

VaLevi 26:30

Njikanyongesa myela yeni yakulemesela a malundu, nakusiwula mitula yeni ya insense, co njikombangela vivimbi vyeni a tumponya tweni twakuwa twa mwonyo. Co mukapwa va vunyengwe ku mesho ange.

Amose 3:10

Shukulu Kalunga alinakwendeka ngwendi, “Vanu ava vanashulisa vinjuvo vyavo na vyuma vanawana mu vingila vya muuka na vwizi. Vakevo kuvazivuka kulinga vushunga.

Amose 3:11

Ngecivene, vitozi vakazengeleka lifuti lyavo, nakusiwula vimpaka vyavo, nakupukula vufuko vwavo.”

Amose 4:2

Shukulu Kalunga wa Akamwa ya Vyoshe nalisingi a lizina lyendi lyakujela ngwendi, “Litangwa likaija omo vakamikokangeya na tulovo, munu na munu akapwa ngwe isi ali ku kalovo.

Amose 5:21

Shukulu Kalunga alinakwendeka ngwendi, “Yange njazinda nakuyengula viwano vyeni vyakulemesa, kunjivwaelela navyo!

Amose 8:3

A litangwa lije myaso ya mu lipela ikapwa mitambi yakulila. Vivimbi vakapwa vavangi vakalala kwoshe-ikwoshe. Vakavombila anja kujeneka kulinga muyoyo.”

Amose 8:7

Shukulu Kalunga Njambi ya Isalele, nalisingi ngwendi, “Kunjikevala vilinga vyavo vya vuvi.

Zakaliya 11:8

Kunjasimpile na vamo tunyungi vakwavo vatatu, vaje vanjizindile, co voshe njavatundisile mu ngonde imolika.

Kwituluka mu Mashiko 32:19

“Omo Shukulu Kalunga wamwene evi, co waluvalele, omwo vana vendi va vanalume na ava va vanakazi vamushangumwine.