Amose 5:19 - Livulu lya Shukulu Kalunga

¹⁹ Likapwa ngwe munu atewa ndumba, co aliwana lalo na mbeya! Nambe ngwe munu aija ku njuvo yendi, co aaka livoko lyendi a civumbe, co aje vene ashumiwa ku linyoka!

Amose 5:19 Iomraidhean Croise

Muka-kwambulula 10:8

Nga winda mbulu, co ukawilamo, nga utuva civumbe, co linyoka akushuma.

Isaya 10:2

Omu mukemwo mumuli nakuyandesela tuutu, nakuvavindika kulinga vushunga. Omu mukemwo mumukambatela vufuko vuje vwakundama ku vifwile na visiwa.

Isaya 10:3

Vatijo mukalinga omo Njambi akamihisa? Vatijo mukalinga omo ikeye akanena miyati yeka ngeci vamilwise nakumihisa? Kulijo kumukatewela ngeci mukawaneko vukwasi? Vufuko vweni mukavutewesela kuli?

Vilinga vya Miluwa 28:4

Omo vaje vandambo vamwene uje linyoka alinakujenjela ku livoko lya Paulu, co valyendekesele umo na mukwavo ngwavo, “Ou munalume wapwa muka-kutsiya, nameme novoka ku mema a kalunga, oloni vushunga kuvumutava ngeci ayoye.”

Kwituluka mu Mashiko 32:24

Co vakalanduka ku njala na ku lilanga, mishongo yakukomokesa ikavalya. Njikatuma vikashama va mu shwata nakuvatsiya, na manyoka va vushungu vwavuvi vakavashuma.

Yoshwa 10:18

Co Yoshwa wendekele ngwendi, “Andumwineniko mamanya akama ku cikolo ca linzenzengoma, co akeniko vaka-kunyunga.