2 Vimyene 8:15 - Livulu lya Shukulu Kalunga

¹⁵ Oloni alikaki Hazayele wanonele kambilititi, wakambwatekele mu mema, wafwikile mwene ku mesho, co mwene watsile. Ngecivene, Hazayele washwanene Mbenehandande kupwa mwene wa Silya.

2 Vimyene 8:15 Iomraidhean Croise

1 Vimyene 15:28

Eci calingiwile mu mwaka wamucitatu wakushwana kwa Mwene Asa wa mu Yunda. Co Mbasha washwanene Nandave kupwa mwene wa mu Isalele.

1 Vimyene 16:10

Co Zimeli wakovelele mu njuvo, watsiile Elahe, co wamushwanene kupwa mwene. Eci calingiwile mu mwaka wamumakumi avali na itanu na ivali wakushwana kwa Mwene Asa wa mu Yunda.

1 Vimyene 16:18

Omo Zimeli wamwene ngeci nganda vanaifungulula, wakovelele mukati ka cimpaka cakukola ca njuvo ya mu lipela, wenyekele lipela lyendi walyenyekelelemo, watsile.

1 Vimyene 19:15

Shukulu Kalunga wendekele ngwendi, “Iluka lalo mu mambo kuyehi na Ndamasiku, co kovela mu nganda ukavwavese mazi Hazayele apwe mwene wa Silya,

2 Vimyene 15:25

Co mwata umo wa mashwalale va Pekahiya, lizina lyendi Peka muna Lemaliya, watumbile vutumbe amo na vanalume makumi atanu va ku Ngilyande, co vatsiilile Pekahiya mu lipela mukati ka cimpaka mu Samaliya, co Peka wamushwanene kupwa mwene.

2 Vimyene 15:30

Mu mwaka wamumakumi avali omo Yotame muna Uziya wapwile mwene wa mu Yunda, Hosheya muna Elahe watumbile vutumbe vwakulwisa Mwene Peka, co wamutsiile, wamushwanene kupwa mwene.

2 Vimyene 8:10

Elisha wamukumbulwile ngwendi, “Ya ukamuleke ngwove ukenduka, oloni Shukulu Kalunga nanjileke ngeci akatsa.”

2 Vimyene 8:13

Co Hazayele wehwile ngwendi, “Vatijo njikasa kuwana nzili ya cifwa oco? Yange nji munu wangoco!” Elisha wamukumbulwile ngwendi, “Shukulu Kalunga nanjimwesa ngeci yove ukapwa mwene wa Silya.”

2 Vimyene 8:28

Mwene Ahaziya walipandakaanene na Mwene Njolame wa mu Isalele mu nzita kulwisa Mwene Hazayele wa Silya. Co valwililile nzita ku Lamote mu Ngilyande, Njolame wavetwele mu nzita.

2 Vimyene 9:24

Aje vene Yehu wananele manene vuta vwendi vwa lusipa na nzili yendi yoshe, co washele mukili mukati ka vitsili vya Njolame, co uje mukili wamutivile ku mbunge. Co Njolame wawililile mu litemba lyendi watsile.

Myaso 36:4

Vakatumbu matumbe amavi oku vanalala a vulili vwavo, nacimo cacivwa civakalingi cai, co kuvesi kuvyana cuma cacivi.

Isaya 33:1

Vitozi vetu vanavindama! Vanevi nakwenda vungungu, nameme kukwesi umo navevila nambe kuvenda vungungu. Oloni simbu yavo yakwiva nakwenda vungungu ikahwa, co navo lao vakavevila nakuvenda vungungu.

Mika 2:1

Cikapwa cacikalu manene kuli vaje vatumba matumbe amavi oku vanalala. Omo kukya mutondo, vwasi-vwasi omo vanawana simbu, co valinga vuvi vuje vuvanayongola.

1 Samwele 24:13

Uzivuka visimutwiya vya va san̄ulu ngwavo, ‘Vuvi vakavulingi lika vanu vaje vaka-vuvi.’ Ngecivene, yange kunjikakuvulumuna embwe.