2 Vimyene 5:25 - Livulu lya Shukulu Kalunga

²⁵ Omo welukile mu njuvo, Elisha wamwihwile ngwendi, “Unaile kuli?” Co ikeye wamukumbulwile ngwendi, “Shukulu, nakumo kwai kunjinaile.”

2 Vimyene 5:25 Iomraidhean Croise

Kushangumuka 16:8

Co kangelo wendekele ngwendi, “Hangale ndungo ya Salai, ulinakutunda kuli? Co lalo ulinakuya kuli?” Hangale wamukumbulwile ngwendi, “Njili na kutewa ku mesho a shukulu yange Salai.”

Kushangumuka 4:9

Co Shukulu Kalunga wehwile Kaini ngwendi, “Ndolome yove Avele ali kuli?” Kaini wamukumbulwile ngwendi, “Yange kunjizivuka. Kuma yange njapwa kanyungi ka ndolome yange ndi?”

2 Vimyene 20:14

Asinoni Isaya muka-kwimanena waile kuli Mwene Hezekiya, co wamwihwile ngwendi, “Vanu ava vanatundu kulijo? Vikajo vanendeka kuli yove?” Hezekiya wamukumbulwile ngwendi, “Vanatundu ku lifuti lya kulyala, ku Mbambilone.”

2 Vimyene 5:22

Co Ngehazi wamukumbulwile ngwendi, “Embwe, oloni shukulu yange nanjitumu kukuleka ngwendi vanu vavali lika va ku munga ya vaka-kwimanena va Njambi va mu lifuti lya malundu lya Efalime ololo vene vanatulu, co ashaka yove uvane mavundungulu 3,000 a siliva na vuzalo vuvali vwavuvwa manene.”

2 Mizimbu 26:19

Uziya wemanene mu Njuvo ya Shukulu Kalunga kumukulo wa mutula wa insense, oku nakwata cikango cakwenyekela insense. Waluvalele na vaka-kukombelela, co vwasi-vwasi mushongo wa mbumba watuukile ku cihanga cendi.

Visimo 30:20

Munakazi muka-kulinga vupangala akendeka ngwendi, “Kulimona na munalume weka cinapu ngwe kulya vyakulya.”

Ezekiyele 33:31

Ngecivene, vanu vange valikungulula nakuziva vije wendeka, oloni kuvashaka kulinga vije viwuvaleka ngeci vavilinge. Vapwisa majwi ove ngwe myaso ya cizemo, oloni vatwalao kulinga vingila vyavo vya cipululu.

Mateo 26:21

Co omo vakele nakulya Yesu wendekele kuli vandongisi vendi ngwendi, “Mwa vushunga njimileka ngwange umo akati keni akanjenda vungungu.”

Yowano 13:2

Co Yesu na vandongisi vendi vakele kukulya kwa cingwezi. Omo Liyavola te naaka laja muli Yundasa, muna Simoni Isikalyote, viyongola vyakwenda Yesu vungungu.

1 Samwele 10:14

Co shongo ya ishe wamwene Saulu na uje ngamba, wavehwile ngwendi, “Munakele kulijo?” Co Saulu wamukumbulwile ngwendi, “Tunakele nakushakezeka vimulu. Co omo kutwavawanene, twaile kuli Samwele.”