Amose 1:9 - Livulu lya Shukulu Kalunga

⁹ Shukulu Kalunga alinakwendeka ngwendi, “Vanu va ku Tile vanalingi vuvi kushwakumo, omwo cuma eci mwa vushunga njikavanyanyamesa. Vatwalele muyati woshe mu vunzinda mu lifuti lya Endome, co kuvanyungile lizivasano lya vusamba vuvalingile.

Amose 1:9 Iomraidhean Croise

2 Samwele 5:11

Mwene Hilame wa ku Tile watumine tunganda kuli Ndaviti, co wamukwasele viti vya kendale, na vaka-kushonga, na vaka-kupazula mamanya akutungisa lipela.

Myaso 83:7

na vanu va ku Ngembale na vanu va ku Amoni, na vanu va ku Amaleke na vanu va ku Filisitiya na vanu va ku Tile.

Njelemiya 25:22

na vimyene voshe va mu Tile, na Sindone, na vimyene voshe va ku man̄anda a Menditelenyani, na ku vinganda vya

Njelemiya 47:4

Simbu inete yakunyongesa Filisitiya, naumo wai akasalao mukukwasa vinganda vya Tile na Sindone. Yange Kalunga, njikanyongesa vaFilisitiya voshe vaje vatundile ku vikuma vya Kelete.

Ezekiyele 27:1

Shukulu Kalunga wendekele kuli yange ngwendi,

Ezekiyele 27:27

Omo vwato vwove vwavombelele, co vufuko vwove vwoshe vwakulandesa, na vaka-kujavula vove voshe, na vaka-kushonga mato ove, na vaka-kulandesa vove, na mashwalale vove voshe vakele mu vwato, na vyuma vyoshe vyakele mu vwato vyanyongele mu mema a kalunga.

Ezekiyele 28:1

Shukulu Kalunga wendekele kuli yange ngwendi,

Ezekiyele 28:18

Yove walingile vuvi mukulanda nakulandulula, ngeci mitambela yove ije yakulemesela yaviile. Ngecivene, njashwamekele tuhya a nganda nakuyenyeka. Co njakupwisile lito lya asi ku mesho a vaje voshe vakumwene.

Amose 1:11

Shukulu Kalunga alinakwendeka ngwendi, “Vanu va ku Endome vanalingi vuvi kushwakumo, omwo cuma eci mwa vushunga njikavanyanyamesa. Omwo vakevo vatsiile vandolome vavo vaIsalele, co kuvavamwesele mema ku mbunge. Vukalu vwavo kuvwahwile, kuvavututumwisile.

Amose 1:6

Shukulu Kalunga alinakwendeka ngwendi, “Vanu va ku Ngaza vanalingi vuvi kushwakumo, omwo cuma eci mwa vushunga njikavanyanyamesa. Vatwalele muyati woshe nakuvalandesa kupwa vinzinda kuli vanu va ku Endome.

Ovandiya 1:11

Mwemanene kumukulo a litangwa lije, omo vitozi vasiwilile asi vikolo vyavo. Mwapwile muvavavi ngwe vaka-kwija vaje vambatele vufuko vwa mu Yelusalema, nakulipangezelavwo akati kavo.

Zakaliya 9:1

Awa akewo majwi a Shukulu Kalunga. Nashiki ngeci akanyanyamesa lifuti lya Handelake na nganda ya Ndamasiku. Kesi lika miyati ya Isalele, oloni na nganda yakama ya Silya yapwa ya Shukulu Kalunga.

Mateo 11:21

“Ngongo yove Kolazine! Ngongo yove Mbetesainda! Omwo vizivukiso evi vanalingi kuli yeni, nga vavilingilile mu Tile na mu Sindone, nga vanu vamwo vazalele vikeleya nakulikwita lito kumwesa ngeci vanatenguluka ku vivi vyavo!

Mateo 11:22

Oloni njimileka ngwange, a Litangwa Lyakusompa Njambi akatetela manene vanu va ku Tile na Sindone kutuvakana yeni!

Luka 10:13

“Ngongo yove Kolazine! Ngongo yove Mbetesainda! Omwo vizivukiso evi vanalingi kuli yeni, nga vavilingilile mu Tile na mu Sindone, nga vanu vamwo vatumbamene laja asi nakuzala vikeleya nakulikwita lito kumwesa ngeci vanatenguluka ku vivi vyavo!

Luka 10:14

Njambi akatetela manene vanu va ku Tile na Sindone a Litangwa Lyakusompa kutuvakana yeni!