Amose 2:8 - Livulu lya Shukulu Kalunga

⁸ A mutambela na mutambela woshe wakulemesela vanu valinakulala a vinanga vije vanambata ku tuutu kupwa cishimbikiya. Mu njuvo ya njambi yavo vanwilamo vinyu vivanambata kuli vaje vavakumwisile vimbongo.

Amose 2:8 Iomraidhean Croise

Kutuuka 22:25

“Nga mukumwisa vimbongo ku vanu vange vamo vaka-kuutwa, kesi mulinge ngwe vaka-kukumwisa vaje vashakao kakondweso.

Isaya 57:7

Mukai ku minkinda yailaja mukukombelela vin̄ombelo nakulingilako vupangala.

Ezekiyele 18:12

Muka-kukwisa tuutu, nakwiva, nakushweka vije vyamwanene muka-kukumuna kupwa cishimbikiya. Muka-kuya ku mitambela ije vakalemesela vaka-kujeneka kukulaela, nakulemesa tumponya twa vunyengwe,

Ezekiyele 18:7

Kesi kukwisa nambe kwivila munu umo embwe. Akelwisa vije vyakamwana muka-kukumuna kupwa cishimbikiya, muka-kulisa vaka-njala, nakwana vuzalo kuli vaje vali na vuzu.

Ezekiyele 23:41

Vatumbamene a vulili vwavuvwa, na mesa yakujala mwamuvwa kulutwe lwavo. Co a mesa yavo akele insense, na mazi a olive anjavanene.

Hoziya 4:8

Muli na vufuko vwakutunda a vuvi vwa vanu vange, co mushaka lalo ngeci vacitwaleo kulinga vuvi manene.

Hoziya 7:14

Kuvalombelele kuli yange na mbunge ya vushunga, oloni vakele nakulyalanga asi nakulila ngwe muvakalingi vaka-kujeneka kukulaela. Omo valombela a vimbuto na a vinyu, valinakulitwa vimbandu a mivila yavo ngwe vaka-kujeneka kukulaela. Vanapu vaka-kutengulukila!

Amose 3:14

“A litangwa lije omo njikanyanyamesa vanu va Isalele omwo vuvi vwavo, co njikanyongesa mitula ya Mbetele. Vimbango vya mutula na mutula woshe vikapokozoka nakuwila asi.

Amose 4:1

Tolilileni majwi awa yeni vanakazi va ku Samaliya, vanakazi vakununa manene ngwe vingombe va lwavo va ku Mbashane vakulisa mwamuvwa, mulinakupangesa mwamuvi vaka-kuzeya, mulinakuyandesa vaka-kuutwa, co mulinakushika vanalume veni ngeci vaminenele-nenele vyakunwa vyakupendesa!

Amose 6:4

Tuyando tweni yeni mulinakulala a malili akucakeya na mayo a vinjamba, co mulyolola a vulili vweni, mukali situ ya vana va vimanga vavavwa na situ yakununa ya vana va vingombe!

Amose 6:6

Mukanwila vinyu mu vinganja vyakama, co mukavwava mazi akunika lwengo, oloni kumwesi kulinyenga akunyonga kwa Isalele.

1 Kolinte 10:21

Yeni kumwasa kunwa ku nganja ya Mwene nakunwa lalo ku nganja ya minzinzime yakujwala, kumwasa kulya ku mesa ya Mwene nakulya lalo ku mesa ya minzinzime yakujwala.

1 Kolinte 10:7

kesi tulemese tumponya, ngwe muvalingile vamo vavo. Ngwe muvyendeka visoneka ngwavyo, “Vanu vatumbamene ku ciwano cije, oloni vacipwisile ciwano ca kupenda nakulinga vupangala.”

1 Kolinte 8:10

Omwo nga munu umo uje citaku-taku cendi cinazeye amona yove uli na “mana,” unatumbama mu kazangu ka tumponya ulinakulya, kuma mbunge yendi isimpa kulya vyakulya vyakukombelela ku tumponya ndi?

Maako 9:27

Co voshe vaile mu mahya avo nakuvuya mikolovozi ya vushuka vwa vinyu, vavulingile vinyu nakulinga ciwano. Co vaile mu njuvo ya njambi yavo, kuje vakalile nakunwa, co vashendumwine Avimeleke.