Amose 4:12 - Livulu lya Shukulu Kalunga

¹² “Ngecivene, yeni vanu va Isalele, njikaminyanyamesa. Omwo njinayongola kulinga cuma eci kuli yeni, co livwaeseleni cimweja kusompa cange!”

Amose 4:12 Iomraidhean Croise

Isaya 32:11

Munakele nakuyoya mwamuvwa kujeneka kulishoshomwena, oloni ololo, jajeni na lyova! Shululeni vuzalo vweni, co zaleni vikeleya.

Isaya 47:3

Vanu vakamona mushelengwa wove, vakamona kulilumbilisa kwove na shwamwa. Co yange njikalinga shambandinga, naumo wai asa kunjivindika.”

Isaya 64:2

Pwa ngwe tuhya tuje tutupwisa mema. Ija usholole nzili yove kuli vitozi vove, na miyati ya vanu vajaje omwo uli kuyehi navo!

Njelemiya 5:22

Yange njapwa Kalunga, omwo vikajo kumunjilemesela? Omwo vikajo kumunjikomokela? Njaakele lishen̄avu kupwa nginga ya mema a kalunga, nginga yakutaluka ije kuvasa kujomboka. Mema a kalunga asa kungwanjanga, oloni kuwasa kujomboka nginga, mankimba asa kungwanjanga, oloni kuwasa kuyijomboka embwe.

Ezekiyele 13:5

Kuvesi nakunyunga ku mitambela kuje kunaviya vivumbe, nambe kutungulula vivumbe, ngecivene, Isalele kasa kulyamena omo nzita ikaija a litangwa lya Shukulu Kalunga.

Ezekiyele 22:30

Yange njashakezekele munu umo uje asa kutunga civumbe, nakwimana mu mitambela muje munatavozoka vivumbe, nakunyunga lifuti omo vukalu vwange vushaka kulinyongesa, oloni naumo wai njawanenemo.

Hoziya 13:8

Njikamilwisa ngwe mbeya uje nazimbalesa vana vendi, co njikamisanyozola. Njikamilwisa ngwe ndumba, nakumisanyozola vipuka-vipuka ngwe cikashama.

Amose 2:14

Kukwesi muka-kushatuka manene akaputumuka wai, co vanu vaka-nzili kuvakakala na nzili lalo, na mashwalale lalo kuvakasa kwamena myonyo yavo.

Mateo 24:44

Ngecivene, neni livwaeseleni cimweja, omwo Muna Munu aija a simbu ije vene kumwayongwele ngweni aija.

Mateo 5:25

“Lisambese vwasi na muka-n̄ole yove uje mumunalivulumwina omo muya mumo mu ngila kukusompa, kutewa akakutwala kuli lyaako, co lyaako akakwana kuli lishwalale, co lishwalale akakwaka mu kamenga.

Kujombolola 3:3

Ngecivene, anuka vije vivakulongesele na vije viwazivile, vyononoke, co tenguluka ku vivi vyove. Nga shove kwinduka, njikaija kuli yove ngwe mwizi, co kuukazivuka nameme simbu ije njikaija kuli yove.