Amose 6:11 - Livulu lya Shukulu Kalunga

¹¹ Omo Shukulu Kalunga akashika lishiko, co vinjuvo vyakama na vije vyavindondo vakavisiwula.

Amose 6:11 Iomraidhean Croise

2 Vimyene 25:9

Wenyekele Njuvo ya Shukulu Kalunga na lipela na vinjuvo vyoshe vya vanu va vulemu va mu Yelusalema,

Myaso 105:16

Shukulu Kalunga watumine njala ya lyangengela mu lifuti lyavo, co mu lifuti mwoshe kumwakele vyakulya.

Myaso 105:31

Njambi washikile, co kwakele vinjame vya vinzinzi na vina mu lifuti mwoshe.

Myaso 105:34

Washikile, co vimbimba vezile vavangi-vangi vaje naumo wai wasele kuvalava,

Muka-kwambulula 10:18

Omo munalume ali na vulwa vwakushomwenena njuvo yendi, ije njuvo inyokwa, co isiwuka.

Isaya 13:3

Shukulu Kalunga nashiki mashwalale vendi vakwanguka nakusimpa kulwa nzita yakujela nakuhisa vanu vaje vanaluvalela.

Isaya 55:11

Omu mukemwo muwapwa majwi ange, majwi ange kuwakeluka kuli yange, kujeneka kulinga vije njawatumine ngeci awalinge.

Hoziya 13:16

Samaliya vanapande kuyinyanyamesa akunjitengulukila. Vanu vendi vakatsila mu nzita, co vimbututu vakavamwashwila asi, co tufumba-kazi vakavatavula memo.”

Amose 3:15

Njikanyongesa vinjuvo vya cisika na vinjuvo vya ndombo. Njikawisa vinjuvo vyakucakeya na vimbinga vya vinjamba, co njikanyongesa njuvo yoshe yakama.”

Amose 5:11

Yeni munayandesa tuutu nakuvevila vimbuto vyavo. Co kumukakala mu vinjuvo vya mamanya vije vimunatungu, nambe kunwa vinyu vya ku vitungu vyavivwa vije mwakunine.

Amose 6:8

Shukulu Kalunga wa Akamwa ya Vyoshe Muka-nzili yoshe alinakunangula ngwendi, “Yange njazinda kulyalesa kwa vanu va Isalele, njiyengula vinjuvo vyavo vyakama. Co njikana nganda yavo yakama na vyuma vyoshe vilimo kuli vitozi vavo.”

Amose 9:1

Njamwene Shukulu Kalunga nemana kumukulo wa mutula. Co washikile lishiko ngwendi, “Pupeni manene mitwe ya vimanda vya Njuvo yange ngeci vipamba vijaje. Vipokozoleni ngeci viwile a mitwe ya vanu. Co njikatsiila mu nzita vanu vaje vakasalao. Naumo wai akasalao, naumo wai akaputumuka.

Amose 9:9

“Njikashika lishiko, co vanu va mu Isalele vakavasala ngwe munu asala vimbuto mu musalo. Njikavasala akati ka miyati nakutundisa vaje voshe vangoco.

Nahumi 1:14

Evi vikevyo vyanashiki Shukulu Kalunga ali vaAsilya ngwendi, “Kuvakakala na vatekulwila vakutwala kulutwe lizina lyavo. Co njikanyongesa tumponya tuje tuli mu vinjuvo vya vinjambi vavo. Njilinakuvwaesa mbumbo ya vaAsilya, kuvapandele kuyoya!”

Zakaliya 14:2

Shukulu Kalunga akakungulula miyati yoshe ya vanu nakulwisa Yelusalema. Nganda vakayambata, co vakapukula vyuma vya mu vinjuvo, vanakazi vakavazivisa shwamwa. Co litambelo lya vanu vakaya ku vunzinda, oloni vaje vakasalao kuvakavatundisa mu nganda.

Malakiya 1:4

Nga vatekulwila va Isau vaEndome vendeka ngwavo, “Vinganda vyetu vinapu vingundu, oloni tukavitungulula.” Co Shukulu Kalunga akakumbulula ngwendi, “Vasa kutungulula, oloni njikavisiwula lalo. Co vakavatumbula ngwavo, ‘Lifuti lya vaka-vuvi,’ na ‘Muyati wa vanu vaaluvalela Shukulu Kalunga ku myaka yoshe.’ ”

Luka 19:44

Co vakevo vakakunyongesa njwa amo na vanu vove vaje vali mu vivumbe vyove, kuvakaseza limanya limo mu mutambela walyo, omwo yove kuwazivukile simbu omo Njambi wezile nakukwovola!”