2 Vimyene 5:27 - Livulu lya Shukulu Kalunga

²⁷ Co ololo mushongo wa mbumba uje wakele kuli Namane ukaija kuli yove, co yove na vatekulwila vove mukakala na mbumba myaka yoshe!” Omo Ngehazi watundile kuli Elisha, aje vene wakele na mushongo wa mbumba, co cikonde cendi catokolokele ngwe mbundu.

2 Vimyene 5:27 Iomraidhean Croise

2 Samwele 3:29

Mulonga wa kutsa kwa Avinele ukale ali Yowave na naanga yendi yoshe! Co mu cisemwa cendi coshe mukakale munalume umo mu naanga yendi muka-kususula, na muka-mbumba, na cilema, na muka-kutsila mu nzita, na muka-kujeneka vyakulya!”

2 Vimyene 15:5

Co Shukulu Kalunga watumine mushongo wa mbumba ali Uziya, wakele nawo mukuyoya kwendi kwoshe. Wakele mu njuvo yendi endi lika, co wecelele vipangi vyoshe, oloni munendi Yotame washwanene lifuti.

2 Vimyene 5:1

Namane wapwile muka-kushika mashwalale va Silya, mwene wa Silya wamusingimikile nakumuzema manene, omwo ali Namane Shukulu Kalunga waanene mashwalale va Silya nzili yakuhyana. Namane wapwile lishwalale wa nzili, oloni wakele na mushongo wa mbumba.

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Kutuuka 4:6

Shukulu Kalunga wendekele kuli Mosesa lalo ngwendi, “Aka livoko lyove mukati ka cikoveyo a nulo yove.” Co Mosesa waakele livoko mukati ka cikoveyo a nulo yendi, co omo walitundisilemo, kengeni lyavengele na mushongo wa mbumba.

Hoziya 10:13

Oloni mwakunine vuvi na kuteja vuvi lalo. Munali ku vushuka vuje vwatundu ku makuli eni. “Omo mwakulaelele a matemba eni a nzita, na a vungi vwa mashwalale veni,

VaLevi 13:10

uje akamwilula. Co nga ali na mbandu yakutoka a cikonde cendi ije inatengulula maka endi kupwa akutoka, co ili na masina amangi,

VaLevi 13:25

co muka-kukombelela akamwilule. Nga maka a aje a civeve anapu akutoka, co lalo mbandu inalovo kutuvakana cikonde ca kumukulo wa mbandu, co unapu mushongo wa a cikonde wakulitambwisa uje unashangumukila aje a mbandu ya tuhya. Co muka-kukombelela akamutumbule ngwendi kajelele.

Kulava 12:10

Co omo lishelwa lyatundile a Mbalaka, kengeni Milyamu wakele na mushongo wa mbumba. Omo Alone wamukengele wamwene ngeci ali na mbumba,

Vilinga vya Miluwa 5:10

Aje vene Safila wawililile asi ku myanja ya Petulu, co watsile. Omo vaje vakwenje vakovelele vamumwene natsi, co vamutwalele nakumutsinda kuyehi na munalume wendi.

Vilinga vya Miluwa 5:5

Aje vene omo Ananiya wazivile majwi awa, wawililile asi watsile, co voshe vacizivile vakele na lyova.

Vilinga vya Miluwa 8:20

Oloni Petulu wamukumbulwile ngwendi, “Nove vene na vimbongo vyove munyonge amo, omwo yove uyongola ngwove amo wasa kulanda vwana vwa Njambi na vimbongo!

1 Timateo 6:10

Omwo cizemo ca vimbongo cinapu nsina ya miyati yoshe ya vuvi. Vamo vanakele na mashungu a nzili ngeci vakele navyo, mukulinga ngacije vanatundu kukukulaela kwavo, co vanapokola vimbunge vyavo na vusiwa vwavungi.

Yoshwa 7:25

Co Yoshwa wamwihwile ngwendi, “Omwo vikajo unatunenela tuyando twangacije? Ololo nove Shukulu Kalunga akakuyandesa ku litangwa lya lelo!” Asinoni vanu voshe vamwashele mamanya nakumutsiya. Co lalo vashele mamanya naanga yendi nakwenyeka vufuko vwendi vwoshe.

2 Petulu 2:3

Co mu cipululu cavo, ava valongisi va makuli vakawana nganyo akumileka tusimilili. Omwo a simbu yakama ololo Lyaako wavo nalivwaesela cimweja, co Muka-kunyongesa wavo ali laja mu mesho!