2 Vimyene 7:8 - Livulu lya Shukulu Kalunga

⁸ Omo vaje vanalume vawana vavinjile mushongo wa mbumba vetele kumukulo wa cilombo, vakovelele mu mbalaka imo, co valile nakunwa vije vyakelemo. Vambatele siliva na ngolinde na vuzalo vuje vawanenemo, co vatuukilemo vakavishwekele, co velukile lalo, vakovelele mu mbalaka ikwavo, co valingile ngeci muje mwakulivanga lalo.

2 Vimyene 7:8 Iomraidhean Croise

2 Vimyene 5:24

Omo vetele ku lilundu kuje wakele Elisha, Ngehazi wanonele vije vinjeke vivali wavitwalele mu njuvo. Asinoni walekele vangamba va Namane kwilukamo.

2 Vimyene 7:9

Cooni valyendekesele umo na mukwavo ngwavo, “Kutwapandele kulinga ngacije embwe! Tuli na muzimbu wauvwa manene, kutwapandele kulitulikilawo embwe. Nga tuvandamena noo ku mutondo asina tuwambulule, mwa vushunga tukawana cihiso. Mwamuvwa ololo tuyeni tukaleke vamyata va mwene!”

Isaya 33:23

Oloni lifuti lyeni linapu vwato vwakama vuje mikole yavwo inazeye, co nanga ije ikavwendesa na lihunzi kuyasa kushangumuka ngeci vwato vwende. Litangwa limo nameme yeni vilema mukambata vyuma vyakupukula ku vitozi veni.

Njelemiya 41:8

Oloni muje mu munga mwakele vanalume likumi vendekele kuli Ishimela ngwavo, “Mwane kesi ututsiye! Tuli na tiliku, na mbale ya maumwa, na mazi a olive, na vuki twavishweke mu shwata.” Ngecivene, wavasezeleo.

Mateo 13:44

“Vumwene vwa mwilu vunalifu ngwe vufuko vwakushweka mu lihya, vuje munu awana, co avushweka. Asinoni akuvwaelela kwendi aya nakulandesa vyuma vyoshe vije alinavyo, co alanda lije lihya.

Mateo 25:18

Oloni ngamba uje watambwile vimbongo vyakupwa 1,000 waile, co wakendile citeke washitikile vije vimbongo vya shukulu yendi.

Yoshwa 7:21

Akati ka vyuma twakapukwile, njamwene cikoveyo cacivwa manene ca vaMbambilone, na makilo avali a siliva, na livundungulu lya ngolinde lya vulemu vwa litambelo lya kilo. Njavishakele manene ngeci njavyambatele. Co mukaviwana njavishitika mukati ka mbalaka yange, co siliva ili kwisi yavyo.”