2 Vimyene 8:19 - Livulu lya Shukulu Kalunga

¹⁹ oloni Shukulu Kalunga kashakele kunyongesa Yunda embwe, omwo wakulaesele laja ngamba yendi Ndaviti ngeci vatekulwila vendi vakashwana simbu yoshe.

2 Vimyene 8:19 Iomraidhean Croise

2 Samwele 21:17

Oloni Avishai muna Zeluya wezile kuli Ndaviti nakumukwasa, walwisile uje likisi-kisi, co wamutsiile. Asinoni vanu va Ndaviti vamulombele ngwavo, “Kesi ukaye netu lalo ku nzita, yove unapu manda ya Isalele, co kutushaka lalo ngeci tukujeneke.”

2 Samwele 7:15

Oloni kunjikatundisa livoko lyange kuli ikeye ngwe munjalingile kuli Saulu, uje injatundisile ngeci yove upwe mwene.

2 Samwele 7:16

Simbu yoshe ukakala na vatekulwila, co vumwene vwove vukakala simbu yoshe. Co simbu yoshe litanda lyove likakola ngo!’ ”

1 Vimyene 11:12

Nameme ngoco, omwo a lizina lya isho Ndaviti, kunjikacilingi a simbu yakuyoya kwove, oloni njikacilinga a simbu yakushwana kwa munove.

1 Vimyene 11:13

Kunjikatundisa vumwene vwoshe kuli ikeye embwe, oloni njikamusezela muyati umo omwo a lizina lya ngamba yange Ndaviti na a lizina lya Yelusalema, nganda ije injalyangwilile.”

1 Vimyene 11:36

oloni njikatava muna Solomoni kunyunga muyati umolika, ngecivene, simbu yoshe njikakale na mutekulwila wa ngamba yange Ndaviti kushwana mu Yelusalema, nganda ije njinaangula kupwa mutambela wakunjilemesela.

2 Vimyene 11:2

Oloni Yowashe muna Ahaziya ikeye lika waputumukileo. Vashakele kumutsiya ngwe muvatsiile vakwavo, oloni vamwovwele kuli vaten̄azi yendi Njehoshemba, muna Mwene Njeholame, co lalo wapwile ndokazi ya Ahaziya. Wamutwalele amolika na ndezi yendi, kukavashweka ku mulili wa Njuvo ya Shukulu Kalunga kuvatewesa kuli Ataliya, ngecivene, kuvamutsiile.

2 Vimyene 19:34

Njikamena nganda eyi nakuyinyunga, omwo lizina lyange, na omwo cikulaeso njalingile kuli ngamba yange Ndaviti.’ ”

2 Mizimbu 21:7

oloni Shukulu Kalunga katavele kunyongesa vumwene vwa Ndaviti embwe, omwo walingile laja cikumiiyo na ngamba yendi Ndaviti ngeci vatekulwila vendi vakashwana simbu yoshe.

Myaso 132:10

Shukulu Kalunga, Ndaviti napu munu wove wakwangula, kesi umuvyane embwe.

Myaso 132:17

Njikapwisa umo wa vatekulwila va Ndaviti kupwa mwene wa nzili vumwene vwendi vukakalako, ngwe ndeya ije ishukuma myaka yoshe.

Isaya 37:35

Njikamena nganda eyi nakuyinyunga, omwo a lizina lyange, na omwo a cikulaeso njalingile kuli ngamba yange Ndaviti.’ ”

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Hoziya 11:9

Kunjikaminyanyamesa akuluvala kwange embwe, kunjikasa kunyongesa Isalele lalo embwe. Omwo yange Njapwa nji Njambi, kesi ngwe nji munu embwe. Yange, Njapwa Wakujela njili amo neni. Co kunjikaija lalo kuli yeni mukuluvala embwe.