2 Vimyene 8:5 - Livulu lya Shukulu Kalunga

⁵ Simbu Ngehazi acili nakuleka mwene vati Elisha wendwile uje mutsi, co uje munakazi wambulwile n̄anda yendi kuli mwene, co Ngehazi wendekele ngwendi, “Shukulu, ou munakazi nendi lalo munendi vamwindwile kuli Elisha!”

2 Vimyene 8:5 Iomraidhean Croise

1 Vimyene 20:1

Mwene Mbenehandande wa ku Silya wakungulwile mashwalale vendi voshe, amo na vimyene vakumukwasa vakupwa makumi atatu na vavali na tuvalu na matemba avo, voshe vaile vakazengelekele Samaliya nakuyilwisa.

2 Vimyene 4:12

Walekele ngamba yendi Ngehazi ngeci asane uje munakazi. Co omo uje munakazi wezile,

2 Vimyene 4:35

Co Elisha wakatukile, wendanganene muje mu mulili, co welukilile lalo nakushuluvala akamwa ya mwanike. Co mwanike washamitile visimbu vitanu na vivali, asinoni washangumukile kutona.

2 Vimyene 6:12

Co umo wavo wamukumbulwile ngwendi, “Naumo wai, mwane. Oloni Elisha muka-kwimanena akaleke mwene wa mu Isalele vije ukendeka mu vushweke nameme mu mulili wove.”

2 Vimyene 6:26

Mwene wa mu Isalele wakele nakwenda a civumbe ca nganda, co munakazi umo watambekele ngwendi, “Shukulu njikwase!”

2 Vimyene 8:6

Akukumbulula cihula ca mwene, uje munakazi washulisile vukaleo vwa Ngehazi, ngecivene, mwene wasanene mwata, wamulekele ngeci elwisile uje munakazi vyuma vyendi vyoshe, amo na vimbuto vyoshe vije vyamenene mu mahya endi a myaka ije itanu na ivali yakakele kweka.

Esita 5:14

Ngecivene, munakazi wendi na vasamba vendi voshe vatumbile vutumbe ngwavo, “Omwo vikajo kuushimbika viti vya vilaja vyakupwa mamita makumi avali na mamita avali? Co imene ukalombe mwene ngeci vakashukikeo Molendekai, asinoni ukaya ku ciwano cakulya nakuvwaelela.” Co Hamane wayongwele ngeci cije capwile ciyongola cacivwa, ngecivene, washimbikile viti.

Myaso 145:1

Njikakwalesa Njambi yange na mwene yange, njikashangazala lizina lyove ku myaka yoshe.

Visimo 16:9

Wasa kutumba matumbe ove, oloni Njambi ikeye atwamenena vilinga vyove.

Muka-kwambulula 9:11

Njanangukile cuma cikwavo lalo ngeci muno mu kaye, vaka-kushatuka manene kuvesi kuhyana kushatuka simbu yoshe, co vaka-kusimpa kuvesi kuhyana nzita simbu yoshe, co vaka-mana kuvesi kuwana vufuko simbu yoshe, na vaka-vutongwe kuvesi kuwana vitumbamo vyakama simbu yoshe. Luvinda lukaija ku munu woshe-iwoshe.

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

Lute 2:3

Ngecivene, Lute waile ku mahya, wakavangeyeye munima ya vaka-kupanga nakunonongola mbale ya maumwa ije vanaseze. Co casholokele ngeci, kuma wakele mu lihya lya Mbowasi kavushoko ka Elimeleke.

1 Samwele 26:17

Saulu wazivile lijwi lya Ndaviti, co wehwile ngwendi, “Yove munange Ndaviti ndi?” Co Ndaviti wamukumbulwile ngwendi, “Eyo, yange vene, shukulu.”