Amose 5:15 - Livulu lya Shukulu Kalunga

¹⁵ Zindeni vije vyavivi, co zemeni vije vyavivwa, vushunga vusholoke mu mbanja. Amo Shukulu Kalunga akazivilako mema ku mbunge vanu va lifuti eli vaje vacili nakuyoya.

Amose 5:15 Iomraidhean Croise

2 Samwele 16:12

Amo Shukulu Kalunga akamona tuyando twange, co akanjana vivezikiso kwingisa mu cisingo cendi.”

1 Vimyene 20:31

Vamyata vendi vaile kuli ikeye nakumuleka ngwavo, “Twazivi ngeci vimyene va Isalele vaka-ngozi. Twane lisesa tuye kuli mwene wa vaIsalele nakuzala vikeleya vyakuzengeleka mu vimbunda vyetu na mikole yakuzengeleka mikoshi yetu, amo akamena mwonyo wove.”

2 Vimyene 13:7

Njehoahaze kakele na mashwalale vasaleleo kuvanga lika vaka-kulonda a tuvalu makumi atanu, na matemba likumi, na vanalume 10,000 vaka-kwenda a mendi, omwo mwene wa Silya wanyongesele vakwavo voshe, wavalyatangelele ngwe likungu.

2 Vimyene 15:29

Omo Peka wapwile mwene wa mu Isalele, Tingelate Pilesele, mwene wa Asilya wafungulwile vinganda vya Injone na Avele Mbete Maka na Njanowa na Kendeshe na Hazole na mafuti a Ngilyande na Ngalileya na Nafetali, co watwalele vinzinda ku Asilya.

2 Vimyene 19:4

Mwene wa vaAsilya natumu Lambashake mwata wendi wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

Myaso 119:104

Mashiko ove anjipwise muka-kuzivisisa, ngeci njizinde vyuma vyoshe vyavivi.

Myaso 34:14

Atunde ku vuvi nakulinga vyuma vyavivwa, ashakezeke nakukavangeya kwoloka.

Myaso 36:4

Vakatumbu matumbe amavi oku vanalala a vulili vwavo, nacimo cacivwa civakalingi cai, co kuvesi kuvyana cuma cacivi.

Myaso 37:27

Tundeni ku vuvi ngeci mulinge vushunga, co vatekulwila veni vakayoya mu lifuti myaka yoshe.

Myaso 80:1

Yove Kanyungi ka Isalele, tolilila kuli yetu, tutolilile, yove ntwama ya vutanga. Yove unatumbama akamwa ya vakelumbi,

Myaso 97:10

Yeni mwazema Shukulu Kalunga munapande kuzinda vuvi, Shukulu Kalunga akanyungu vanu vendi va kulongwa, nakuvapatula ku nzili ya vaka-muuka.

Kutuuka 32:30

Co alikaki Mosesa wendekele kuli vanu ngwendi, “Munalingi vuvi vwakukomokesa manene. Oloni ololo njilinakulamata lalo ku munkinda kuli Shukulu Kalunga, amo njikasa kuwanako kwambesa vuvi vweni.”

Njelemiya 18:8

oloni nga uje muyati wa vanu vatenguluka ku vuvi vwavo, co njikatengulula viyongola vyange, kunjikalingi vije vinjayongwele kulinga.

Njelemiya 22:3

Yange Kalunga njikushika kulinga vije vyavivwa nevi vya vushunga. Ameneni vaje vavalinakunyanyamena kuli vaje valinakuvanyanyamena. Kesi muyandese vaka-kwija, na visiwa, nambe vifwile, co kesi mutsiile vanu vakujeneka mulonga mu mutambela ou wakujela.

Njelemiya 31:7

Shukulu Kalunga alinakwendeka ngwendi, “Imbileni Isalele nakujolela, muyati wa vanu wakama kutuvakana miyati ya vanu voshe. Imbeni mwaso weni wakushangazala ngweni, ‘Shukulu Kalunga namena vanu vendi, napatula voshe vaje vasaleleo.’

Ezekiyele 45:9

Shukulu Kalunga wa Akamwa ya Vyoshe wendekele ngwendi, “Yeni vaka-kushwana va Isalele munavulumuna simbu yakama manene! Likeleni muuka na lipakeso. Lingeni vije vyakushungama na vushunga. Kesi lalo musheke vanu vange mu lifuti lyavo embwe. Yange Kalunga wa Akamwa ya Vyoshe, njimileka evi.

Ndanyele 2:49

Ndanyele walombele kuli mwene ngeci mwene aane Shandelaki, na Meshake, na Ambendenengo moko yakukenga a vyuma vyoshe vya mu lifuti lya Mbambilone, co Ndanyele wakele lika mu mbanja ya vumwene.

Njwele 2:14

Amo Shukulu Kalunga Njambi yeni akatengululako viyongola vyendi nakumivezikisa na vimbuto vyavingi manene. Asinoni mukalambula kuli ikeye vimbuto na vinyu.

Amose 5:10

Yeni vanu mwazinda munu woshe uje alwisa makuli nakwendeka vushunga mu mbanja.

Amose 5:24

Oloni vushunga vwite ngwe mema a mu ndonga, na vuvwa ngwe ndonga ije kuyesi kuma cau.

Amose 5:6

Ilukeni kuli Shukulu Kalunga ngeci muyoye. Nga kumumushakezeka, co akaija ngwe tuhya ali vanu va Isalele. Tuhya tukenyeka vanu va ku Mbetele, co naumo wai akasa kutuzima.

Amose 6:12

Kuma tuvalu vakashatuka a mamanya ndi? Kuma vanu vakalimi a mema a kalunga na vingombe ndi? Ololo yeni munatengulula vushunga kuvupwisa vushungu, co munalingisa vuvwa kupwa kupenga-penga.

Amose 7:3

Co Shukulu Kalunga watengulwile viyongola vyendi, co wendekele ngwendi, “Evi viwunamono kuvikalingiwa.”

Yona 1:6

Mukulunu wa vaka-kujavula vwato wamuwanenemo, co wamwihwile ngwendi, “Omwo vikajo unalalela tulo twangacije? Induka ulombele kuli njambi yove ngeci atukwase. Acimo atuzivilako mema ku mbunge, ngeci kesi tunyonge.”

Yona 3:9

Amo Njambi akatengululako viyongola vyendi, amo ikeye akalikela kuluvala, cooni kutukanyongo!’ ”

Mika 2:12

“Oloni njikamikungulwila amolika, yeni vanu voshe va mu Isalele vaje vanasalao. Njikamikungulwila amolika ngwe vimanga veluka ku vutanga. Ngwe vulilo vunashulu na vimanga, lifuti lyeni likakala na vanu vavangi.”

Mika 3:2

oloni mwazinda vije vyavivwa nakuzema vije vyavivi. Mujuva vanu vange oku vaciyoya nakuvajamozola mishuni a vitsiya vyavo.

Mika 5:3

Ngecivene, Shukulu Kalunga akana vanu vendi mu mavoko a vitozi vavo noo munakazi uje nakiti munendi wa munalume. Asinoni vavushoko vwendi vaje vasalele mu vunzinda vakeluka nakulipandakana na vaIsalele.

Zefaniya 2:3

Ilukeni kuli Shukulu Kalunga yeni voshe vaka-kulilumbilisa va mu lifuti, vaje valinakwononoka mashiko endi. Lingeni vije vya vushunga, co lilumbiliseni ku mesho a Shukulu Kalunga. Amo mukaputumuka ku cihiso a litangwa lije omo Shukulu Kalunga akasholola vukalu vwendi.

Malakiya 3:18

Asinoni mukamona kwangunuka akati ka vaka-vushunga na vaka-vuvi, na akati ka vaje vaka-kupangela Njambi na vaje kuvesi kumupangela.”

Loma 12:9

Cizemo cinapande kutungukwa. Zindeni vyuma vyoshe vije vinapu vyavivi, kakateyeni kuli vije vyavivwa.

Loma 7:22

Omwo njivwaelela mu Lishiko lya Njambi mukati ka muvila wange.

Loma 8:7

Omwo cizango ca vusitu cikeco cinena vutozi kuli Njambi, kucasa kwononoka Mashiko a Njambi, co kucitava vene.

3 Yowano 1:11

Musamba wange injazema, kesi utembunwine vije vyavivi, oloni tembuwina vije vyavivwa. Woshe uje alinga vyavivwa ikeye wakundama kuli Njambi, woshe uje alinga vyavivi kamwene Njambi.