Amose 6:10 - Livulu lya Shukulu Kalunga

¹⁰ Asinoni kavushoko ka munu uje natsi akatuwisa civimbi ca mutsi mu njuvo, co akasana woshe uje nasala muje mu njuvo ngwendi, “Muli weka lalo omo mu njuvo ndi?” Co akamukumbulula ngwendi, “Waimo!” Ngecivene, uje kavushoko akendeka ngwendi, “Oloka kuluu! Tunapande kunyanyama kesi tutumbule lizina lya Shukulu Kalunga.”

Amose 6:10 Iomraidhean Croise

2 Vimyene 23:16

Asinoni Yosiya omo watengulukile wamwene vimbumbo vije vyakele a lilundu, co watundisilemo vitsiya nakuvyenyekela a mutula. Mu ngila eyi wasiwile uje mutula, mukulinga vije vyendekele laja muka-kwimanena a simbu ya ciwano omo Mwene Yelovowame wemanene ku mutula. Mwene Yosiya wakengele noku-noku, co wamwene mbumbo ya muka-kwimanena uje wambulwile evi.

2 Vimyene 6:33

Omo kanda acimanese kwendeka evi, co katumwa ka mwene wetele, wendekele ngwendi, “Shukulu Kalunga ikeye nanene vukalu vwoshe ovu ali yetu! Vikajo njimuvandamena ngeci atukwase?”

Njelemiya 16:6

Vaka-kufuka na tuutu vakatsila mu lifuti eli, oloni naumo wai akavatsinda nambe kuvalila. Naumo wai akalitavozola ikeye vavenya nambe kuteula vin̄ambu vyendi mukumwesa vusiwa.

Njelemiya 44:26

Oloni ololo tolilileni ku cisingo eci. Yange Kalunga, njalisingi mu lizina lyange lya nzili kuli yeni voshe vaIsalele muli mu Ingito ngwange, naumo wai lalo injikatavesa kupangesa lizina lyange akulisinga ngwendi, ‘Njilisinga ali Shukulu Kalunga wakuyoya wa Akamwa ya Vyoshe!’

Njelemiya 9:21

Kutsa kunatukovelela mu vinjanena vyetu, co kunakovela na mu vinjuvo vyetu, nakutsiya vanike mu vitapalo, na vakwenje mu mitambela ya vulandeselo.

Ezekiyele 20:39

Co Shukulu Kalunga wa Akamwa ya Vyoshe wendekele ngwendi, “Ololo, yeni voshe vaIsalele, lizivasaneni! Twaleniho nakupangela tumponya tweni! Oloni njiminangula ngwange munima yevi, mukanjononoka nakulikela kushaula lizina lyange lyakujela akwana vwana ku tumponya tweni.

Ezekiyele 24:21

ngeci njileke vaIsalele ngwange, ‘Mulinakulyalesela a Njuvo ya Shukulu Kalunga. Yeni mulinakushaka kuyikenga nakusikamenamo, oloni Shukulu Kalunga akaishawisa. Co vana veni va vanalume na ava va vanakazi vaje vanasala mu Yelusalema vakavatsiila mu nzita.

Amose 5:13

Ngecivene, uje ali na mana akoloke kuluu a simbu eyi yaivi ngacije!

Amose 8:3

A litangwa lije myaso ya mu lipela ikapwa mitambi yakulila. Vivimbi vakapwa vavangi vakalala kwoshe-ikwoshe. Vakavombila anja kujeneka kulinga muyoyo.”

Kulava 17:12

Co vanu va Isalele vendekele kuli Mosesa ngwavo, “Kenga! Tutsa! Tunyonga, tuziluka tuvavoshe!

1 Samwele 31:12

co vanalume vakusimpa vakalukile nakuya, vendele vutsiki vwoshe nakweta ku Mbete Shane. Co vatundisile muvila wa Saulu, na mivila ya vana vendi a civumbe, co vanenele vivimbi vyavo ku Njambeshe, vavicavelelele kuje.