Amose 1:7 - Livulu lya Shukulu Kalunga

⁷ Ngecivene, njikenyeka vivumbe vya nganda ya Ngaza nakwenyeka vimpaka vyayo njwa.

Amose 1:7 Iomraidhean Croise

2 Vimyene 18:8

Wafungulwile vaFilisitiya, co walwisile membo avo, kutunda ku limbo lyalindondo nakweta ku nganda yakama, amo na Ngaza na membo aje azengelekele ku mutambela uje.

2 Mizimbu 26:6

Uziya waile ku nzita nakulwisa vaFilisitiya. Wasiwile vivumbe vya vinganda vya Ngate na Njaminiya na Ashendonde, co watungile vinganda vya vimpaka kuyehi na Ashendonde na mu lifuti lyoshe lya Filisitiya.

Njelemiya 47:1

Simbu kanda mwene wa Ingito alwise Ngaza, Shukulu Kalunga wendekele kuli yange ngeci njileke vaFilisitiya,

Njelemiya 47:5

Vusiwa vwakama vunaija kuli vanu va ku Ngaza, vanu va ku Ashekelone vanoloka kuluu. Visimbu vingaijo vaFilisitiya vakalila?

Ezekiyele 30:8

Omo njikenyeka Ingito, co vaje vaka-kuyivingilikiya vakatsa, asinoni vakazivuka ngeci yange njapwa Kalunga.

Ezekiyele 39:6

Njikashwameka tuhya mu lifuti lya Mangonge, na ku vikuma vyoshe kuje vanu valinakukala mu kwoloka, co munu woshe akazivuka ngeci yange njapwa Kalunga.

Amose 1:4

Ngecivene, njikenyeka lipela lya Mwene Hazayele, co njikenyeka vimpaka vya Mwene Mbenehandande.

Amose 1:6

Shukulu Kalunga alinakwendeka ngwendi, “Vanu va ku Ngaza vanalingi vuvi kushwakumo, omwo cuma eci mwa vushunga njikavanyanyamesa. Vatwalele muyati woshe nakuvalandesa kupwa vinzinda kuli vanu va ku Endome.

Amose 1:8

Njikatundisa vaka-kushwana va mu vinganda vya Ashendonde, na Ashekelone. Njikanyanyamesa nganda ya Ekelone, co vaFilisitiya voshe vaje vanasalao vakatsa.” Tile

Zefaniya 2:4

Naumo wai akasala mu nganda ya Ngaza. Ashekelone ikapwa ngundu. Co vanu va mu Ashendonde vakavasheka a simbu ya mutanya, na vanu va mu Ekelone vakavandandumuna nakuvatundisa mu nganda yavo.

Loma 12:19

Vasamba vange, kesi mulinge shambandinga, oloni eceleni vukalu vwa Njambi vucilinge. Omwo visoneka vyendeka ngwavyo, “Yange njilinga shambandinga, njikavelwisila fweto yavo, mwanendeka Shukulu Kalunga.”

Kwituluka mu Mashiko 32:35

Shukulu Kalunga akavalinga shambandinga nakuvahisa, simbu iketa omo vakawa, litangwa lya tuyando twavo lili muyehi.