Amose 4:13 - Livulu lya Shukulu Kalunga

¹³ Njambi ikeye watangele minkinda, co watangele lihunzi. Ikeye asholola viyongola vyendi ku munu ngeci munu avizivuke, ikeye atengulula mutanya kuupwisa vutsiki. Ikeye muka-kushwana ano asi oshe. Lizina lyendi ikeye, Shukulu Kalunga Njambi Muka-nzili yoshe!

Amose 4:13 Iomraidhean Croise

Yombi 9:7

Ikeye ashika litangwa, co kulitu ceke, na vingongonosi kutwa ceke ku vutsiki.

Myaso 135:7

Ikeye akasholola mashelwa kutunda ku shongo ya kaye, akatumu muhyato amo na nyonzi, co atuhwisa lalo lihunzi muje mulyakala.

Myaso 139:2

Yove uzivuka vyuma vyoshe vinjikalingi, nambe uli kulyala, oloni uzivuka viyongola vyange vyoshe.

Myaso 147:18

Asinoni ashika, co aje mema akukonda asangunuka, atuma lalo lihunzi, co mema enda.

Myaso 65:6

Yove wemikile minkinda mu mitambela yayo na nzili yove, mukusholola nzili yove yakukomokesa.

Kutuuka 10:22

Ngecivene, Mosesa wajundwile livoko lyendi mwilu, co kwezile lisusulungu lyakuzivala vwii mu lifuti lya Ingito matangwa atatu.

Kutuuka 14:20

mukati ka vaka-Ingito na vaIsalele. Co lishelwa lyalingisile lisusulungu kuli vaka-Ingito, oloni lyatwile ceke kuli vanu vaIsalele, co vaje mashwalale va Ingito na mbunga ya Isalele kuvasele kuliwana vutsiki vwoshe.

Isaya 40:12

Iyajo neseka kuseteka mema a kalunga nambe kujangumuna lilu na mavoko endi? Iyajo naaka likungu mu mutonga, nambe kupeselesa minkinda na malundu a cipeseleso?

Isaya 45:7

Yange njitanga ceke na lisusulungu, njinena vivezikiso nakuvindama na tuyando. Yange Kalunga, muka-kulinga vyuma evi vyoshe.

Isaya 47:4

Njambi wakujela wa Isalele atupatula, lizina lyendi Shukulu Kalunga Muka-nzili yoshe.

Isaya 48:2

Muli na kulyalesa nakwendeka ngweni munapu vandambo va Yelusalema, nganda yakujela, nakukulaela kuli Njambi ya Isalele, uje lizina lyendi lyapwa Shukulu Kalunga Muka-nzili yoshe.

Isaya 5:30

Omo litangwa lije likaija, vakakuma a Isalele ngwe mema a kalunga. Kengeni a lifuti eli! Lisusulungu na tuyando! Ceke cinatenguluka kupwa lisusulungu.

Njelemiya 10:13

Akushika kwendi mema a mwilu akuma, ikeye muka-kwendesa mashelwa kutunda ku shongo imo ya kaye nakweta ku shongo ikwavo. Muka-kuyemwisa muhyato mu nyonzi, nakutuma lihunzi kutunda mu cishete cendi.

Njelemiya 10:16

Njambi ya Yakomba kalifwile navo, ikeye lika watangele vyuma vyoshe, waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Njelemiya 13:16

Singimikeni Shukulu Kalunga Njambi yeni simbu kanda anene lisusulungu mutanuke a minkinda, simbu kanda apwise ceke ngwe lisusulungu.

Njelemiya 46:18

Yange Kalunga Muka-nzili yoshe, yange mwene. Yange Njambi wakuyoya. Ngwe kaposhi ka Munkinda wa Tambole kali akamwa ya minkinda, ngwe Munkinda wa Kalemele wemana lwii ku ngenge ya mema a kalunga, mukemwo muyikapwa nzili ya uje akamilwisa.

Njelemiya 51:16

Akushika kwendi mema a akamwa ya mwilu akuma, akungulula mashelwa kutunda ku mitambela ya kaye. Ikeye muka-kuyemwisa muhyato wa nyonzi, nakutuma lihunzi kutunda ku njuvo yalyo yavutulikilo.

Njelemiya 51:19

Njambi ya Yakomba kalifwile natwo embwe, ikeye watangele vyuma vyoshe, co waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Ndanyele 2:28

Oloni kwali Njambi lika uje ali mwilu, uje asa kujombolola mahungu. Njozi iwalotele yapwile yakukunangula yove shukulu vyuma vije vikalingiwa kulutwe. Ngecivene, ololo njikuleka njozi yove, na cimona cije ciwamwene omo walalele.

Ndanyele 2:30

Ngeci lihungu eli valisholwele kuli yange, kesi omwo yange njakala na mana kutuvakana vanu voshe embwe, oloni ngeci yove shukulu ulilongese muyinalumbunukila njozi yove, nakuzivisisa viyongola vije vinaija kuli yove.

Hoziya 12:6

Ngecivene, ololo yeni vatekulwila va Yakomba, kulaeleni kuli Njambi yeni nakwiluka kuli ikeye. Pweni vaka-kulongwa nakupwa vanu va vushunga, co vandameneni nakusimpa ngeci Njambi yeni apange.

Njwele 2:2

Likelyo likapwa litangwa lya lisusulungu, litangwa lya mashelwa akuzivala vwii. Vinjame vyakama vya vimbimba mikumbi vikafwika akamwa ya minkinda ngwe lisusulungu. Kukwakele cuma cimo cakufwa ngwe eci, co kukukakala lalo cuma cakufwa ngwe eci.

Amose 3:13

Tolilileni, co nanguleni vatekulwila va Yakomba,” mwanendeka Shukulu Kalunga wa Akamwa ya Vyoshe Muka-nzili yoshe.

Amose 5:27

omo njimitwala mu vunzinda musambwa ya lifuti lya Ndamasiku.” Mwalinakwendeka Shukulu Kalunga, lizina lyendi ikeye Njambi Muka-nzili yoshe.

Amose 5:8

Shukulu Kalunga ikeye watangele vingongonosi, Lishano Mutumbu na Muta-mbambi. Ikeye akatengulula vutsiki kuvupwisa mutanya, co mutanya aupwisa vutsiki. Ikeye akasana mena mu mema a kalunga nakuwanyokesela ano asi. Lizina lyendi ikeye Shukulu Kalunga.

Amose 6:8

Shukulu Kalunga wa Akamwa ya Vyoshe Muka-nzili yoshe alinakunangula ngwendi, “Yange njazinda kulyalesa kwa vanu va Isalele, njiyengula vinjuvo vyavo vyakama. Co njikana nganda yavo yakama na vyuma vyoshe vilimo kuli vitozi vavo.”

Amose 8:9

Simbu ikaija omo litangwa likazivala akati ka mutwe, co njikatengulula mutanya kuupwisa lisusulungu. Yange Kalunga wa Akamwa ya Vyoshe, njinendekamo.

Amose 9:6

Shukulu Kalunga natungu limbo lyendi mwilu ya melu, co najala luvula lwendi ano asi. Ikeye akasana mema a kalunga nakuwetila ano asi. Lizina lyendi ikeye Shukulu Kalunga!

Mika 1:3

Shukulu Kalunga akaija kutundilila mu mutambela wendi wakujela, akashuluka asi nakwendangana akamwa ya minkinda.

Hambakuke 3:19

Shukulu Kalunga wa Akamwa ya Vyoshe ikeye muka-kunjana nzili. Ikeye muka-kuzambwisa mendi ange ngwe shonge, nakunjikwasa ngeci njishatuke a minkinda.

Zakaliya 12:1

Awa akewo majwi a Shukulu Kalunga kuli Isalele, Shukulu Kalunga uje wajangumwine melu, uje watangele asi, nakwana mwonyo kuli munu. Ikeye alinakwendeka ngwendi,

Mateo 9:4

Oloni Yesu wazivukile viyongola vyavo, co wavehwile ngwendi, “Vikajo mulinakuyongwela vyuma vyavivi mu vimbunge vyeni?

Yowano 2:25

Omo kashakele munu umo amuleke vukaleo vwa vanu, omwo wazivukile vije vyakele mu vimbunge vyavo.

Yowano 3:8

Lihunzi lihuwa kwoshe kulishaka, wasa kuziva cililimo calyo, oloni kuwasa kuzivuka kuje kulitunda nambe kuje kuliya. Ngecivene, mukemwo mucinapu navoshe vaje vanasemuka ku Munzinzime Wakujela.”

Kwituluka mu Mashiko 32:13

“Ikeye wavatavesele kushwana mafuti a malundu, valile vije vyamenene mu mahya. Vawanene vuki mukati ka mamanya, miti yavo ya olive yakolele mwamuvwa mu livu lya mamanya.

Kwituluka mu Mashiko 33:29

Wavezika yove Isalele! Kukwesi umo wakufwa ngwe yove wai, muyati wanamena Shukulu Kalunga. Shukulu Kalunga vavenya wapwa ntelo yeni, na mukwale weni, mukumyamena nakumihyanesa. Vitozi veni vakaija nakumilomba ngeci muvazivileko mema ku mbunge, oloni yeni mukavalyatangela.”