Amose 3:12 - Livulu lya Shukulu Kalunga

¹² Shukulu Kalunga alinakwendeka ngwendi, “Ngwe kanyungi acakununa mendi avali nambe litwi limo lya manga ku kanwa ka ndumba, mukemwo mwakamena Shukulu Kalunga vanu va Isalele vaje vali mu Samaliya, vaje vanatumbama a myela yaivwa, na a vitumbamo vyavivwa.

Amose 3:12 Iomraidhean Croise

1 Vimyene 20:30

Co vaje vayoyeleo vatewelele ku nganda ya Afeke, kuje vivumbe vya nganda vyawililile vanu vakupwa 27,000. Co Mbenehandande lalo watewelele mu nganda, wakavandele mu mulili wa kunima ya njuvo.

1 Vimyene 20:34

Mbenehandande wendekele kuli ikeye ngwendi, “Njikakwilwisila vinganda vije tate wavitambwile kuli isho, co lalo ukalishevela vitapalo yove vavenya mu Ndamasiku, ngwe mwalingile tate mu Samaliya.” Ahave wakumbulwile ngwendi, “Ngecivene, a vyuma evi, njikakushuula ngoco.” Co walingile cikumiiyo nendi, co wamushuwile waile.

1 Vimyene 22:25

Co Mikaya wamukumbulwile ngwendi, “Ukanjanuka omo ukaya ku mulili wa kunima ya njuvo nakuvandako.”

2 Vimyene 16:9

Tingelate Pilesele, akukumbulula cihula ca Ahaze cakumwimanena, wakatukile na mashwalale vendi kukalwisa Ndamasiku, nakuyifungulula, watsiile Mwene Lezine, co watwalele vinzinda ku Kile.

Esita 1:6

Co lije lipela valicakeyeye na mavamba a vwanda vwakuzivuluka, na vwanda vwakutoka, vwakukuta na mikole yakuvenguluka na tunzeya twa siliva ku mitwe ya vimanda. Myela ya ngolinde na siliva ije yakele mu lipela, vaicakeyeye na mamanya akutoka naa akuvenga akuliseza-seza na makwalale akama akuvyazima na takwoise yakuzivuluka.

Esita 7:8

Co walyumbilile asi ku vulili vwa Esita nakumulomba ngeci amuzivileko mema ku mbunge. Omo mwene welukile kutunda mu citungu ca lipela, omo wamwene eci, co watambekele ngwendi, “Ou munalume anjutukile lishano ano vene nakulala nendi ku mesho ange mu lipela lyange vavenya ndi?” Co vwasi-vwasi omo mwene acili nakwendeka, vayunuke vafwikile Hamane ku mesho.

Myaso 132:3

“Kunjikakovela mu njuvo yange nambe kulala.

Isaya 17:7

Omo litangwa lije likaija, vanu vakatenguluka nakukulaela Ishamatanga yavo, Njambi wakujela wa Isalele.

Isaya 31:4

Shukulu Kalunga wendekele kuli yange ngwendi, “Njikana nakulwa ngwe ndumba wa vukalu uje kasa kutewa mitambi ya tunyungi vaje veseka kwamena vimanga vavo. Omu mukemwo yange Kalunga Muka-nzili yoshe njikashuluka nakulwa a Munkinda wa Siyone.

Isaya 8:4

Simbu kanda mwanike azivuke kusana ‘Nana’ nambe ‘Tate,’ vufuko vwoshe vwa mu Ndamasiku na vyuma vya seo vyoshe vya mu Samaliya vakavyambata kuli mwene wa Asilya.”

Amose 6:4

Tuyando tweni yeni mulinakulala a malili akucakeya na mayo a vinjamba, co mulyolola a vulili vweni, mukali situ ya vana va vimanga vavavwa na situ yakununa ya vana va vingombe!

Amose 9:8

Yange Kalunga wa Akamwa ya Vyoshe, njilinakukenga a vumwene vwa Isalele ovu vwavuvi, co njikavunyongesa kuvutundisa ano asi. Oloni kunjikanyongesa vatekulwila voshe va Yakomba.