Amose 4:10 - Livulu lya Shukulu Kalunga

¹⁰ “Njatumine mushongo wakulitambwisa ali yeni ngwe uje lalo njatumine a Ingito. Njatsiile vakwenje veni mu nzita, njambatele tuvalu tweni. Co njamizivisile kunika kwa mivila ya vanu vaje vatsililile mu vilombo vyeni. Oloni nameme ngoco kumwelukile kuli yange.

Amose 4:10 Iomraidhean Croise

2 Vimyene 10:32

A simbu ije Shukulu Kalunga washangumukile kutepulula lifuti lya Isalele. Co Mwene Hazayele wa ku Silya wafungulwile mitambela yoshe ya vaIsalele

2 Vimyene 13:3

Ngecivene, Shukulu Kalunga waluvalele na Isalele, co watavele Mwene Hazayele wa ku Silya na munendi Mbenehandande kufungulula Isalele simbu ku simbu.

2 Vimyene 13:7

Njehoahaze kakele na mashwalale vasaleleo kuvanga lika vaka-kulonda a tuvalu makumi atanu, na matemba likumi, na vanalume 10,000 vaka-kwenda a mendi, omwo mwene wa Silya wanyongesele vakwavo voshe, wavalyatangelele ngwe likungu.

2 Vimyene 8:12

Co Hazayele wamwihwile ngwendi, “Omwo vikajo ulinakulila shukulu?” Elisha wamukumbulwile ngwendi, “Omwo njazivuka vuvi vuukalinga kuli vanu va Isalele. Ukenyeka vimpaka vyavo, nakutsiya vakwenje na moko ya mukwale, nakumwakwila kuti vana vavo, nakutavula mu memo a vanakazi vavo.”

Kutuuka 10:27

Co Shukulu Kalunga wakaluwisile mbunge ya mwene, kavatavele ngeci vaye.

Kutuuka 10:3

Ngecivene, Mosesa na Alone vaile kuli mwene vendekele kuli ikeye ngwavo, “Shukulu Kalunga Njambi ya vaHevelu nendeka ngwendi, ‘Visimbu vingaijo ukavyana kulikeesa ku mesho ange? Ecela vanu vange vaye ngeci vakanjilemese.

Kutuuka 14:4

Ngecivene, njikakaluwisa mbunge ya mwene, akamikava oloni njikamuhyana na nzita yendi, co eci cikanjinenela kasingimiko. Asinoni vaka-Ingito vakanjizivuka ngwavo kuma yange njapwa Kalunga.” Co vaIsalele valingile ngwe muvavalekele.

Kutuuka 15:26

wendekele ngwendi, “Nga munjononoka nakulinga mwamuvwa ku mesho ange, nakunyunga mashiko na vizilika vyange, co kunjikamihisa na mishongo ngwe ije njahisile nayo vaka-Ingito, omwo yange njapwa Kalunga, uje muka-kumikangwisa.”

Kutuuka 8:19

Co vaje vaka-manseno vendekele kuli mwene ngwavo, “Livoko lya Njambi linalingi eci!” Oloni mwene wacikaluwisile mbunge yendi, ngwe vene muje mwendekele Shukulu Kalunga, mwene katolililile kuli Mosesa na Alone.

Kutuuka 9:12

Oloni Shukulu Kalunga wakaluwisile mbunge ya mwene, ngwe vene muje mwendekele Shukulu Kalunga, mwene katolililile kuli Mosesa na Alone.

Kutuuka 9:17

Nameme ngoco anga ucilyalesa nakuvyana kwecela vanu vange vaye.

Isaya 34:3

Mivila yavo kuvakaitsindi, oloni ikavolela nakunikila kuje vene, co minkinda ikavenga na maninga.

Isaya 50:11

Yeni voshe vaje vali na vutumbe vwakunyongesa vakweni, matumbe eni akaminyongesa yeni vavenya. Shukulu Kalunga akamona ngeci vyuma evi vilingiwa, mukayanda tuyando twakama.

Isaya 9:12

Lifuti lya Silya mu ngangela na lifuti lya Filisitiya mu kangombe ka yambi, vaneshama tunwa twavo ngeci vamine Isalele. Nameme ngoco vukalu vwa Shukulu Kalunga kuvwahwililileo embwe, oloni anga nolola livoko lyendi mukuhisa.

Isaya 9:13

Vanu va Isalele kuvatengulukile embwe, nameme Shukulu Kalunga Muka-nzili yoshe navahisa, oloni kuvatengulukilile kuli ikeye.

Isaya 9:17

Ngecivene, Shukulu Kalunga kakatava vakwenje ngeci vaputumukeo, co kakazivila lalo mema ku mbunge vifwile nambe visiwa, omwo vanu voshe vanapu vaka-kujeneka kukulaela, co vanapu vaka-vuvi, na vyuma vyoshe vendeka vinapu vya vuvi. Nameme ngoco, vukalu vwa Shukulu Kalunga kuvukahu, oloni anga akolola livoko lyendi mukuvahisa.

Njelemiya 11:22

Ngecivene, Shukulu Kalunga Muka-nzili yoshe wendekele ngwendi, “Njikavahisa! Vakwenje vavo vakavatsiila mu nzita, co vana vavo vakalanduka ku njala.

Njelemiya 15:3

Yange Kalunga, njikavahisa na vyuma viwana vyakukomokesa vije vikalingiwa ali vakevo, vakavatsiila mu nzita, co mivila yavo vakaikokangeya tutali, na tuzila vakailya, na vikashama va mu shwata vakambulukuta vitsiya vyavo.

Njelemiya 16:4

Vakatsa ku mushongo wakukomokesa, co naumo wai akavalila nambe kuvatsinda. Mivila yavo ikalala asi ngwe mitumbo ya vwilo. Vakavatsiila mu nzita nakulanduka ku njala ya lyangengela, co mivila yavo ikapwa vyakulya vya tuzila na tusitu.

Njelemiya 18:21

Oloni ololo Shukulu Kalunga tava vana vavo valanduke ku njala. Vecele vakavatsiile mu nzita. Vanakazi vajeneke vanalume vavo na vana vavo, vanalume vatse ku mushongo, co vakwenje vatsile mu nzita.

Njelemiya 48:15

Mowavi na vinganda vyamwo vanavinyongesa, vakwenje vamwo vavavwa vanavatsii. Yange njapwa mwene, Kalunga muka-nzili yoshe, njinendekamo.

Njelemiya 49:26

Co a litangwa lije vakwenje vamwo vakavatsiila mu vitapalo vya mu nganda, co mashwalale vamwo voshe vakavanyongesa.

Njelemiya 5:3

Mwa vushunga Shukulu Kalunga akakenge a kulongwa. Waminyanyamesele, oloni kumwamutolililile, wamisindakanene, oloni kumwalilongesele. Mwakaluwisile vimbunge vyeni, co kumwatengulukile ku vuvi vweni.

Njelemiya 6:11

Shukulu Kalunga vukalu vwove ali vakevo nange lalo vulinakunjenyeka mu mbunge kunjasa kututumana.” Asinoni Shukulu Kalunga wendekele kuli yange ngwendi, “Itila vukalu vwange ali vanike vali mu vitapalo na ali vakwenje vaje vanalikungulula, na ali vanalume vakwambata, na ali vanakazi vakushomboka, naa tukulukazi voshe.

Njelemiya 9:22

Vivimbi vinashandokela kwoshe-ikwoshe, ngwe vinumbo vya vwilo vwa mu mahya, nambe ngwe tiliku ivanateje, oloni vaka-kuteja vanaiseze, naumo wai asa kuyikungulula. Evi vikevyo vyananjileke Shukulu Kalunga ngeci njivyendeke.”

Hoziya 11:5

“Oloni vavyanene kwiluka kuli yange, ngecivene, vanapande kwilukila lalo ku Ingito, ngeci vaAsilya vakavashwane.

Njwele 2:20

Yange njikatundisa vinjame vya vimbimba vaje vatundile ku kunto, njikashekela vamo mu mambo. Co njame yavo ya kulutwe njikaishekela ku Lishali lya Kutsa, co njame yavo ya munima njikaishekela ku Lishali lya Menditelenyani. Mivila yavo ya kutsa ikanika, njikavanyongesa omwo vyoshe vije vivalingile kuli yeni.

VaLevi 26:16

co njikalinga evi, njikamitumina mishongo yaikalu ya lulanga na lisika-sika, ikamipwisa vupuputwa nakuminyongesa, co mukalima vimbuto vyeni, oloni kuvikamikwasa, omwo vitozi veni vakamifungulula, co vakalya vije vimwalimine.

VaLevi 26:25

Njikanena nzita ali yeni ya kumihisa omwo munapokola cikumiiyo cange, nga mukalikungulwila mu vinganda vyeni nakuvandamo, co njikatuma mushongo wa lulanga akati keni, njikamikundika kuli vitozi veni ngeci vakamishwane.

Amose 4:6

“Yange njanenele njala ya lyangengela mu vinganda vyeni vyoshe, oloni kumwelukile kuli yange.

Amose 8:3

A litangwa lije myaso ya mu lipela ikapwa mitambi yakulila. Vivimbi vakapwa vavangi vakalala kwoshe-ikwoshe. Vakavombila anja kujeneka kulinga muyoyo.”

Hangai 2:17

Njatumine litanya na nyonzi ya mamanya mukuviisa vyuma vyoshe vije mwakunine, oloni nameme ngoco kumwatengulukile.

Kwituluka mu Mashiko 28:21

Shukulu Kalunga akamitumina kushwakumo mishongo yakuliseza-seza noo naumo wai akasala mu lifuti lije limukashwana.

Kwituluka mu Mashiko 28:22

Shukulu Kalunga akaminyanyamesa na mishongo ya lulanga, na mishongo ya lisika-sika na mazimbo, nakwenya kwa ngungu, na malanga na lihunzi, na mbundu-mbundu mukunyongesa vimbuto vyeni. Co vyuma evi vikatwalao noo munanyongo.

Kwituluka mu Mashiko 28:60

Co lalo Shukulu Kalunga akatuma mishongo yakukomokesa ije mwamwene mu Ingito, ije yamijujwisile, ikamikakateya.

Kwituluka mu Mashiko 7:15

Shukulu Kalunga akaminyunga ku mishongo yoshe, co ikeye kakamisholwela mishongo yakukomokesa ije mwamwene mu Ingito, oloni akaisholwela lika vitozi veni.