Amose 4:1 - Livulu lya Shukulu Kalunga

¹ Tolilileni majwi awa yeni vanakazi va ku Samaliya, vanakazi vakununa manene ngwe vingombe va lwavo va ku Mbashane vakulisa mwamuvwa, mulinakupangesa mwamuvi vaka-kuzeya, mulinakuyandesa vaka-kuutwa, co mulinakushika vanalume veni ngeci vaminenele-nenele vyakunwa vyakupendesa!

Amose 4:1 Iomraidhean Croise

1 Vimyene 16:24

co walandele lilundu lya Samaliya na mavundungulu a siliva akupwa 6,000 ku munalume umo lizina lyendi Shemele. Co kuje ku lilundu Omeli wazengelekeleko cimpaka, co watungilileko nganda, wailukile Samaliya, mu lizina lya Shemele, vavenya lije lilundu.

Yombi 20:19

omwo wayandesele nakuyengula vaka-kuutwa, nakutambula vinjuvo vya vanu vije valitungilile vakevo vavenya.

Yombi 24:4

Vakavindika tuutu kesi vakale na vyavo vije vyavapande, nakusindikiya vaje vanajeneka ngeci vatewe nakuvanda.

Myaso 12:5

Shukulu Kalunga alinakwendeka ngwendi, “Oloni ololo njilinakwija, omwo tuutu valinakuvayandesa, na vaka-kuyanda valinakulinyenga omwo tuyando. Njikavanyunga ku tuyando twavo.”

Myaso 140:12

Shukulu Kalunga, njazivuka ngwange yove ukamena tuutu, nakwimanena vushunga vwa vaje vanajeneka.

Myaso 22:12

Vitozi vavangi vananjizengeleka ngwe vingombe va nkomba, voshe vananjaka mukati, ngwe vingombe va nkomba va vukalu va ku lifuti lya Mbashane.

Visimo 22:7

Tuutu vakavashwana kuli vaka-kufuka, vaje voshe vakumuna vapwa vindungo va vaka-kukumwisa.

Muka-kwambulula 4:1

Asinoni njakengele lalo a vyoshe vya vushunga vije vilinakulingiwa ano asi. Vaka-kuyanda vakele nakulila, co naumo wai wavazembelekele. Naumo wai wavazembelekele, omwo vaje vaka-kuvayandesa vakele na nzili ali vakevo.

Muka-kwambulula 5:8

Nga umona tuutu vavayandesa mu lifuti lyeni nakuvavindika vushunga na moko yavo, co kesi ukomoke a vyuma vyangacije, omwo mwata wamundondo vamunyunga kuli mwata wakama, co akamwa yavo kuvali veka lalo vakama vavanyunga.

Isaya 28:1

Vumwene vwa Isalele vunanyongo! Vumwene vwavwo vulinakuhwa ngwe cilongo ca vishani cili ku mitwe ya vantwama vamwo vaka-kupenda. Mitwe yavo ya kulyalesa vanaivwavesa mwamuvwa mazi akunika lwengo lwaluvwa, oloni vanalala, vanapende vwala.

Isaya 5:8

Ngongo yeni! Mulinakulanda vinjuvo vyavingi na mahya ngeci muwezelele ku vije mulinavyo laja. Co kukukakala lalo mutambela wakutungila vanu, co mukakala mu lifuti eni lika.

Isaya 56:12

Vendeka ku umo na mukwavo ngwavo, ‘Twambateni vinyu tunwe ngwe mutunashakela! Co imene tukalinga lalo ngwe mutuli nakulinga lelo!’ ”

Isaya 58:6

“Kulikela kulya kunjishaka kukekwo oku, munapande kutundisa malyenge avanakutu vinzinda kujeneka mulonga, co eceleni vaka-kuyanda vaye ngoco.

Njelemiya 50:11

Shukulu Kalunga alinakwendeka ngwendi, “Vanu va Mbambilone, yeni mwapukwile vanu vange. Yeni munavwaelela nakujolela, mulinakwendangana ngwe ngombe wa lwavo alinakujungula vimbuto, nambe ngwe kavalu alinakwoya,

Njelemiya 50:27

Tsiyeni mashwalale va Mbambilone voshe! Vatsiyeni! Vanu va ku Mbambilone vanavindama! Simbu yavo yakuvanyanyamesa inete!”

Njelemiya 51:34

Mwene Nevukaneza wa Mbambilone natete Yelusalema nakuyilya. Napwisa nganda ngwe njava yamupulungwa, naleula nganda ngwe cikashama. Wambatele vije vyashakele nakumbila kuti vije kashakele.

Njelemiya 6:6

Shukulu Kalunga Muka-nzili yoshe nashiki vimyene ava kushinja miti nakuyilundika mitumbo ngeci vaijeke a vivumbe vya Yelusalema. Shukulu Kalunga nendeka ngwendi, “Njikanyanyamesa eyi nganda, omwo muli vanu vavangi vaje valinakuyandesa vakwavo.

Njelemiya 7:6

Kesi muyandese vangenzi, na visiwa, na vifwile. Kesi mutsiye vanu vakujeneka mulonga mu lifuti lino. Kesi mulemese vinjambi veka vakaminyongesa.

Ezekiyele 18:12

Muka-kukwisa tuutu, nakwiva, nakushweka vije vyamwanene muka-kukumuna kupwa cishimbikiya. Muka-kuya ku mitambela ije vakalemesela vaka-kujeneka kukulaela, nakulemesa tumponya twa vunyengwe,

Ezekiyele 22:12

Vanu vove vamo valinakutsiya vanu ngeci vavafwete vimbongo. Vamo valinakufwetesa kakondweso a makongo aje valinakwana kuli vavushoko vwavo vaIsalele, co valinakufuka mu ngila ya makuli. Vananjivala yange.’ ” Shukulu Kalunga wa Akamwa ya Vyoshe nendekamo.

Ezekiyele 22:27

Vamyata va vaka-kushwana vanalifu na tungunga vaje vakasanyozola tusitu vaje vavanatsii. Vakevo vakatsii ngeci vawane vufuko.

Ezekiyele 22:29

Vaka-kufuka valinakukwisa nakwiva. Co vayandesa tuutu nakunyanyamena vaka-kwija.

Ezekiyele 22:7

Naumo wai ali muno mu nganda alinakusingimika visemi vendi. Mulinakukwisa vaka-kwija nakuyandesa vifwile na visiwa.

Ezekiyele 34:16

“Njikashakezeka vaje vanazimbala nakwilwisa vaje valinakuyevangela mwangoco, co njikakuta vaje vanavetwa, nakukangwisa vaje valinakuvinja, oloni vaje vakununa vali na nzili njikavanyongesa, omwo yange njapwa kanyungi uje akalingi vya vushunga.

Ezekiyele 39:18

Vakalya situ ya mashwalale nakunwa maninga a vaka-kushwana va ano asi, voshe vakavatsiya ngwe majamba a vimanga, nambe ngwe vana va vimanga, nambe ngwe vimembe, nambe ngwe vingombe vakununa.

Njwele 3:3

Vakevo vatele n̄ela mukuyongola iyajo umo akambata vaje vinzinda. Valandesele vakwenje na vambanda mu vunzinda, mukufweta ku vukwizi na vinyu.

Amose 3:1

Yeni vanu va Isalele, tolilileni majwi awa anendeka Shukulu Kalunga kuli yeni, muyati woshe vaje vaatundisile ku Ingito,

Amose 3:3

Kuma vanu vavali venda amolika kujeneka kulizivasana kwenda amo ndi?

Amose 5:11

Yeni munayandesa tuutu nakuvevila vimbuto vyavo. Co kumukakala mu vinjuvo vya mamanya vije vimunatungu, nambe kunwa vinyu vya ku vitungu vyavivwa vije mwakunine.

Amose 6:1

Ngongo yeni mulinakukala mwamuvwa mu Siyone, neni munatumbama kuluu mu Samaliya, yeni vanu va vulemu vaka-muyati ou vene wakama wa Isalele, kuje vanu vakaija-ija ngeci vawane vukwasi kuli yeni!

Amose 6:6

Mukanwila vinyu mu vinganja vyakama, co mukavwava mazi akunika lwengo, oloni kumwesi kulinyenga akunyonga kwa Isalele.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Kulava 21:33

Asinoni vaIsalele, vaile mu ngila ya ku Mbashane, co Onge mwene wa ku Mbashane wakatukile na mashwalale vendi nakuvalwisa ku Endele.

Kwituluka mu Mashiko 24:14

“Kesi mukanyanyamene kautu, na ngamba wa uje mwakumwine, nambe mukweni kaIsalele, nambe muka-kwija uje ali mu nganda yeni.

Kwituluka mu Mashiko 28:33

Muyati wa vaka-kwija vakalinonela vimbuto vyeni vije mwapangele nakulipesa, co nacimo cai mukawanao, oloni mukamona tuyando na mapakeso simbu yoshe.