Amose 2:10 - Livulu lya Shukulu Kalunga

¹⁰ Yange njamitundisile mu Ingito, nakumitwamenena mu mambo myaka makumi awana, co njamyanene lifuti lya vaAmoli kupwa lyeni.

Amose 2:10 Iomraidhean Croise

Nehemiya 9:21

A myaka makumi awana mu mambo, wavanene vyoshe vije vivashakele, vuzalo vwavo kuvwakuluvalele, na mendi avo kuwazimbile.

Myaso 95:10

Njaluvalele na cisemwa cije a myaka makumi awana, co njendekele ngwange, ‘Vakevo vanapu vakujeneka kulongwa, valinakuvyana mashiko ange!’

Kutuuka 12:51

A litangwa lije Shukulu Kalunga watuwisile miyati ya vaIsalele kuvatundisa mu Ingito.

Kutuuka 20:2

“Yange njapwa Kalunga Njambi yeni, uje wamitundisile mu Ingito, kuje kumwakele mu vinzinda.

Kutuuka 3:8

Ngecivene, njinaija mukuvapatula ku livoko lya vaka-Ingito, nakuvatundisa mu lifuti eli lya Ingito nakuvatwala mu lifuti lyalivwa nevi vyakujenekamo vyai, muje ololo mucili vaKanana, na vaHiti, na vaAmoli, na vaPelezi, na vaHivi, na vaNjevushi.

Njelemiya 2:6

Vakukulwila veni kuvanjumbile mbunge, nameme njavamenene kuvatundisa mu Ingito nakuvatwamenena mu mambo, mu lifuti lyakuma na lishen̄avu, lifuti lyakuma lya vushonde muje naumo wai wakelemo, nambe kwendamo.

Ezekiyele 20:10

“Co njavatundisile mu Ingito nakuvatwala mu mambo.

Amose 3:1

Yeni vanu va Isalele, tolilileni majwi awa anendeka Shukulu Kalunga kuli yeni, muyati woshe vaje vaatundisile ku Ingito,

Amose 9:7

Shukulu Kalunga alinakwendeka ngwendi, “Yeni vanu va mu Isalele, njikamisinganyeka ngeci munjikasinganyeka vanu va ku Sundane. Njatundisile vaFilisitiya ku Kelete, na vaSilya njavatundisile ku Kile, ngwe munjamitundisile ku Ingito.

Mika 6:4

Njamitundisile mu Ingito, nakumipatula mu vundungo. Njatumine Mosesa, na Alone, na Milyamu mukumitwamenena.

Kulava 13:32

Ngecivene, vashandwele vukaleo vwavuvi vwa makuli akati ka vanu va Isalele a lifuti lije livakanengele. Co vakevo vendekele ngwavo, “Lifuti lije litunakanengele kulyesi na vwilo vwakumenesa vyakulya vyakuyoyesa vaje vatungamo. Vanu voshe twakawanene muje vapwa vakutunuka lika.

Kulava 21:25

Ngecivene, vanu va vaIsalele vafungulwile membo oshe a vaAmoli, amo na Heshevone, na membo oshe aje ayizengelekele, co vatungile mukati kavo.

Kulava 32:13

Co Shukulu Kalunga waluvalele na vanu va Isalele, wavendanganesele mu mambo myaka makumi awana, noo cisemwa coshe cije calingile vuvi ku mesho a Shukulu Kalunga vanyongele.

Vilinga vya Miluwa 13:18

co wavanyungile mu mambo myaka makumi awana.

Vilinga vya Miluwa 7:42

Oloni Njambi wavakengesele nima, co wavecelele ngeci valemese vingongonosi vya mwilu, ngwe muvanasoneka mu livulu lya vaka-kwimanena ngwavo, ‘Vanu va Isalele! Kesi kuli yange mwatsiilile nakukombelela tusitu a myaka makumi awana mu mambo, embwe.

Kwituluka mu Mashiko 1:39

“Co Shukulu Kalunga wendekele kuli yetu voshe ngwendi, ‘Vana veni vavandondo vaje mwendekele ngweni vakavafungulula ku vitozi veni vaje kanda vacikale na mana akwangula vyavivwa nevi vyavivi, vakevo vakakovela mu lifuti lije. Co njikavana lifuti lije ngeci vakatungemo.

Kwituluka mu Mashiko 2:7

“Anukeni muje mwamivezikisile Shukulu Kalunga Njambi yeni mu vyuma vyoshe vije vimwapangele na mavoko eni. Ikeye vavenya waminyungile omo mwakele nakwendangana mukati ka mambo ije yakama yakukomokesa. Shukulu Kalunga Njambi yeni wakele amo neni a myaka eyi makumi awana, co kumwajenekele cuma na cimo cai.

Yoshwa 13:4

Kucili mitambela yaingi ya vaKanana, na Meala ije yapwa ya vaSindone, kweta na ku Afeke ku nginga ya vaAmoli,

Yoshwa 24:8

Asinoni njaminenele mu lifuti lya vaAmoli, vaje vakele ku mutambela wa mu ngangela ya Yondau. Co vakevo vamilwisile, oloni yange njamyanene nzili yakuvafungula. Ngeci mwashwanene lifuti lyavo, co njavanyongesele omo yeni mwakele nakuya kulutwe.