2 Vimyene 9:26 - Livulu lya Shukulu Kalunga

²⁶ ‘Izau njinamwene Navote na vana vendi. Co njikulaesa ngeci nove lalo vakakutsiila mu lihya lino vene.’ ” Co Yehu washikile mukwasi wendi ngwendi, “Ambata muvila wa Njolame uumbile mu lihya lije lyapwile lya Navote, mukushulisa cikulaeso ca Shukulu Kalunga.”

2 Vimyene 9:26 Iomraidhean Croise

1 Vimyene 21:13

Co vaje vipapoki vavali vamukutiiye ku mesho a vanu ngwavo natuku Njambi na mwene, ngecivene, vamutwalele anja ya nganda vamwashele mamanya nakumutsiya.

1 Vimyene 21:19

Muleke ngwove yange, Kalunga, njendeka kuli ikeye ngwange, ‘Kuma omo unatsii munu, co ulyambatela na vufuko vwendi lalo ndi?’ Muleke ngwove evi vikevyo njinendeka yange ngwange, ‘Mu mwela umolika vene uvanakacwila tutali maninga a Navote mukemwo lalo vakakacwila maninga ove!’ ”

2 Vimyene 9:21

Mwene Njolame washikile ngwendi, “Njivwaeseleni litemba lyange.” Co valivwaesele, aje vene ikeye na Mwene Ahaziya valondele munu na munu mu litemba lyendi, nakuliwana na Yehu. Vakaliwanene nendi ku lihya lije lyapwile lya Navote.

2 Vimyene 9:25

Yehu wendekele kuli mukwasi wendi Mbindekale ngwendi, “Ambata muvila wendi uumbile mu lihya lije lyapwile lya Navote. Anuka omo yove nange twendele amo munima ya Mwene Ahave ishe ya Njolame, Shukulu Kalunga wendekele majwi awa kuli Ahave ngwendi,

2 Mizimbu 24:25

Yowashe wavetwele manene, omo vitozi vaile, vamyata vendi vavali vamukele munga yakumulwisa, co vamutsiilile mu mulili wendi, omwo ikeye Yowashe watsiile vana va Yehoyanda muka-kukombelela. Vamutsindile mu Nganda ya Ndaviti, oloni kesi mu vimbumbo vya vumwene.

2 Mizimbu 25:4

Nameme ngoco, katsiile vana vavo, oloni wakavele vije vyashikile Shukulu Kalunga mu Lishiko lya Mosesa ngwendi, “Visemi kuvapandele kutsila milonga ije ivanalingi vana vavo embwe, na vana lalo kuvapandele kutsila milonga ije ivanalingi visemi vavo embwe, oloni munu napande kutsila mulonga wanalingi ikeye vavenya.”

Myaso 9:13

Njizivileko mema ku mbunge yove Shukulu Kalunga! Kenga muvali nakunjiyandesela vitozi vange, njamene ku kutsa yove Shukulu Kalunga,

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Ezekiyele 18:19

“Oloni wihula ngwove, ‘Omwo vikajo mwana kayandela a vuvi vwa ishe?’ Kukumbulula cinapu ngeci, uje mwana walingile vushunga na vuvwa. Wanyungile mashiko ange nakuwakava mwamuvwa, co mwa vushunga akayoya.

Hambakuke 2:10

Oloni matumbe eni ananena shwamwa a naanga yeni, mwalikokela n̄ole yeni vavenya akunyongesa miyati ya vanu vavangi.

Kwituluka mu Mashiko 24:16

“Visemi kuvapandele kutsila vuvi vwa vana vavo, co lalo vana vavo kuvapandele kutsila vuvi vwa visemi vavo embwe. Munu na munu napande kutsila vuvi vwendi.

Kwituluka mu Mashiko 5:9

Kesi mukatsikamene tumponya, nambe kuvalemesa, omwo yange njapwa Kalunga Njambi yeni, Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.