2 Vimyene 5:7 - Livulu lya Shukulu Kalunga

⁷ Omo mwene wa mu Isalele walavele uje mukanda, co watavwile vuzalo vwendi mukuviilila, walikomokelele, co wendekele ngwendi, “Omwo vikajo mwene wa Silya nayongola ngwendi yange njasa kukangwisa ou munalume? Kuma ikeye nayongola ngwendi yange nji Njambi, uje ali na nzili yakutsiya nambe yakuyoyesa ndi? Eci casholoka mwa vushunga vene ngeci ashaka lika kulinga vimata nange!”

2 Vimyene 5:7 Iomraidhean Croise

Kushangumuka 30:2

Yakomba waluvalele na Lakele, wendekele kuli ikeye ngwendi, “Kunjasa kwinga mu mwela wa Njambi. Njambi ikeye nashoko shivu yove ngeci kesi ukite vana.”

Kushangumuka 37:29

Omo Luvena welukilile ku lisima wawanene Yosefa waimo, co watavwile vuzalo vwendi omwo vusiwa.

Kushangumuka 50:19

Oloni Yosefa wendekele kuli vakevo ngwendi, “Kesi muzive lyova embwe. Yange njasa kulyaka yange vavenya mu mwela wa Njambi ndi?

2 Samwele 1:11

Ndaviti watavwile vuzalo vwendi mukuviilila, co vanu vendi lalo voshe vatavozwele vuzalo vwavo.

1 Vimyene 20:7

Mwene Ahave wasanene vantwama voshe va mu lifuti, co wendekele ngwendi, “Mwamono ou munu ashaka kutukovelesa mu vukalu. Natumine miluwa kuli yange ngeci njimwane vanakazi vange, na vana vange, na siliva yange, na ngolinde, co yange njatavele.”

2 Vimyene 11:14

Co wamwene mwene wamuhwa nemana ku manda ku cikolo ca Njuvo ya Shukulu Kalunga, ngwe ku futisi yavo. Vamyata na vaka-kwimba malupembo vamuzengelekele, co vanu voshe vatambekele nakujolela nakwimba malupembo. Ataliya watavwile vuzalo vwendi mukuviilila, co watambekele ngwendi, “Vungungu! Vungungu!”

2 Vimyene 18:37

Co Elyakime na Shevana na Yowahe vatavozwele vuzalo vwavo mukuviilila, co valekele mwene vije vyendekele Lambashake mwata wa vaAsilya.

2 Vimyene 5:6

Uje mukanda wambatele vausonekele ngwavo, “Njatumu ngamba yange Namane nga citava umukangwise ku mushongo wendi wa mbumba.”

Njelemiya 36:24

Oloni nambe mwene, nambe umo wa ali vamyata vendi uje wazivile vyoshe vije vasonekele muje mu livulu, kuvazivila lyova nambe kumwesa cimweso cimo ca vusiwa.

Ndanyele 2:11

Vije viwalombo yove shukulu vinapu vyavikalu manene vije naumo wai asa kuvilinga kuli yove kuvanga amo vinjambi, oloni vakevo kuvesi kukala akati ka vanu vaka-cisemwa ca ano asi.”

Hoziya 6:1

Vanu vendeka ngwavo, “Ijeni twiluke kuli Shukulu Kalunga. Nameme natusanyozola vipuka-vipuka, oloni akatukangwisa lalo, nameme natutu vimbandu, oloni akatuzengao vinanga.

Kulava 14:6

Co Yoshwa muna Nune, na Kalembi muna Njefune, vaje vakele akati ka vaje vakanengele lifuti, vatavwile vuzalo vwavo mukuviilila.

Mateo 26:65

A majwi awa, Muka-kukombelela Wakama watavwile vuzalo vwendi nakwendeka ngwendi, “Nashaula Njambi! Vikajo lalo tucishakezekela vukaleo vweka? Ololo vene mwalizivila kushaula kwendi a majwi endi!

Luka 11:54

vesekele kumutela vinganjo ngeci vamone nga endeka mwamuvi ngeci vamukwateleo.

Vilinga vya Miluwa 14:14

Oloni omo Mbanambase na Paulu vazivile vije vashakele kulinga, vatavozwele vuzalo vwavo nakushatukila mukati ka mbunga nakutambeka ngwavo,

Kwituluka mu Mashiko 32:29

Nga vakele na mana ngwe vazivukile vije vyalingiwile, oloni kuvayongwele kuhwa kwavo.

Kwituluka mu Mashiko 32:39

“ ‘Yange, yange lika, njapwa Njambi, kukwesi njambi weka lalo wa vushunga wai. Njikatsii, co njana mwonyo, njikavetwesa, co njikangwisa, naumo wai asa kupopolola vije vinjinalingi.

1 Samwele 2:6

“Shukulu Kalunga atsiya, co ayoyesa, ikeye atwala vanu ku vukalo vwa vatsi, co avelwisa lalo.