2 Vimyene 9:1 - Livulu lya Shukulu Kalunga

¹ A simbu ije vene Elisha muka-kwimanena, wasanene mukwenje umo akati ka vaka-kwimanena, wendekele kuli ikeye ngwendi, “Livwaese ngeci uye ku Lamote mu Ngilyande. Ambata eli lilulu lya mazi a olive uye nalyo,

2 Vimyene 9:1 Iomraidhean Croise

1 Vimyene 1:39

Zandoke wambatele lilulu lya mazi a olive lije lyanonele mu Mbalaka Mwakuliwanena, co wavwavesele Solomoni. Vembile lupembo, co vanu voshe vatambekele ngwavo, “Mwene Solomoni ayoye!”

1 Vimyene 18:46

Co nzili ya Shukulu Kalunga yezile ali Elinja, co walizitikile vuzalo vwendi mu mbunda, co washatukile kulutwe lwa Ahave ngila yoshe na ku Njezelele.

1 Vimyene 19:16

vwavesa mazi Yehu muna Nimeshi apwe mwene wa Isalele, co vwavesa mazi Elisha muna Shafete wa ku Avele Mehola akwinge apwe muka-kwimanena.

1 Vimyene 20:35

A lishiko lya Shukulu Kalunga, munu umo wa ku munga ya vaka-kwimanena va Njambi washikile mukwavo muka-kwimanena ngeci ngwendi amupupe. Oloni ikeye wavyanene,

1 Vimyene 22:20

Shukulu Kalunga wehwile ngwendi, ‘Iyajo akakwisa Ahave ngeci akaye ku Lamote vakamutsiileko?’ Tungelo vamo vendekele mweka, co vakwavo lalo vendekele mweka,

1 Vimyene 22:4

Co Ahave wehwile Njosefati ngwendi, “Wasa kuya amo nange mukulwisa Lamote ndi?” Njosefati wamukumbulwile ngwendi, “Yange njinalivwaesela cimweja nga uya, cifwa cimo na kuli mashwalale vange na tuvalu twange.

2 Vimyene 2:15

Vaka-kwimanena makumi atanu vatundile ku Yeliko vamwene vije vyalingiwile, vendekele ngwavo, “Nzili ya Elinja ili ali Elisha!” Co vaile nakuliwana nendi, vatsikamene ku mesho endi nakumulemesa,

2 Vimyene 2:3

Co mbunga ya vaka-kwimanena vaje vakele mu Mbetele vaile kuli Elisha vamwihwile ngwavo, “Yove wazivuka ngeci ku litangwa lya lelo Shukulu Kalunga ambata shukulu yove nakumutwala ndi?” Elisha wakumbulwile ngwendi, “Eyo, njazivuka. Oloni olokeni kuluu.”

2 Vimyene 2:5

Co mbunga ya vaka-kwimanena vaje vakele mu Yeliko vaile kuli Elisha vamwihwile ngwavo, “Yove wazivuka ngeci ku litangwa lya lelo Shukulu Kalunga ambata shukulu yove nakumutwala ndi?” Elisha wakumbulwile ngwendi, “Eyo, njazivuka. Oloni olokeni kuluu.”

2 Vimyene 2:7

vaka-kwimanena makumi atanu vavakavele ku Ndonga ya Yondau. Elinja na Elisha vemanene ku ngenge ya ndonga, co vaje vaka-kwimanena makumi atanu vemanene alyala kamandondo.

2 Vimyene 4:1

Fwile wa munakazi wa mu munga ya vaka-kwimanena waile kuli Elisha wendekele ngwendi, “Mwane, munalume wange natsi! Ngwe muwazivukila ikeye wapwile munalume muka-kukomoka Njambi, oloni munalume uje yatambwile vimbongo vyendi naija, co ashaka kwambata vana vange vavali va vanalume ngeci akavapwise vindungo ku likongo lije lyatambwile munalume wange kuli ikeye.”

2 Vimyene 4:29

Co Elisha watengulukilile kuli Ngehazi wendekele ngwendi, “Zambula! Ambata mulamu wange uye. Co kesi wimane nakulikandelela na munu woshe-iwoshe uliwana nendi mu ngila, nga munu akukandelela kesi umukumbulule. Ya lika ku njuvo, co ukakambeka mulamu wange akamwa ya mwanike.”

2 Vimyene 9:4

Ngecivene, uje mukwenje muka-kwimanena waile ku Lamote,

2 Mizimbu 22:1

Co vanu va mu Yelusalema vashwanesele Ahaziya munendi wa mutinikila kupwa mwene, omwo mbunga imo ya vanu vezile na vaAlambe ku cilombo vatsiile vana vendi voshe va vakulunu. Ngecivene, vashwanesele Ahaziya kupwa mwene.

2 Mizimbu 22:5

Mukukavangeya kunangula kwavo, walipandakanene na Mwene Njolame wa mu Isalele mu nzita yakulwisa Mwene Hazayele wa Silya. Co valwililile nzita ku Lamote mu Ngilyande, Njolame wavetwele mu nzita.

Njelemiya 1:17

Ngecivene, Njelemiya, katuka uye, ya ukavaleke vyuma vyoshe vije vinjikushika. Kesi uvazivile lyova embwe, nga uziva lyova ni, co njikakuzivisa manene lyova ku mesho avo.

Mateo 26:7

Omo Yesu wakele nakulya ku mesa, munakazi umo wezile kuli ikeye wakele na lilulu lyakushula lya mazi a ndando yakama akunika lwengo lwaluvwa aje etilile ku mutwe wa Yesu.

Kwituluka mu Mashiko 4:1

Asinoni Mosesa wendekele kuli vanu va Isalele ngwendi, “Ononokeni mashiko oshe aje anjimilongesa, ngeci mukayoye nakukala mu lifuti lije lyakamyana Shukulu Kalunga Njambi ya vakukulwila veni.

Kwituluka mu Mashiko 4:3

Yeni vavenya mwalimwenenene na mesho eni vije vyalingile Shukulu Kalunga ku Munkinda wa Peole. Wanyongesele voshe vaje valemesele Mbale,

1 Petulu 1:13

Ngecivene, livwaeseleni cimweja mu viyongola vyeni. Kengeleleni, co akeni cinyangavili ceni a vivezikiso vije vivakamyana omo Yesu Kilistu akasholoka.

1 Samwele 10:1

Ngecivene, Samwele wanonele lilulu lya mazi a olive waetilile a mutwe wa Saulu, wamutsembele, co wendekele ngwendi, “Shukulu Kalunga nakuvwavesa mazi kupwa muka-kushwana vanu vendi va Isalele. Ukashwana vanu vendi nakuvanyunga ku vitozi vavo voshe. Co ovu vukevwo vukaleo vwove ngeci Shukulu Kalunga nakwangula kupwa muka-kushwana vanu vendi.

1 Samwele 16:1

Shukulu Kalunga wendekele kuli Samwele ngwendi, “Visimbu vingai ukalinyenga ali Saulu? Yange njinamuvyana kupwa mwene wa mu Isalele. Oloni ambata mazi a olive uye ku Mbetelehema, ku munalume umo lizina lyendi Njesi, omwo njinalyangwila umo akati ka vana vendi kupwa mwene.”