Amose 5:18 - Livulu lya Shukulu Kalunga

¹⁸ Luvinda lweni yeni mwavandamena litangwa lya Shukulu Kalunga! Vuvwa mukajo vukalingiwa ali yeni a litangwa lije? Kuli yeni likapwa litangwa lya lisusulungu, kesi litangwa lya ceke embwe.

Amose 5:18 Iomraidhean Croise

Isaya 13:6

Lileni, nakukangoka! Litangwa lili muyehi, omo Shukulu Kalunga Muka-nzili yoshe akaija mukunyongesa.

Isaya 24:18

Munu woshe uje atewa lyova akawila mu citeke, co munu woshe uje atewa citeke akatsa mu mweto, omwo vinjanena vya mwilu vyashokoloka, co luvula lwa kaye lujaja.

Isaya 5:19

Mwendeka ngweni, “Shukulu Kalunga azambule kulinga vije vyendekele, ngeci tuvimone. Njambi wa Isalele wakujela atumbe matumbe endi, ngeci tumone viyongola vyendi.”

Isaya 5:30

Omo litangwa lije likaija, vakakuma a Isalele ngwe mema a kalunga. Kengeni a lifuti eli! Lisusulungu na tuyando! Ceke cinatenguluka kupwa lisusulungu.

Isaya 58:2

Vakanjilemesa a litangwa na litangwa, vendeka ngwavo valinakushungwiya kuzivuka vingila vyange nakwononoka mashiko ange. Vendeka ngwavo vashaka njivane mashiko a vushunga, ngeci vavwaelele mukunjilemesa.”

Isaya 8:22

nakukenga lalo asi, oloni vyai vakamona, vakamona lika tuyando na lisusulungu, lisusulungu lyakuzivisa lyova muje muvakavombila.

Isaya 9:19

Omwo Shukulu Kalunga Muka-nzili yoshe naluvala, cihiso cendi cilinakushukuma ngwe tuhya mu lifuti mwoshe nakunyongesa vanu, co naumo wai akamena ndolome yendi.

Njelemiya 13:16

Singimikeni Shukulu Kalunga Njambi yeni simbu kanda anene lisusulungu mutanuke a minkinda, simbu kanda apwise ceke ngwe lisusulungu.

Njelemiya 17:15

Vanu valinakwendeka ngwavo, “Vilikulijo vije vyakele nakulishungwiya Shukulu Kalunga ali yetu? Avilinge oni ololo!”

Njelemiya 30:7

Litangwa lyalikalu lilinakwija, kukwesi lalo litangwa lyeka lyakulifwa nalyo, ikapwa simbu yaikalu kuli vanu vange, oloni vakovoka.”

Ezekiyele 12:22

“Muna munu, omwo vikajo vanu va Isalele valinakwilukila-ilukila cisimo eci ngwavo, ‘Simbu ilinakuya, co vuka-kwimanena vunapu vwangoco!’

Ezekiyele 12:27

“Muna munu, vaIsalele valinakuyongola ngeci vimona vyove na vuka-kwimanena vwove vinapu vya kulutwe manene.

Njwele 1:15

Litangwa lya Shukulu Kalunga lili muyehi, litangwa lije omo Muka-nzili yoshe akanena kunyonga. Litangwa lije likapwa lyakujujwisa!

Njwele 2:10

Asi oshe aninganga omo valinakwija, co lilu lijaja. Litangwa na ngonde vizivala vwii, na vingongonosi kuvitu ceke.

Njwele 2:11

Shukulu Kalunga ashika mashwalale vendi na lijwi lyakama ngwe cililimo. Mashwalale vaje vamwononoka vapwa vavangi, co lalo vakala na nzili. Litangwa lya Shukulu Kalunga likapwa lya vukalu manene! Naumo wai akasa kuputumuka.

Njwele 2:31

Litangwa likazivala, na ngonde ikavenga ngengu ngwe maninga, omo litangwa lyakama lyakukomokesa lya Shukulu Kalunga kanda lyete.

Ovandiya 1:15

“Litangwa lili muyehi omo yange Kalunga, njikasompa miyati yoshe. Muje muunalingi yove Endome, mukemwo lalo muvakakulinga nove. Vilinga vyove vikakwilukila yove vavenya.

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Kwituluka mu Mashiko 32:24

Co vakalanduka ku njala na ku lilanga, mishongo yakukomokesa ikavalya. Njikatuma vikashama va mu shwata nakuvatsiya, na manyoka va vushungu vwavuvi vakavashuma.

2 Petulu 3:10

Oloni Litangwa lya Mwene likaija ngwe mwizi. A Litangwa lije kaye kakanyongolokota na cililimo cakama, co vyuma vya mwilu vikenya njwa nakunyonga, co kaye na vyuma vyoshe viliho vikanyongolokota.

2 Petulu 3:4

co vakamihula ngwavo, “Ikeye wakulaesele kwija, indi vati? Ali kulijo? Vakukulwila vetu vanatsi laja, oloni vyuma vyoshe vicili ngwe muvyapwile laja tunde akutanga kwa kaye!”