Amose 1:14 - Livulu lya Shukulu Kalunga

¹⁴ Ngecivene, njikenyeka vivumbe vya nganda ya Lamba nakwenyeka vimpaka vyayo. Cooni kukakala miteto a litangwa lya nzita, co nzita ikakatuka manene ngwe lihunzi lyakama.

Amose 1:14 Iomraidhean Croise

2 Samwele 11:1

Kukuhwa kwa mwaka, simbu ije vimyene vakele nakuya nakulwa nzita, Ndaviti watumine Yowave na vamyata vendi na mbunga ya mashwalale vaIsalele, vafungulwile vaMowavi nakuzengeleka nganda ya Lamba. Oloni Ndaviti wasalele mu Yelusalema.

2 Samwele 12:26

A simbu ije vene Yowave walwisile Lamba, nganda yakama ya vaAmoni, nakuyifungulula.

2 Samwele 12:31

co Ndaviti waakele vanu vamo ku vipangi vyakuselala mavaya, vamo ku matemo, vakwavo ku vinjaviti, co vamo wavapangesele ku vindopi. Walingile cuma eci kuli vanu voshe va mu vinganda vyeka vya vaAmoni. Asinoni ikeye na vanu vendi velukile ku Yelusalema.

1 Mizimbu 20:1

Akushangumuka mwaka, a simbu ije vakai vimyene mukulwa nzita, Yowave watwamenenene mashwalale kukalwisa lifuti lya vaAmoni, oloni Mwene Ndaviti wasalele mu Yelusalema. Co vazengelekele nganda ya Lamba, vailwisile, nakuyinyongesa.

Yombi 39:25

Omo lupembo lwimba kashashutwiya, co vombikiya nzita omo icili kulyala, co vaziva vamyata omo vatambeka nakushika.

Myaso 83:15

ngecivene, vapekumune nakuvajujwisa na lihunzi lyove lyakama.

Isaya 29:6

Shukulu Kalunga Muka-nzili yoshe akakupatula na nzili ya lihunzi lyakama na likuna lya tuhya twa vukalu,

Isaya 30:30

Munu woshe akaziva lijwi lyakukomokesa lya Shukulu Kalunga, nakuziva nzili ya vukalu vwendi. Co kukakala milangi ya tuhya, na kankumba, na nyonzi ya mamanya, na mita yakama.

Isaya 9:5

Vin̄aku vya mashwalale va nzita na vuzalo vwavo vuje vunaviya na maninga vakavyenyeka na tuhya.

Njelemiya 23:19

Vukalu vwendi vunapu lisindu-mbowe, vwapwa lihunzi lyakukomokesa, lya vukalu lije likaija a mitwe ya vaka-vuvi,

Njelemiya 49:2

Oloni simbu ilinakwija omo njikatuma vanu va nganda yakama ya Lamba kwakumilwisa, co lifuti lyeni likapwa vingundu na membo amwo oshe akenya njwa. Co Isalele akatambula lalo lifuti lyendi kuli vaje valitambwile.

Ezekiyele 21:20

Ngila imo ikamwesa mwene ngila yakuya ku nganda ya vaAmoni ku Lamba, co ngila ikwavo yakuya ku Yunda, ku Yelusalema nganda ya cimpaka.

Ezekiyele 21:22

Ku livoko lyendi lya cilyo nakwata mukili wakusoneka ngwavo ‘Yelusalema.’ Uje mukili umuleka kuya nakwaka vyuma vimo vyakulikwasesa kuwisa civumbe mu mwela yavyo, nakutambeka mutambi wa nzita, nakwaka vyuma vimo vyakulikwasesa kuwisa civumbe kuyehi na vikolo, nakulinga mikinya ya livu kuzengeleka cimpaka, nakwinda tupila.

Ezekiyele 21:25

“Yove muka-vuvi, muka-kushwana wa Isalele wakujela, litangwa lya cihiso cove cakumanesela lilinakwija.

Ezekiyele 25:5

Njikatengulula nganda ya Lamba kupwa mutambela wakulila tumelo, na lifuti lya Amoni kupwa mutambela wakulila vimanga ngeci mukazivuke ngweni yange njapwa Kalunga.’

Ezekiyele 25:7

Omwo walingile vyuma evi, co njikakwana ku mavoko a miyati yeka ngeci vakakwivile vyove. Co mwa vushunga vene njikakunyongesa, co kuukapu lalo muyati nalumo lwai nambe kukala na lifuti lyove embwe. Asinoni ukazivuka ngeci kuma yange njapwa Kalunga.’ ”

Ndanyele 11:40

“Omo simbu ya mamaneselelo ya mwene wa Silya iketa, mwene wa Ingito akamulwisa, co mwene wa Silya akamulwisa na nzili yendi yoshe, akapangesa matemba na tuvalu, na mato akama amangi. Akafungulula mafuti amangi ngwe mema a livazi.

Amose 2:2

Ngecivene, njikatuma tuhya a lifuti lya Mowavi nakwenyeka vimpaka vya Kilyote. Vanu va ku Mowavi vakatsa ku muyoyo wa nzita, omwo mashwalale vatambeka, co malupembo aimba.

Zakaliya 7:14

Co njavapekumwine ngwe lihunzi nakuvatwala ku mafuti eka ngeci vakayoyeleko. Lifuti eli lyalivwa lyasalele mu ngundu yangoco, naumo wai wayoyelelemo.”

Kwituluka mu Mashiko 3:11

(Kuvanga lika Mwene Onge ikeye wasaleleo kuli vaLefaime. Cikasa cakwaka muvila wendi capwile ca vutale, mu vulaja capwile mamita awana, na mu vwihi capwile mamita avali, ngwe ku seteko ije vemika. Co na ololo twasa kuciwana mu nganda ya vaAmoli mu Lamba.)