3 Yowano 1:11 - Livulu lya Shukulu Kalunga

¹¹ Musamba wange injazema, kesi utembunwine vije vyavivi, oloni tembuwina vije vyavivwa. Woshe uje alinga vyavivwa ikeye wakundama kuli Njambi, woshe uje alinga vyavivi kamwene Njambi.

3 Yowano 1:11 Iomraidhean Croise

Myaso 34:14

Atunde ku vuvi nakulinga vyuma vyavivwa, ashakezeke nakukavangeya kwoloka.

Myaso 37:27

Tundeni ku vuvi ngeci mulinge vushunga, co vatekulwila veni vakayoya mu lifuti myaka yoshe.

Kutuuka 23:2

Kesi mulizivasane na vanu vavangi omo vakevo valinga mwamuvi nambe omo vendeka vukaleo vwakutengulula vushunga.

Visimo 12:11

Ndimi muka-kuundangana manene akakala na vyakulya vyavingi, oloni cinapu vulema kuviisila simbu a vyuma vyangoco.

Yowano 10:27

Vimanga vange vaziva lijwi lyange, co nange njivazivuka, co vanjikava.

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Yowano 3:20

Omwo munu woshe alinga vyuma vyavivi azinda ceke kasa kwija ku ceke, omwo kashaka vilinga vyendi vyavivi ngeci visholoke.

1 Kolinte 11:1

Njitembunwineni, ngwe yange lalo njitembunwina Kilistu.

1 Kolinte 4:16

Njimilomba ngeci munjitembunwine.

Efeso 5:1

Ngecivene, ngwe omo mwapwa vana va Njambi vamuya ku mbunge, munapande kulifwa nendi.

Filipu 3:17

Vasamba vange, njitembunwineni yange. Kengeni kuli vaje valinakukava cimweso ca vushunga cije twamisezelele.

1 Tesalonika 1:6

Mwatembunwinine yetu na Mwene, co nambe mwamwene tuyando twakama, oloni mwatambwile lijwi nakujolela kuje kukatundu kuli Munzinzime Wakujela.

1 Tesalonika 2:14

Vakwetu, vyuma vyalingiwile kuli yeni ngwe vije vyalingiwile ku vikungulukilo vya Njambi mu Yundeya, kuli vanu kuje vaje vanakundama kuli Kilistu Yesu. Mwayandele na mapakeso a cifwa cimo aje atundile kuli vanu veni aje vakevo vayandele kuli vaYunda,

2 Timateo 3:10

Oloni yove unakavangeya kulongesa kwange na futisi yange na vutumbe vwakuyoya kwange, unanongonona kukulaela kwange na kusimpa kwange na lukakateya lwange,

VaHevelu 6:12

Kutushaka mupwe volwa embwe, oloni mupwe ngwe vaje vaka-kukulaela nakusimpa, co mutambule vije vyanamikulaesa Njambi.

1 Petulu 3:11

Napande kutunda ku vuvi nakulinga vyuma vyavivwa, napande kushakezeka kwoloka na mbunge yendi yoshe.

1 Petulu 3:13

Iyajo akamivulumuna nga muli na cizango cakulinga vyavivwa?

1 Yowano 2:29

Mwazivuka ngweni Kilistu wapwa wa vushunga, ngecivene, munapande kuzivuka ngweni woshe alinga vyavivwa napu muna Njambi.

1 Yowano 3:10

Aka kakeko kaangu kakutungukwa akati ka vana va Njambi na vana va Liyavola, vaje kuvesi kulinga vyavivwa nambe kuvesi kuzema vakwavo, kuvapwile vana va Njambi embwe.

1 Yowano 4:1

Vasamba vange vanjazema, kesi mukulaele kuli voshe vaje vendeka ngwavo vali na Munzinzime, oloni veluleni muwane ngeci nga munzinzime uje uvalinawo unatundu kuli Njambi. Omwo vaka-kwimanena vavangi va makuli vanashandokela kwoshe-ikwoshe.