Amose 5:16 - Livulu lya Shukulu Kalunga

¹⁶ Ngecivene, Shukulu Kalunga wa Akamwa ya Vyoshe Muka-nzili yoshe alinakwendeka ngwendi, “Kukakala kulila mbimbi-mitwe mu vitapalo vya mu nganda. Na vandimi navo vakavaleka ngeci valile na vaje voshe vavakafwete vimbongo ngeci valile.

Amose 5:16 Iomraidhean Croise

2 Mizimbu 35:25

Co Njelemiya muka-kwimanena wasonekele mbimbi yakulila ali Mwene Yosiya. Eci capwile cilika mu Isalele kuli vaka-kwimba, vanalume na vanakazi, vembile ou mwaso wa mbimbi omo vamulilile. Co mwaso ou wa mbimbi vausoneka muLivulu lya Mbimbi.

Isaya 15:8

Ku vinginga vyoshe vya Mowavi valinakuziva mutambi wakulila. Valinakuuziva mu vinganda vya ku Engelaime na ku Mbelelime.

Isaya 22:12

Shukulu Kalunga wa Akamwa ya Vyoshe Muka-nzili yoshe wamilekele ngeci mulile na kusikoka, nakuteula mitwe yeni nakuzala vikeleya.

Njelemiya 30:5

“Njazivile mutambi wakujajesa, mutambi wa lyova kesi wa kwoloka.

Njelemiya 4:31

Njazivile muteto ngwe wa munakazi ashaka kukita, muteto ngwe wa munakazi ashaka kukita munendi wa ntwatwa. Wapwile muteto wa Yelusalema wakuhwimangana, nakulombela ngeci vamukwase, co endeka ngwendi, “Njinanyongo! Valinakwija mukunjitsiya!”

Njelemiya 9:10

Njelemiya wendekele ngwendi, “Njikalilila minkinda, co lalo njikalinyenga mitambela kwakulila vimuna, omwo vinomu cau, co naumo wai alinakwendamo. Naumo wai aziva vingombe omo vatamuna, co tuzila na tusitu vanatewa vanai.”

Njelemiya 9:16

Co njikavashandwela akati ka miyati ya vanu vaje kuvazivile akulivanga nambe vakukulwila vavo kuvaizivile, co njikatuma mashwalale nakuvalwisa noo njinavanyongesa voshe njwa.”

Hoziya 4:3

Ngecivene, lifuti likauma cau, co vyuma vyoshe vije vyakalamo vikatsa. Tusitu na tuzila voshe nameme visi vakatsa.”

Njwele 1:11

Linyengeni, yeni vandimi, lileni mbimbi-mitwe, yeni vaka-kunyunga vitungu vya mikolovozi ya vushuka vwa vinyu, omwo tiliku na mbale ya maumwa na vimbuto vyoshe vinanyongo.

Njwele 1:14

Shikeni lishiko lyakulikela kulya, co saneni mbunga yoshe ya vanu! Kungulwileni vantwama na vanu voshe va mu Yunda mu Njuvo ya Shukulu Kalunga Njambi yeni nakulilila kuli ikeye!

Njwele 1:15

Litangwa lya Shukulu Kalunga lili muyehi, litangwa lije omo Muka-nzili yoshe akanena kunyonga. Litangwa lije likapwa lyakujujwisa!

Njwele 1:8

Lileni, yeni vanu, ngwe mumbanda alila kutsa kwa munalume uje nashakele kumwambata.

Amose 3:13

Tolilileni, co nanguleni vatekulwila va Yakomba,” mwanendeka Shukulu Kalunga wa Akamwa ya Vyoshe Muka-nzili yoshe.

Amose 5:27

omo njimitwala mu vunzinda musambwa ya lifuti lya Ndamasiku.” Mwalinakwendeka Shukulu Kalunga, lizina lyendi ikeye Njambi Muka-nzili yoshe.

Amose 8:10

Njikatengulula viwano vyeni kuvipwisa vusiwa, na myaso yeni yakujolela kuyipwisa mitambi yakulila. Mukateula mitwe yeni, co mukazala vikeleya. Mukapwa ngwe visemi vaje valila munavo umolika wa munalume. Litangwa lije likapwa lyalikalu akukotoka kwalyo.

Amose 8:3

A litangwa lije myaso ya mu lipela ikapwa mitambi yakulila. Vivimbi vakapwa vavangi vakalala kwoshe-ikwoshe. Vakavombila anja kujeneka kulinga muyoyo.”

Mika 1:8

Asinoni Mika wendekele ngwendi, “Omo a evi, njikalila nakulinyenga. Mukumwesa vusiwa vwange, co njikenda mendi-mendi na mutotototo. Njikalila ngwe mbanje, co njikasikoka ngwe nkumbwa.

Mika 2:4

Omo ije simbu iketa, vanu vakendeka majwi amavi ali yeni kupwa cimweso ca tuyando twakama, co vakaimba mwaso uje wa vusiwa ali yeni ngwavo, ‘Tunanyongo njwa! Shukulu Kalunga natutambula lifuti lyetu nakulyana kuli vaje vatukwatele vunzinda.’ ”

Kujombolola 18:10

Vakashondoloka nakwimana kulyala, omwo vakaziva lyova lya tuyando twendi, co vakendeka ngwavo, “Kengeni! Naana! Kayeketu! Kayeketu! Mbambilone nganda yakama! Mu ola imolika lajoko vanakunyanyamesa!”

Kujombolola 18:19

Valishuwilile livu a mitwe yavo, valilile nakusikoka, co vendekele ngwavo, “Kengeni! Naana! Kayeketu! Kayeketu! Nganda eyi yakama! Yapwile nganda ije yafukisile vaka-mato akama voshe vaje vakele nakwendela a mema a kalunga! Co ola imolika lajoko nazimbalesa vyendi vyoshe!”