2 Yowano 1:4 - Livulu lya Shukulu Kalunga

⁴ Njavwaelelele manene omo njawanene ngeci vamo vana veni valinakuyoya mu vushunga, ngwe muje mwatushikile Tate.

2 Yowano 1:4 Iomraidhean Croise

Hoziya 14:9

Voshe vaje vaka-kunyanyama vazivuke vije vivanasoneka muno, nakuvinyunga mu mbunge. Vingila vya Shukulu Kalunga vyapwa vya vushunga, vaka-vushunga vayoya mu vikevyo, oloni vaka-vuvi vatanuka nakuwa omwo vavivyana.

Malakiya 2:6

Walongesele vya vushunga, co kendekele makuli. Co wendele nange mu kwoloka na mu vushunga, co watengulwile vavangi kutunda ku vuvi.

1 Kolinte 13:6

cizemo kucesi kujolela vuvi, oloni cijolela vushunga.

Ngalatiya 2:14

Oloni omo njamwene ngeci kuvakele nakwenda mu ngila yaivwa ya vushunga vwa muzimbu, co njendekele kuli Petulu ku mesho avo voshe ngwange, “Yove unapu u kaYunda, oloni unakala nakuyoya ngwe uje kesi kaYunda, kesi ngwe kaYunda. Ngecivene, vati wasa kusindiiya vaje kesi vaYunda ngeci vayoye ngwe vaYunda?”

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Efeso 5:8

Laja mwakele mu lisusulungu, oloni omo munapu mu vanu va Mwene, ololo muli mu ceke. Ngecivene, munapande kuyoya ngwe vanu vali mu ceke,

Filipu 4:10

Njijolela manene muli Mwene omwo nambe kuneti simbu yakama ololo munendula lalo cizango cakunjikwasa. Kunjendeka ngwange mwalikelele kunjikwasa, oloni kumwasele kuwana ngila yakucilinga.

1 Yowano 2:6

nga twendeka ngwetu simbu yoshe tulinakuyoya muli ikeye, tunapande kuyoya ngwe mwalingile Yesu Kilistu.