2 Vimyene 6:18 - Livulu lya Shukulu Kalunga

¹⁸ Omo vaSilya valwile, co Elisha walombelele ngwendi, “Shukulu Kalunga, zivalesa mesho a vanu ava ngeci vapwe tupuputwa!” Co Shukulu Kalunga wakumbulwile lilombelo lyendi, wazivalesele mesho avo.

2 Vimyene 6:18 Iomraidhean Croise

Kushangumuka 19:11

Asinoni vazivalesele mesho a vaje vanalume voshe vakele ku cikolo, vakwenje na vakulunu, ngeci kuvasele kuwana cikolo.

2 Vimyene 6:19

Asinoni Elisha waile kuli vakevo, co wendekele navo ngwendi, “Mwazimbalesa ngila, eyi kesi ikeyo nganda imushaka embwe. Njikaveni njimitwamenene kuli munalume imusetela.” Co wavatwamenenene ku Samaliya.

Yombi 5:14

simbu ya mutanya vaimona ngwe lisusulungu, co mukati ka mutanya vapapateya ngwe vutsiki.

Hoziya 1:7

Oloni njikamwesa cizemo ku vanu va mu Yunda. Yange Kalunga Njambi yavo, njikavamena, oloni kunjikavamena nakulwa embwe, nambe na mikwale, nambe na mata a lusipa na mikili, nambe na tuvalu na vaka-kulonda a tuvalu.”

Zakaliya 12:4

A simbu ije njikayiya-yiisa tuvalu twavo twoshe, co vaka-kulondao voshe vakapwa viyambangani. Njikanyunga vanu va mu Yunda, oloni njikatsitsivalesa mesho a tuvalu twa vitozi vavo.

Yowano 12:40

“Njambi nazivalesa mesho avo, co nakaluwisa vimbunge vyavo, ngeci mesho avo kesi amone, Co kesi vazivisise, kutewa vatengulukila kuli yange, co yange njikavakangwisa.”

Yowano 9:39

Yesu wendekele ngwendi, “Omwo njinaija ano a kaye mukusompa, ngecivene, tupuputwa vase kumona, co vaje valinakumona vapwe tupuputwa.”

Vilinga vya Miluwa 13:11

Co livoko lya Mwene likashuluka ali yove ololo vene, co ukapwa kapuputwa kuukasa kumona ceke ca litangwa a simbu imo.” Aje vene Elyamase wazivile mbundu yakuzivala ifwika ku mesho endi, co wendanganene noku-noku kweseka kuwana umo ngeci amukwate ku livoko nakumutwamenena.

Loma 11:7

Vationi? Vanu va Isalele kuvawanene cije civakele nakushakezeka. Yapwile mbunga yaindondo lika vaje vaangwile Njambi vakevo vaciwanene, co vaje vasaleleo vapwile tusinda-matwi kukusana kwa Njambi.

Kwituluka mu Mashiko 28:28

Shukulu Kalunga akamitumina kuzaluka, na vupuputwa, na kwilasana.