Amose 2:7 - Livulu lya Shukulu Kalunga

⁷ Co vakalyatangela vaka-kuzeya na vaje valinakuyanda nakunakozola tuutu kuvatundisa mu ngila. Munalume na ishe vakai ku munakazi umolika wa ndungo, co vashawisa lizina lyange lyakujela.

Amose 2:7 Iomraidhean Croise

2 Samwele 12:14

Oloni omwo unamwesa kashaundu kangacije kuli Shukulu Kalunga akulinga evi, munove akatsa.”

1 Vimyene 21:4

Ahave welukile kwimbo, walinyengele nakuviilila manene a vije vyendekele Navote kuli ikeye. Washuluvalele a vulili vwendi, wakengele a civumbe, co wavyanene kulya.

Visimo 28:21

Kusompa civembulu kwapwa kwakuvi, oloni vaka-kusompa vamo vakalingi mwamuvi akutambula nameme lizika-kanwa lyalindondo.

Isaya 10:1

Ngongo yeni! Mukalingi mashiko aje kesi a vushunga, aje ayandesa vanu vange.

Isaya 10:2

Omu mukemwo mumuli nakuyandesela tuutu, nakuvavindika kulinga vushunga. Omu mukemwo mumukambatela vufuko vuje vwakundama ku vifwile na visiwa.

Isaya 3:14

Shukulu Kalunga akasompesa vakulunu na vantwama va vanu vendi. Avasompesa ngwendi, “Munapukula mikolovozi ya vushuka vwa vinyu, co mu vinjuvo vyeni munashulu na vyuma vimunambata ku tuutu.

Isaya 3:15

Kumwesi na moko yakuyandesa vanu vange nakwambata vya tuutu. Yange Kalunga wa Akamwa ya Vyoshe Muka-nzili yoshe njinendekamo.”

Ezekiyele 22:11

Vamo valinakulinga vupangala, co vamo valinakukokweya vainamwenwavo kulinga navo vupangala nambe vandokazi vavo va vana va lwale.

Ezekiyele 36:20

Co kwoshe kuje kuvaile, vashawisile lizina lyange lyakujela, omwo vanu vakele nakwendeka ngwavo, ‘Ava vakevo vanu va Shukulu Kalunga, oloni vasezele lifuti lije lyavanene.’

Hoziya 4:14

Oloni kunjikavanyanyamesa a vyuma evi embwe, omwo neni mulinakulinga vukwizi na vikwizi va mu njuvo yakulemesela, co mukombelela vin̄ombelo ku vinjambi veka amolika navo. Ngwe cisimo ngwaco, ‘Vanu vakujeneka mana vakanyonga!’

VaLevi 18:15

Kesi ukalale na vanyokomweno omwo ikeye wapwa munakazi wa munove.

VaLevi 18:21

Kesi ukatavese umo wa vana veni kumupangesa mukulemesa njambi Moleki, omwo ngila eyi ikashawisa lizina lya Njambi yeni, yange njapwa Kalunga.

VaLevi 18:8

Kesi ukazivise isho shwamwa akulala na umo wa vanakazi vendi.

VaLevi 20:3

Nga munu aana munendi kuli Moleki ajwalesa Mbalaka yange yakujela nakuzivisa shwamwa lizina lyange lyakujela. Co njikamukengesa nima, co kunjikamulava lalo kupwa munu wange.

Amose 4:1

Tolilileni majwi awa yeni vanakazi va ku Samaliya, vanakazi vakununa manene ngwe vingombe va lwavo va ku Mbashane vakulisa mwamuvwa, mulinakupangesa mwamuvi vaka-kuzeya, mulinakuyandesa vaka-kuutwa, co mulinakushika vanalume veni ngeci vaminenele-nenele vyakunwa vyakupendesa!

Amose 5:11

Yeni munayandesa tuutu nakuvevila vimbuto vyavo. Co kumukakala mu vinjuvo vya mamanya vije vimunatungu, nambe kunwa vinyu vya ku vitungu vyavivwa vije mwakunine.

Amose 5:12

Njazivuka kutuma kwa milonga yeni na vuvi vweni vuje munalingi. Yeni mulinakupesa vanu va kulongwa, nakutambula lizika-kanwa, co muvindika tuutu ngeci kesi vawane vushunga mu vimbanja.

Amose 8:4

Tolilileni kuli evi, yeni vaka-kulyatangela vaka-kujeneka, nakunyongesa tuutu mu lifuti.

Mika 2:2

Omo vashaka mahya, co vawambata, omo vashaka vinjuvo, co vavitunga. Naimo naanga ya munu nambe cuma cili mwamuvwa cai.

Mika 2:9

Musheka vanakazi va vanu vange a membo avazema, co munevi vana vavo vavivezikiso vyange ku myaka yoshe.

Zefaniya 3:3

Vamyata vayo valinakwaana ngwe vindumba, co maako vayo vanapu ngwe tungunga va njala na mutupu, vaje valya citsiya palanga noo ku mutondo.

Loma 2:24

Omwo visoneka vyendeka ngwavyo, “Omwo ali yeni vaYunda, vaje kesi vaYunda vendeka vyavivi ali Njambi.”

1 Kolinte 5:1

Ololo kunatsimana ngeci akati keni ali vupangala vwakukomokesa vuje nambe vaka-kujeneka kukulaela kuvasa kuvulinga. Omwo vananjileka ngwavo munalume umo alinakulinga vuvi na munakazi wa ishe!