2 Vimyene 8:9 - Livulu lya Shukulu Kalunga

⁹ Ngecivene, Hazayele walongekeyeye a tumelo makumi awana a vyuma vyoshe vyavivwa vya mu Ndamasiku, co waile kuli Elisha. Omo Hazayele wetele kuli muka-kwimanena, wendekele kuli ikeye ngwendi, “Ngamba yove Mwene Mbenehandande nanjitumu kukwihula nga enduka ku kuvinja kwendi indi embwe.”

2 Vimyene 8:9 Iomraidhean Croise

1 Vimyene 14:3

Mwambatele mikasha ya makende likumi, na mashama-shama a kuhima, na njava ya vuki. Co ukamwihule cuma mukajo cikalingiwa ali munetu, co akakuleka.”

1 Vimyene 15:18

Ngecivene, Mwene Asa wambatele siliva yoshe na ngolinde vije vyasalele mu Njuvo ya Shukulu Kalunga na mu lipela, co wavitumine na vamo vamyata vendi ku Ndamasiku, kuli Mwene Mbenehandande wa ku Silya, muna Tambelimone na mutekulu wa Heziyone, na majwi awa ngwendi,

1 Vimyene 19:15

Shukulu Kalunga wendekele ngwendi, “Iluka lalo mu mambo kuyehi na Ndamasiku, co kovela mu nganda ukavwavese mazi Hazayele apwe mwene wa Silya,

2 Vimyene 1:2

Mwene Ahaziya wa mu Isalele wawililile asi kutunda mu njanena ya njuvo yendi ya akamwa ya lipela mu Samaliya, co wavulumukile manene. Ngecivene, watumine miluwa vakehule Mbalezevuve, njambi wa Ekelone nganda ya Filisitiya, ngeci azivuke nga enduka nambe kenduka kukuvulumuka kwendi.

2 Vimyene 13:14

Elisha muka-kwimanena wavinjile mushongo wakama, co omo wakele kuyehi na kutsa, Mwene Yehowashe wa mu Isalele wezile nakumumona. Walilile ngwendi, “Tate, tate! Yove wapwile muka-kwimanena wa nzili kutuvakana mashwalale voshe va Isalele!”

2 Vimyene 16:7

Ahaze watumine vanu kuli Tingelate Pilesele, mwene wa Asilya ngwendi, “Yange nji ngamba yove wakuliita kuli yove. Ija wakunjamene ku vimyene va Silya na Isalele, ava valinakunjilwisa.”

2 Vimyene 5:13

Co vangamba vendi vashwenyele kuli ikeye vendekele ngwavo, “Mwane, nga muka-kwimanena nakuleka kulinga cuma cimo cacikalu, unapandele kucilinga. Vikajo vikwonwesa kukajwela ngwe muje mwendekele ngeci ukanguke?”

2 Vimyene 5:5

Co mwene wendekele ngwendi, “Ya utwale mukanda kuli ikeye.” Ngecivene, Namane wakatukile, wambatele mavundungulu 30,000 a siliva, na mavundungulu 6,000 a ngolinde, na vyakuzala likumi vyavivwa manene.

2 Vimyene 6:21

Omo mwene wa mu Isalele wamwene vaSilya, wehwile Elisha ngwendi, “Mwane, njivatsiye ndi?”

Muka-kwambulula 3:6

Kuli simbu yakushakezeka vyuma, na simbu yakuvizimbalesa, kuli simbu yakutulika, na simbu yakushandola,

Filimoni 1:14

Oloni kunjishaka kulinga cuma cakujeneka yove kuzivuka, njishaka yove ucilinge na cizango ca mbunge yove. Ngecivene, kunjasa kulinga cuma cimo kuvanga yove unatava.

1 Samwele 25:8

Ihula vakwenje vove, co vakevo vakakuleka. Ngecivene, nga citava, vakwenje vange vawane kutetela ku mesho ove, omwo tunaija a litangwa lya ciwano. Njilomba ngeci utwaneko vyoshe-ivyoshe viwulinavyo yetu vangamba vove na munove Ndaviti.’ ”

1 Samwele 9:7

“Saulu wehwile ngwendi, nga tuya kuli ikeye, vikajo tukamwana? Kukwesi makende anasalao mu vinjeke vyetu, co kukwesi nevi vyakumwana, indi tukamwana vika?”