2 Vimyene 9:27 - Livulu lya Shukulu Kalunga

²⁷ Mwene Ahaziya wamwene vije vyalingiwile, ngecivene, watewelele ku nganda ya Mbete Hangane mu litemba lyendi, oloni Yehu wamushekele nakumuwana, washikile vanu vendi ngwendi, “Nendi lalo mutsiyeni!” Co vamwashele mukili omo wakele nakwendesa litemba lyendi mu ngila yakulamata ku Ngule, kuyehi na nganda ya Imbelyange. Oloni watewele manene noo wetele ku nganda ya Mengindo, co kuje vene watsile.

2 Vimyene 9:27 Iomraidhean Croise

1 Vimyene 21:2

Litangwa limo Ahave wendekele kuli Navote ngwendi, “Njane citungu cove ca mikolovozi ya vushuka vwa vinyu, omwo cili kuyehi na lipela lyange, njishaka kucipwisa citungu ca visapa-sapa. Co njikakwana citungu cacivwa kutuvakana eci, nambe njicilande.”

1 Vimyene 4:12

Mbana muna Ahilunde, ku vinganda vya Taanake, na Mengindo, na lifuti lyoshe lya kuyehi na Mbete Sheane, kuyehi na limbo lya Zaletane, mu mbwela ya limbo lya Njezelele, noo kweta ku nganda ya Avele Mehola na nganda ya Njokemeame.

2 Vimyene 10:4

Oloni vaka-kushwana va mu Samaliya vazivile lyova manene, co vendekele ngwavo, “Vatijo twasa kwimana kuli Yehu? Inonwa Mwene Njolame na Mwene Ahaziya kuvasele kwimana nendi, co yetu twasa kwimana nendi ndi?”

2 Vimyene 11:1

Omo Ataliya vaina ya Mwene Ahaziya wazivile a kutsa kwa munendi, co washikile ngeci vatsiye vanu voshe va ku naanga ya vumwene.

2 Vimyene 12:1

Mu mwaka wamucitanu na ivali omo Mwene Yehu washwanene mu Isalele, Yowashe wapwile mwene wa mu Yunda, washwanene mu Yelusalema myaka makumi awana, vaina vapwile Zimbiya wa ku nganda ya Mbeleshemba.

2 Vimyene 12:21

Njozakale muna Shimete na Yehozavande muna Shomele, vakevo vamyata vendi vamutsiile. Vamutsindile mu vimbumbo vya vumwene mu Nganda ya Ndaviti, co munendi Amaziya wamushwanene kupwa mwene.

2 Vimyene 14:19

Co mu Yelusalema mwakele vutumbe vwakutsiya Amaziya, ngecivene, watewelele ku nganda ya Lakishe, oloni vitozi vendi vamukavele, co vamutsiilile kuje vene.

2 Vimyene 21:23

Vamyata va Amoni vamukele munga, vamutumbilile vutumbe, co vamutsiilile mu lipela.

2 Vimyene 8:29

Co welukile ku nganda ya Njezelele ngeci akakanguke ku vimbandu vyendi vije vyavetwele, Ahaziya waileko nakukamumona.

Visimo 13:20

Uje enda na vaka-mana apwa muka-mana lalo, oloni uje enda na vilema akanyonga.

Kulava 16:26

Co wendekele ku mbunga ya vanu ngwendi, “Shondolokeni ku vimbalaka vya vanu ava vavavi kesi mukwate ku cuma cimo cakundama kuli vakevo kutewa neni mukanyonga omwo ya vuvi vwavo.”

2 Kolinte 6:17

Ngecivene, Shukulu Kalunga alinakwendeka ngwendi, “Munapande kuvaseza, co tundeni kuli vakevo. Kesi mulinge cuma cimo a vyuma vyakujwala, co njikamitambula.

Yoshwa 17:11

Co mu lifuti lya Isakale, na Ashele, Manase vamwanenemo nganda ya Mbete Shane, na Imbelyame, na vinganda vije vyazengelekeleko na Ndole nganda ije yakele ku cikuma, na Endole, na Tanaake, na Mengindo, na vinganda vije vyazengelekeleko.

Maako 1:27

Oloni vanu va muyati wa Manase kuvashekele vaje vanu vakele mu vinganda vya Mbete Shane, na Tanake, na Ndole, na Imbelyame, na Mengindo, na membo aje azengelekele vinganda vije, oloni vaKanana vasele kukala muje.

Maako 5:19

Co ku Tanake, ku ngenge ya muna ndonga Mengindo, vimyene vezile nakulwa, co vimyene va ku Kanana valwile, oloni kuvambatele siliva embwe.