Amose 3:10 - Livulu lya Shukulu Kalunga

¹⁰ Shukulu Kalunga alinakwendeka ngwendi, “Vanu ava vanashulisa vinjuvo vyavo na vyuma vanawana mu vingila vya muuka na vwizi. Vakevo kuvazivuka kulinga vushunga.

Amose 3:10 Iomraidhean Croise

Yombi 20:21

Nacimo cai casaleleo cajenekele kulya, ngecivene, kufuka kwendi kukukeshwala.

Myaso 14:4

Shukulu Kalunga wehwile ngwendi, “Kuma kuvazivuka ndi? Kuma voshe vaka-kulinga vuvi vali ku nzimba ndi? Valinakuyoyela akwivila vanu vange, co kuvesi kulombela kuli yange.”

Visimo 1:13

Tukambata vufuko vwavo vwoshe vwakuliseza-seza, nakushulisa vinjuvo vyetu na vyuma vyakupukula!

Visimo 11:16

Munakazi muka-mema ku mbunge vakamusingimika. Oloni vanalume va lwozi vawana lika vufuko.

Visimo 28:5

Vaka-vuvi kuvazivuka vushunga, oloni vaje vasingimika Shukulu Kalunga vazivuka vushunga.

Muka-kwambulula 4:1

Asinoni njakengele lalo a vyoshe vya vushunga vije vilinakulingiwa ano asi. Vaka-kuyanda vakele nakulila, co naumo wai wavazembelekele. Naumo wai wavazembelekele, omwo vaje vaka-kuvayandesa vakele na nzili ali vakevo.

Njelemiya 4:22

Shukulu Kalunga alinakwendeka ngwendi, “Vanu vange vanapu vilema kuvanjizivuka. Vanafu ngwe vanike va vilema, vaje kuvesi na mana. Vazivuka manene kulinga vyavivi, oloni kuvazivuka kulinga vyavivwa.”

Njelemiya 5:4

Asinoni njayongwele ngwange, “Vanu ava vapwa tuutu vakujeneka mana. Vakalingi vyuma vya vulema, kuvazivuka vije vyashaka Shukulu Kalunga Njambi yavo ngeci vavilinge.

Ezekiyele 18:7

Kesi kukwisa nambe kwivila munu umo embwe. Akelwisa vije vyakamwana muka-kukumuna kupwa cishimbikiya, muka-kulisa vaka-njala, nakwana vuzalo kuli vaje vali na vuzu.

Ezekiyele 22:29

Vaka-kufuka valinakukwisa nakwiva. Co vayandesa tuutu nakunyanyamena vaka-kwija.

Ezekiyele 8:17

Shukulu Kalunga wendekele kuli yange ngwendi, “Muna munu, unamono evi ndi? Ava vanu va mu Yunda kuvapwisilemo kulinga vyuma vyangoco vya vunyengwe vije viwunamono kuno, na vukalu vuje vunashandokela mu lifuti lyoshe. Embwe, vanapandele kwija nakuvilingila muno mu Njuvo yange, ngeci vanjiluvalese manene. Kenga muvali nakunjishaula akwaka minango ku majulu avo!

Hoziya 7:1

“Oshe aje anjishakela kukangwisa vanu vange va Isalele ngeci vakale lalo mwamuvwa, vyoshe njilinakumona vinapu kupenga-penga kwavo na vuvi vuje valinakulinga. Valinakulikwisa umo na mukwavo, vatuva vinjuvo nakwiva, co vevila vanu mu vitapalo.

Amose 4:1

Tolilileni majwi awa yeni vanakazi va ku Samaliya, vanakazi vakununa manene ngwe vingombe va lwavo va ku Mbashane vakulisa mwamuvwa, mulinakupangesa mwamuvi vaka-kuzeya, mulinakuyandesa vaka-kuutwa, co mulinakushika vanalume veni ngeci vaminenele-nenele vyakunwa vyakupendesa!

Amose 5:7

Munanyongo, yeni vaka-kutengulula vushunga nakuvupwisa makuli, co mulyatangela vushunga!

Amose 6:12

Kuma tuvalu vakashatuka a mamanya ndi? Kuma vanu vakalimi a mema a kalunga na vingombe ndi? Ololo yeni munatengulula vushunga kuvupwisa vushungu, co munalingisa vuvwa kupwa kupenga-penga.

Amose 6:3

Yeni mulinakuvyana ngweni litangwa lya tuyando kulikaija embwe, oloni vyuma mulinakulinga vilinakushwenyesa muyehi litangwa eli lya tuyando.

Amose 6:8

Shukulu Kalunga wa Akamwa ya Vyoshe Muka-nzili yoshe alinakunangula ngwendi, “Yange njazinda kulyalesa kwa vanu va Isalele, njiyengula vinjuvo vyavo vyakama. Co njikana nganda yavo yakama na vyuma vyoshe vilimo kuli vitozi vavo.”

Mika 6:10

Mu vinjuvo vya vaka-vuvi muli vufuko vuje vawanene akujeneka kulongwa. Veseka seteko ya makuli, cuma cije cinjazinda.

Zefaniya 1:9

Njikanyanyamesa lalo voshe vaje valinakukavangeya futisi ya vaje vaka-kujeneka kunjilemesa yange Kalunga, vaje valinakwiva nakutsiya ngeci vashulise vinjuvo vyakulemesela vinjambi vavo na vyuma vyakupukula.

2 Petulu 3:5

Vakevo vanayengula na cizango ngeci Njambi ku san̄ulu waanene lishiko, co lilu na kaye vavitangele. Kaye katundile mu mema, co vakanyungilile mu mema, kaye ka ku san̄ulu.