2 Vimyene 5:26 - Livulu lya Shukulu Kalunga

²⁶ Oloni Elisha wendekele ngwendi, “Njinakele nove mu munzinzime omo Namane washulukile mu litemba lyendi nakwendeka nove. Ngehazi, kuwesi na moko yakutambula vimbongo nambe vuzalo, na mahya a miti ya olive, nambe mikolovozi ya vushuka vwa vinyu, nambe vimanga, nambe vingombe, nambe vangamba embwe!

2 Vimyene 5:26 Iomraidhean Croise

Kushangumuka 14:23

ngwange, yange kunjambata cuma cimo kuli yove, nameme kamukole, nameme kacipapa ka a n̄aku yove, kutewa ukendeka ngwove, ‘Yange njinafukisa Avilama.’

2 Vimyene 5:16

Oloni Elisha wamukumbulwile ngwendi, “Njilisinga ali Shukulu Kalunga wakuyoya uje injapangela ngwange, kunjasa kutambula vwana embwe.” Co Namane wamusindiiye ngeci atambule vuje vwana, oloni wavyanene.

2 Vimyene 6:12

Co umo wavo wamukumbulwile ngwendi, “Naumo wai, mwane. Oloni Elisha muka-kwimanena akaleke mwene wa mu Isalele vije ukendeka mu vushweke nameme mu mulili wove.”

Myaso 63:11

Mwene akavwaelela muli Njambi, voshe vaje vanakulaela mu lizina lya Njambi vakajolela, oloni vaka-makuli vakoloka kuluu.

Visimo 12:19

Muka-makuli akayoyo kasimbu kakandondo lika, oloni muka-vushunga akayoyo myaka yoshe.

Visimo 12:22

Shukulu Kalunga wazinda vanu vaka-makuli, oloni avwaelela na vanu vaje valinga vya vushunga.

Njelemiya 45:5

Kuma ulinakushakezeka vyuma vyakama ndi? Kesi ulingemo embwe. Njikanena tuyando twakama ali vanu voshe, oloni nameme ngoco, yove ukakala na mwonyo kwoshe kuje kuukaya, Yange Kalunga, njinendekamo.”

Hangai 1:4

“Vanu vange, omwo vikajo mulinakukala mu vinjuvo vyakutunga mwamuvwa, oku Njuvo yange inaviya?

Mateo 10:8

Kangwiseni vaka-kuvinja, sanguleni vatsi, jeleseni vaka-mbumba, co nakutundisa minzinzime yakujwala. Yeni munavitambula vyangoco kujeneka kufweta, ngecivene, neni lalo aneni ngoco kujeneka kutambulao cimo.

Vilinga vya Miluwa 20:33

Kunjashakele siliva ya munu nambe ngolinde nambe vuzalo.

Vilinga vya Miluwa 20:35

Njamimwesa mu vyuma vyoshe ngeci akupanga na nzili manene mu ngila eyi tunapande kukwasa vaka-kuzeya, kwanuka majwi aje Mwene Yesu vavenya wendekele ngwendi, ‘Muli kujolela kwakama manene mukwana kutuvakana mukutambula.’ ”

Vilinga vya Miluwa 5:9

Ngecivene, Petulu wendekele kuli ikeye ngwendi, “Omwo vikajo nove na munalume wove mwayongola kweseka Munzinzime wa Shukulu Kalunga? Kenga, vanalume vanakatsindile munalume wove ava vali ku cikolo ololo vene, co vakevo vakakutwala yove lalo!”

1 Kolinte 5:3

Nambe njiwaiko mu muvila, anga njili neni mu munzinzime, co ngwe kunjili vene njinamuhisa laja

Kolose 2:5

Omwo nambe yange kunjesi neni amo mu muvila, oloni njili neni mu munzinzime, co yange njilinakujolela mukumona cizango ceni cakwimana amolika mukukulaela kweni muli Kilistu.