Amose 1:5 - Livulu lya Shukulu Kalunga

⁵ Njikavatozola vikolo vya nganda ya Ndamasiku nakutundisa vanu vakala mu cimbongo ca Avene na muka-kushwana wa ku Mbetendene. Co vanu va ku Silya vakavatwala mu vunzinda ku lifuti lya Kile.” Filisitiya

Amose 1:5 Iomraidhean Croise

2 Vimyene 14:28

Vyuma vyoshe vije vyalingile Yelovowame Wamucivali, amo na vilinga vyendi vyakusimpa mu vinzita, na muje mwelwisilile Ndamasiku na Hamate ku Yunda, vyoshe vavisoneka mu Livulu lya Mizimbu ya Vimyene va mu Isalele.

2 Vimyene 16:9

Tingelate Pilesele, akukumbulula cihula ca Ahaze cakumwimanena, wakatukile na mashwalale vendi kukalwisa Ndamasiku, nakuyifungulula, watsiile Mwene Lezine, co watwalele vinzinda ku Kile.

Isaya 22:6

Mashwalale va ku lifuti lya Elame vezile oku vanalondo a tuvalu, vambatele mata a lusipa na mikili. Co mashwalale va ku lifuti lya Kile valivwaeselele cimweja vintelo vyavo.

Isaya 43:14

Njambi wakujela wa Isalele, Shukulu Kalunga uje wamipatwile, alinakwendeka ngwendi, “Akumyamena, njikatuma nzita yakulwisa Mbambilone, njikapokozola vikolo vya nganda, co muyoyo wa vanu valimo ukatenguluka kulila.

Isaya 8:4

Simbu kanda mwanike azivuke kusana ‘Nana’ nambe ‘Tate,’ vufuko vwoshe vwa mu Ndamasiku na vyuma vya seo vyoshe vya mu Samaliya vakavyambata kuli mwene wa Asilya.”

Njelemiya 50:36

Vaka-kwimanena vendi va makuli vakatsa, vapwa vilema! Mashwalale vendi vakatsa nakuvafungulula!

Njelemiya 51:30

Mashwalale va Mbambilone vanalikela kulwa, co vanatumbama ngoco mu vimpaka vyavo. Kuvesi na nzili yakulwa, vanapu ngwe vanakazi. Vitozi valinakutavozola vikolo vya nganda nakwenyeka vinjuvo vyavo na tuhya.

Mbimbi 2:9

Vikolo vinanyongo mu livu, mikambo yavyo yoshe inatsenozoka. Mwene na vanu va vulemu ololo vali mu vunzinda. Ololo naumo wai lalo alongesa mashiko, co vaka-kwimanena kuvesi na vimona lalo vyakutunda kuli Shukulu Kalunga.

Ezekiyele 27:23

Vinganda vya Halane, na Kanehe, na Endeni, na vaka-kulandesa va ku Shemba, na vaka-vinganda vya Ashule, na Kilemande, voshe valandulwile nove.

Ezekiyele 30:17

Vakwenje va mu nganda ya Helyopolise na Mbuvasetise vakatsila mu nzita, co vanu vamo vakavatwala mu vunzinda.

Hoziya 10:8

Mitula ya akamwa ya malundu a Avene kuje vakele nakulemesela vaIsalele tumponya vakainyongesa. Co mambimbo na shaku vikamena akamwa ya mitula yavo. Co vanu vakatambeka ku minkinda ngwavo, “Tushwekeni!” Na ku malundu lalo ngwavo, “Tuwileni!”

Amose 5:5

Kesi muye ku Mbeleshemba nakukalemeselako. Kesi mukanjitondele ku Mbetele, omwo Mbetele ikapwa cuma cangoco. Kesi mukaye ku Ngilingale omwo vanu vendi vakaya ku vunzinda.”

Amose 9:7

Shukulu Kalunga alinakwendeka ngwendi, “Yeni vanu va mu Isalele, njikamisinganyeka ngeci munjikasinganyeka vanu va ku Sundane. Njatundisile vaFilisitiya ku Kelete, na vaSilya njavatundisile ku Kile, ngwe munjamitundisile ku Ingito.

Nahumi 3:13

Mashwalale vove vanapu ngwe vanakazi, co lifuti lyove kulyesi na cimpaka cakulinyunga ku vitozi vove. Tuhya tukanyongesa mikambo inakikasana ku vikolo vyeni.