2 Vimyene 6:12 - Livulu lya Shukulu Kalunga

¹² Co umo wavo wamukumbulwile ngwendi, “Naumo wai, mwane. Oloni Elisha muka-kwimanena akaleke mwene wa mu Isalele vije ukendeka mu vushweke nameme mu mulili wove.”

2 Vimyene 6:12 Iomraidhean Croise

2 Vimyene 5:26

Oloni Elisha wendekele ngwendi, “Njinakele nove mu munzinzime omo Namane washulukile mu litemba lyendi nakwendeka nove. Ngehazi, kuwesi na moko yakutambula vimbongo nambe vuzalo, na mahya a miti ya olive, nambe mikolovozi ya vushuka vwa vinyu, nambe vimanga, nambe vingombe, nambe vangamba embwe!

2 Vimyene 5:3

Co litangwa limo uje mwanike wa munakazi wendekele kuli shukulu yendi wa munakazi ngwendi, “Nga shukulu yange wa munalume naile kuli muka-kwimanena uje wakala mu Samaliya, nga namukangwisa ku mushongo wendi wa mbumba.”

2 Vimyene 5:8

Omo Elisha muka-kwimanena wazivile ngeci mwene wa mu Isalele natavula vuzalo vwendi, co watumine lijwi kuli mwene ngwendi, “Omwo vikajo unatavwila vuzalo vwove? Tuma munalume kuno kuli yange, co njikamumwesa ngeci mu Isalele muli muka-kwimanena!”

2 Vimyene 6:11

Co mwene wa vaSilya wakele na citanga cakama manene a cuma eci, wasanene vamyata vendi wavehwile ngwendi, “Iya umo akati keni ali ku mutambela wa mwene wa mu Isalele?”

2 Vimyene 6:13

Co mwene washikile ngwendi, “Museteleni oku kwoshe ali ngeci njimukwate.” Omo vamulekele ngwavo Elisha ali ku Ndotane,

Kutuuka 8:3

Ndonga ya Nailo ikashula na mambotwe, co vakakovela na mu lipela lyove, na ku mulili wove na a vulili vwove, na ku vinjuvo vya vamyata vove na vanu vove, nambe a meko eni na mu vindeo vyeni vyakwocela makende.

Visimo 21:30

Mana a vunu nakunyanyama nakuzivuka, kuvikwasa nga Shukulu Kalunga nakuvyana.

Muka-kwambulula 10:20

Kesi uyongole kushaula mwene, nambe kesi ushaule muka-kufuka, nameme mu vushweke. Kazila asa kuzivako, co akambulula vije viwunendeka.

Isaya 29:15

Ngongo yavo vaje vashwekela Shukulu Kalunga matumbe avo. Vaje valinga vyuma mu vushweke, co valinakuyongola ngwavo naumo wai navamono nambe kuzivuka vije valinakulinga.

Isaya 8:10

Tumbeni matumbe eni! Oloni akapwa angoco. Endekeni vyoshe vimushaka! Oloni vyoshe vikapwa vyangoco, omwo Njambi ali amo netu.

Ndanyele 2:47

Mwene wendekele ngwendi, “Njambi yove wapwa wakama manene kutuvakana vinjambi voshe, ikeye wapwa Shukulu wa akamwa ya vimyene voshe, ikeye akajombolola mahungu. Njazivuka cuma eci omwo unasa kulumbununa lihungu eli.”

Amose 3:7

Mwa vushunga vene Shukulu Kalunga wa Akamwa ya Vyoshe kasa kulinga cuma cimo kujeneka kusholola vutumbe vwendi kuli vangamba vendi, vaka-kwimanena.