Amose 6:4 - Livulu lya Shukulu Kalunga

⁴ Tuyando tweni yeni mulinakulala a malili akucakeya na mayo a vinjamba, co mulyolola a vulili vweni, mukali situ ya vana va vimanga vavavwa na situ yakununa ya vana va vingombe!

Amose 6:4 Iomraidhean Croise

Kushangumuka 37:25

Omo vatumbamene nakulya, vandwile mesho avo, co vamwene cendo ca vaIshimaela valinakwita vatunda ku Ngilyande vaya ku Ingito na tumelo twavo, vambatele vyemba vyakunika lwengo na kenya.

Esita 1:6

Co lije lipela valicakeyeye na mavamba a vwanda vwakuzivuluka, na vwanda vwakutoka, vwakukuta na mikole yakuvenguluka na tunzeya twa siliva ku mitwe ya vimanda. Myela ya ngolinde na siliva ije yakele mu lipela, vaicakeyeye na mamanya akutoka naa akuvenga akuliseza-seza na makwalale akama akuvyazima na takwoise yakuzivuluka.

Myaso 73:7

vimbunge vyavo vituwisa vuvi, co mana avo ali na matumbe a vuvi.

Isaya 22:13

Oloni yeni mwavwaelelele, co mwalisambele. Mwatsiile vimanga na vingombe, co mwalile nakunwa vinyu. Mwendekele ngweni, “Tunapande kulya nakunwa! Imene tutsa.”

Isaya 28:1

Vumwene vwa Isalele vunanyongo! Vumwene vwavwo vulinakuhwa ngwe cilongo ca vishani cili ku mitwe ya vantwama vamwo vaka-kupenda. Mitwe yavo ya kulyalesa vanaivwavesa mwamuvwa mazi akunika lwengo lwaluvwa, oloni vanalala, vanapende vwala.

Njelemiya 16:8

“Kesi ukovele mu njuvo muje muli ciwano. Kesi utumbame navo mukulya nakunwa.

Ezekiyele 16:49

Sondoma na vana vendi valyalesele, omwo vakele na vyakulya vyavingi, co vayoyele mu kwoloka namukuhwima, oloni kuvakwasele tuutu na vanu vaka-kujeneka.

Ezekiyele 23:41

Vatumbamene a vulili vwavuvwa, na mesa yakujala mwamuvwa kulutwe lwavo. Co a mesa yavo akele insense, na mazi a olive anjavanene.

Amose 3:12

Shukulu Kalunga alinakwendeka ngwendi, “Ngwe kanyungi acakununa mendi avali nambe litwi limo lya manga ku kanwa ka ndumba, mukemwo mwakamena Shukulu Kalunga vanu va Isalele vaje vali mu Samaliya, vaje vanatumbama a myela yaivwa, na a vitumbamo vyavivwa.

Amose 8:3

A litangwa lije myaso ya mu lipela ikapwa mitambi yakulila. Vivimbi vakapwa vavangi vakalala kwoshe-ikwoshe. Vakavombila anja kujeneka kulinga muyoyo.”

Mika 6:12

Vaka-kufuka veni va mu nganda valinakukwisa tuutu, co muvavoshe munapu vaka-makuli.

Luka 16:19

“Kwakele munalume umo muka-kufuka wazalele vuzalo vwavuvwa vwa ndando yakama, co walile vyakutovala a litangwa na litangwa.

Yakomba 5:5

Kuyoya kweni kwa ano asi kunapu kwa mbwase nakuvwaelela. Munalinunisa yeni vavenya ku litangwa lyakumitsiya.