Amose 4:9 - Livulu lya Shukulu Kalunga

⁹ “Njatumine lihunzi lya ntwima nakumisa vimbuto vyeni cau. Co vimbimba mikumbi valile myaaka yeni yoshe njwa, na vitungu vyeni vya mikolovozi ya vushuka vwa vinyu na miti yeni ya mikuyu na miti ya olive. Oloni nameme ngoco kumwelukile kuli yange.

Amose 4:9 Iomraidhean Croise

1 Vimyene 8:37

“Omo mu lifuti muli njala ya lyangengela nambe mushongo wakulitambwisa, vimbuto viziluka omo lilanga nambe vinjame vya vimbimba, nambe omo vanu vove vavalwisa ku vitozi vavo, nambe mushongo nambe kuvinja akati kavo,

2 Mizimbu 6:28

“Omo mu lifuti muli njala ya lyangengela nambe mushongo wakulitambwisa na vimbuto viziluka omo lilanga nambe vinjame vya vimbimba, nambe omo vanu vove vavalwisa ku vitozi vavo, nambe mushongo nambe kuvinja akati kavo,

Isaya 1:5

Omwo vikajo mulinakunjitengulukila? Mushaka ngeci njimihise lalo manene ndi? Isalele, ku mutwe wove kulilaja vimbandu, co mbunge yove na viyongola vyove vinazeye.

Isaya 50:11

Yeni voshe vaje vali na vutumbe vwakunyongesa vakweni, matumbe eni akaminyongesa yeni vavenya. Shukulu Kalunga akamona ngeci vyuma evi vilingiwa, mukayanda tuyando twakama.

Isaya 9:12

Lifuti lya Silya mu ngangela na lifuti lya Filisitiya mu kangombe ka yambi, vaneshama tunwa twavo ngeci vamine Isalele. Nameme ngoco vukalu vwa Shukulu Kalunga kuvwahwililileo embwe, oloni anga nolola livoko lyendi mukuhisa.

Njelemiya 3:10

Munima ya vyoshe evi, Yunda ndokazi ya Isalele wakujeneka kulongwa, walikwisile kwiluka kuli yange, oloni kelukile na mbunge yendi yoshe. Yange Kalunga, njinendekamo.”

Njelemiya 5:3

Mwa vushunga Shukulu Kalunga akakenge a kulongwa. Waminyanyamesele, oloni kumwamutolililile, wamisindakanene, oloni kumwalilongesele. Mwakaluwisile vimbunge vyeni, co kumwatengulukile ku vuvi vweni.

Hoziya 11:5

“Oloni vavyanene kwiluka kuli yange, ngecivene, vanapande kwilukila lalo ku Ingito, ngeci vaAsilya vakavashwane.

Njwele 1:4

Vinjame na vinjame vya vimbimba vyalile vimbuto, co vimbuto vije viyasezele njame imo, njame ikwavo yavinyongesele.

Njwele 1:7

Vananyongesa mikolovozi yetu ya vushuka vwa vinyu, nakulenda miti yetu ya mikuyu yoshe njwa. Yoshe vanaikovonona vyula, nakuseza minango mwangoco too.

Njwele 2:25

Njikamiilwisila vije mwazimbalesele mu myaka ije omwo vinjame vya vimbimba mikumbi vyalile vimbuto vyeni. Yange uje njatumine vinjame vya vimbimba mikumbi ali yeni.

Amose 4:6

“Yange njanenele njala ya lyangengela mu vinganda vyeni vyoshe, oloni kumwelukile kuli yange.

Amose 4:8

Vanu vazeyele na lihwila, co vatundile mu vinganda vimo vaile ku nganda ije ivayongwele ngeci vakawanako mema, oloni kukwakele mema akupwisamo kunwa. Oloni nameme ngoco kumwelukile kuli yange.

Hambakuke 3:17

Nameme miti ya mikuyu kuyemine vushuka, co kukwesi vushuka vwima a mikolovozi ya vushuka vwa vinyu, nameme vimbuto vya olive vyai, na vimbuto kuvikemi mu mahya, nameme vimanga voshe vakatsa, co mu macakana a vingombe mwoshe mwangoco,

Hangai 2:17

Njatumine litanya na nyonzi ya mamanya mukuviisa vyuma vyoshe vije mwakunine, oloni nameme ngoco kumwatengulukile.

Malakiya 3:11

Njikavindika vimbimba kulya vimbuto vyeni, co mikolovozi yeni ya vushuka vwa vinyu ikaima vushuka vwavungi.

Kwituluka mu Mashiko 28:22

Shukulu Kalunga akaminyanyamesa na mishongo ya lulanga, na mishongo ya lisika-sika na mazimbo, nakwenya kwa ngungu, na malanga na lihunzi, na mbundu-mbundu mukunyongesa vimbuto vyeni. Co vyuma evi vikatwalao noo munanyongo.

Kwituluka mu Mashiko 28:42

Miti yeni na vimbuto vyeni vyoshe vakavilya vimbimba mikumbi.