Amose 4:11 - Livulu lya Shukulu Kalunga

¹¹ “Njanyongesele vamo veni ngwe munjanyongesele Sondoma na Ngomola. Co vamo veni vaje vaputumukileo vapwile ngwe cimbundi cakwenya cije civanatundisa mu liko. Nameme ngoco kumwelukile kuli yange.” Mwanendeka Shukulu Kalunga.

Amose 4:11 Iomraidhean Croise

Isaya 13:19

Vumwene vwa Mbambilone vwapwa vwavuvwa manene na nzili kutuvakana vumwene vwoshe, vavenya vumwene valyaleselavwo. Oloni yange Kalunga, njikanyongesa Mbambilone ngwe munjanyongesele Sondoma na Ngomola!

Isaya 7:4

Mulekeni ananguke, ngeci akale mu kwoloka, co kesi azive lyova nambe kujujuka a vukalu vwakama vwa Mwene Lezine wa ku Silya, na vukalu vwa Mwene Peka vuje vunapu ngwe vimbundi vivali vya tuhya vilinakukakama vwisi.

Isaya 9:12

Lifuti lya Silya mu ngangela na lifuti lya Filisitiya mu kangombe ka yambi, vaneshama tunwa twavo ngeci vamine Isalele. Nameme ngoco vukalu vwa Shukulu Kalunga kuvwahwililileo embwe, oloni anga nolola livoko lyendi mukuhisa.

Njelemiya 23:14

Oloni njinamono vaka-kwimanena mu Yelusalema, vakevo ni vanai mweka valinga vupangala nakwendeka makuli, vakundwiya vanu kulinga vuvi, ngeci naumo wai alikela kulinga vuvi. Kuli yange, voshe vanapu vavavi ngwe vanu va ku Sondoma na Ngomola.

Njelemiya 49:18

Cuma cimolika cikalingiwa ku Endome ngwe cije calingiwile ku Sondoma na Ngomola, omo vakevo na vinganda vyakwatako vavinyongesele. Co naumo wai lalo akakala muje. Yange Kalunga, njinendekamo.

Njelemiya 5:3

Mwa vushunga Shukulu Kalunga akakenge a kulongwa. Waminyanyamesele, oloni kumwamutolililile, wamisindakanene, oloni kumwalilongesele. Mwakaluwisile vimbunge vyeni, co kumwatengulukile ku vuvi vweni.

Njelemiya 50:40

Cuma cimo cikalingiwa ku Mbambilone, ngwe cije calingiwile ku Sondoma na Ngomola, omo njavanyongesele amo na vinganda vije vyakele kuyehi. Naumo wai lalo akakala muje. Yange Kalunga, njinendekamo.

Ezekiyele 24:13

Yove Yelusalema, vilinga vyove vya vupangala vinakujwalesa. Nameme njesekele kukujelesa, anga vene wajwalele. Yove kuukajele lalo kuvanga noo unazivi vukalu vwange.

Hoziya 11:5

“Oloni vavyanene kwiluka kuli yange, ngecivene, vanapande kwilukila lalo ku Ingito, ngeci vaAsilya vakavashwane.

Hoziya 11:8

“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Amose 4:6

“Yange njanenele njala ya lyangengela mu vinganda vyeni vyoshe, oloni kumwelukile kuli yange.

Hangai 2:17

Njatumine litanya na nyonzi ya mamanya mukuviisa vyuma vyoshe vije mwakunine, oloni nameme ngoco kumwatengulukile.

Zakaliya 3:2

Kangelo ka Shukulu Kalunga wendekele kuli Satana ngwendi, “Shukulu Kalunga akuhise, Satana! Shukulu Kalunga uje wazema Yelusalema akuhise. Munalume ou napu ngwe cimbundi cakushitula mu tuhya.”

Loma 9:29

Ngwe muje mwendekele Isaya akulivanga ngwendi, “Nga Shukulu Kalunga Muka-nzili yoshe katusezeleleko vatekulwila, nga tunapu ngwe Sondoma na Ngomola.”

1 Kolinte 3:15

Oloni nga vipangi vyove vikenya, co nacimo cai ukatambula, oloni yove vavenya ni ukovoka, ngwe unaputumuka mu tuhya.

Kwituluka mu Mashiko 28:24

Shukulu Kalunga akatuma tukundu-kundu na lihunzi lyakama kwinga mu mwela wa nyonzi noo munanyongo njwa.

Kwituluka mu Mashiko 29:23

Mahya akominina, akakakama na lilungu, na mwongwa, cuma nacimo cai cikamenamo, nameme mwila. Co lifuti lyeni likafwa ngwe vinganda vya Sondoma, na Ngomola, na Andema, na Zemboime, vinganda vije vyanyongesele Shukulu Kalunga omo waluvalele manene.

2 Petulu 2:6

Njambi wahisile vinganda vya Sondoma na Ngomola, wavinyongesele na tuhya, co wavipwisile cimweso ali vije vikalingiwa kuli vaka-vuvi.

Yunda 1:23

ameneni vakwavo mukuvokola mu liko, co vakwavo vazivileniko mema ku mbunge amo na lyova, oloni kesi muzeme vuzalo vwavo, vuje vunavihya laja na mashungu avo amavi.

Yunda 1:7

Anukeni Sondoma na Ngomola, na vinganda vije vyateleko, vije vanu vamwo valingile ngwe muje muvalingile vaje tungelo mukulikundika ku vilinga vya vupangala na mu mashungu amavi, vayanda na n̄avava ya cihiso ca tuhya ca myaka yoshe kupwa kunangula kwa mutanya mwelu kuli voshe.

Kujombolola 9:20

Vaje vanu vasaleleo, voshe vaje kuvatsile na tuyando otu, kuvatengulukile kutunda ku vije vivalingile vakevo vavenya. Kuvalikelele kulemesa minzinzime yakujwala nambe tumponya twa ngolinde, siliva, vunengu, mamanya na viti, vije kuvyasa kumona nambe kuziva nambe kwenda.