Amose 5:17 - Livulu lya Shukulu Kalunga

¹⁷ Ku mahya a mikolovozi ya vushuka vwa vinyu kukakala kulila. Evi vyoshe vikalingiwa omwo njikaija nakuminyanyamesa.” Mukemwo mwanendeka Shukulu Kalunga.

Amose 5:17 Iomraidhean Croise

Kutuuka 11:4

Ngecivene, Mosesa wendekele kuli mwene ngwendi, “Shukulu Kalunga nendeka ngwendi, ‘Mukati ka vutsiki njikaita mu Ingito,

Kutuuka 12:12

“A vutsiki vuje njikaita mu lifuti lya Ingito, njikatsiya vana va vanalume voshe va va ntwatwa va vanu, na ava va tusitu vakulivanga kusemuka. Co njikahisa vinjambi voshe va mu Ingito, yange njapwa Kalunga.

Kutuuka 12:23

Omo Shukulu Kalunga akaita mu Ingito nakutsiya vaka-Ingito, co ikeye akamona maninga a cipamba ca cikolo ca njuvo, co kakatavesa uje Kangelo Muka-kutsiya kukovela mu vinjuvo vyeni nakumitsiya.

Isaya 16:10

Naumo wai alinakuvwaelela mu mahya a vwilo. Naumo wai alinakutambeka nambe kwimba myaso mu vitungu vya mikolovozi ya vushuka vwa vinyu, naumo wai alinakulyatangela vushuka vwakulivanga vwa vinyu, Njambi namanesa mitambi yakujolela yoshe.

Njelemiya 48:33

Kuvwaelela nakujolela kwa kuteja vimbuto kuvyesimo lalo mu vitungu na mu mahya a lifuti lya Mowavi lya vwilo. Yange njikavindika vinyu kwita omo vavikamuna, co naumo wai akajolela akukamuna vinyu.

Njwele 3:17

“Asinoni, Isalele mukazivuka ngeci yange njapwa Kalunga Njambi yeni. Yange njakala a Siyone, lilundu lyange lyakujela. Yelusalema ikapwa nganda yakujela, vaka-kwija kuvakaifungulula lalo.

Nahumi 1:12

Evi vikevyo vyalinakwendeka Shukulu Kalunga kuli vanu vendi va Isalele ngwendi, “Nameme vaAsilya vatumu manene, nambe vali na nzili, vakanyonga, co vakaziluka. Vanu vange, njamiyandesele, oloni kunjikacilingi lalo embwe.

Nahumi 1:15

Kengeni, muluwa alinakwija akamwa ya minkinda mukutunenela muzimbu wauvwa! Alinakwija mukwambulula vyakufungulula Asilya! Ngecivene, vanu va mu Yunda, lisambeni a viwano vyeni, co aneni kuli Njambi vije mwalisingile kumwana. Co vaAsilya vaje vaka-vuvi kuvakalwisa lalo lifuti lyeni. Vanavanyongesa voshe njwa!

Zakaliya 9:8

Njikanyunga lifuti lyange, co njikavindika mashwalale kwitamo. Kunjikatavesa lalo vaka-muuka kuyandesa vanu vange, njamono muvanayandelamo vanu vange.”