Amose 3:9 - Livulu lya Shukulu Kalunga

⁹ Ambululeni kuli vaje vakala mu mapela a mu Ingito na a Ashendonde ngweni, “Kungulukileni a malundu a Samaliya ngeci mumone kuviya kwakama kulimo, na milonga ivalinakulinga muje.”

Amose 3:9 Iomraidhean Croise

2 Samwele 1:20

Kesi muvyambulule mu Ngate, nambe mu vitapalo vya Ashekelone. Kutewa vambanda va vaFilisitiya vavwaelela, kutewa vambanda va vaje vaka-kujeneka kukulaela vavwaelela.

Visimo 1:13

Tukambata vufuko vwavo vwoshe vwakuliseza-seza, nakushulisa vinjuvo vyetu na vyuma vyakupukula!

Visimo 11:16

Munakazi muka-mema ku mbunge vakamusingimika. Oloni vanalume va lwozi vawana lika vufuko.

Muka-kwambulula 4:1

Asinoni njakengele lalo a vyoshe vya vushunga vije vilinakulingiwa ano asi. Vaka-kuyanda vakele nakulila, co naumo wai wavazembelekele. Naumo wai wavazembelekele, omwo vaje vaka-kuvayandesa vakele na nzili ali vakevo.

Njelemiya 31:5

Co lalo mukakuna mikolovozi ya vushuka vwa vinyu ku malundu a mu Samaliya, co vaje vaikuna vakalya vuje vushuka vukaimako.

Njelemiya 46:14

“Ambululeni mu vinganda vya Ingito, na mu Mingendole, na mu Mefise, na mu Tafanehese ngweni, ‘Livwaeseleni cimweja mukulyamena yeni vavenya, vyoshe vije vimuli navyo vikanyongela mu nzita!

Njelemiya 50:2

“Leka muzimbu ou akati ka miyati ya vanu! Co wambulule! Jundula pandelo nakuwambulula! Kesi uushweke embwe, oloni wambulule ngwove, Mbambilone vakaifungulula, njambi yendi Manduke akaziva shwamwa, akashula na lyova. Tumponya twa Mbambilone tukaziva shwamwa, tumponya twendi twa vunyengwe vakatupujula!

Ezekiyele 36:8

Oloni a minkinda ya Isalele, miti ikajovelela maputa lalo nakwima vushuka vweni, yeni vanu vange va Isalele. Ololo-lolo mukeluka kwimbo.

Ezekiyele 37:22

Yange njikavapwisa muyati umolika mu lifuti, a minkinda ya Isalele. Vakakala na mwene umolika ikeye akavashwana mu vumwene vuvali.

Hoziya 7:1

“Oshe aje anjishakela kukangwisa vanu vange va Isalele ngeci vakale lalo mwamuvwa, vyoshe njilinakumona vinapu kupenga-penga kwavo na vuvi vuje valinakulinga. Valinakulikwisa umo na mukwavo, vatuva vinjuvo nakwiva, co vevila vanu mu vitapalo.

Amose 1:8

Njikatundisa vaka-kushwana va mu vinganda vya Ashendonde, na Ashekelone. Njikanyanyamesa nganda ya Ekelone, co vaFilisitiya voshe vaje vanasalao vakatsa.” Tile

Amose 4:1

Tolilileni majwi awa yeni vanakazi va ku Samaliya, vanakazi vakununa manene ngwe vingombe va lwavo va ku Mbashane vakulisa mwamuvwa, mulinakupangesa mwamuvi vaka-kuzeya, mulinakuyandesa vaka-kuutwa, co mulinakushika vanalume veni ngeci vaminenele-nenele vyakunwa vyakupendesa!

Amose 5:11

Yeni munayandesa tuutu nakuvevila vimbuto vyavo. Co kumukakala mu vinjuvo vya mamanya vije vimunatungu, nambe kunwa vinyu vya ku vitungu vyavivwa vije mwakunine.

Amose 6:1

Ngongo yeni mulinakukala mwamuvwa mu Siyone, neni munatumbama kuluu mu Samaliya, yeni vanu va vulemu vaka-muyati ou vene wakama wa Isalele, kuje vanu vakaija-ija ngeci vawane vukwasi kuli yeni!

Amose 6:3

Yeni mulinakuvyana ngweni litangwa lya tuyando kulikaija embwe, oloni vyuma mulinakulinga vilinakushwenyesa muyehi litangwa eli lya tuyando.

Amose 8:6

Tukalandesa ndando yakama tiliku ije kuyesi na seo. Co tukawana kautu umo uje kasa kufweta likongo lyendi, nameme kufweta ndando ya vin̄aku, co tukamulanda akapwe ndungo.”

Mika 6:10

Mu vinjuvo vya vaka-vuvi muli vufuko vuje vawanene akujeneka kulongwa. Veseka seteko ya makuli, cuma cije cinjazinda.

1 Samwele 5:1

Omo vaFilisitiya vafungulwile Cikasa ca Cikumiiyo, vacitundisile ku Embenezele, co vacitwalele ku nganda yavo ya Ashendonde,