2 Vimyene 5:14 - Livulu lya Shukulu Kalunga

¹⁴ Ngecivene, Namane washelumukilile ku Ndonga ya Yondau, co wambwitamenemo visimbu vitanu na vivali, ngwe muje mwamulekele Elisha, co mwa vushunga vene wakangukile. Cikonde cendi capwile cacivwa lalo ngwe ca mwanike wamundondo.

2 Vimyene 5:14 Iomraidhean Croise

1 Vimyene 17:16

Ngwe muje Shukulu Kalunga mwakulaesele Elinja, muje mu lilonga kumwahwile vunga vwa tiliku nambe mazi kuwomine muje mu njava.

2 Vimyene 4:35

Co Elisha wakatukile, wendanganene muje mu mulili, co welukilile lalo nakushuluvala akamwa ya mwanike. Co mwanike washamitile visimbu vitanu na vivali, asinoni washangumukile kutona.

2 Vimyene 5:10

Co Elisha watumine ngamba yendi nakuleka Namane ngeci aye ku Ndonga ya Yondau mukujwela visimbu vitanu na vivali, co mwa vushunga vene akakanguka ku mushongo wendi wa mbumba.

2 Mizimbu 20:20

Alikaki mutondo-tondo vanu vakatukile vaile mu mambo ku Tekowa. Omo vakele nakuya, Njosefati wemanene wavalekele ngwendi, “Vanalume va mu Yunda neni vanalume va mu Yelusalema! Kulaeleni kuli Shukulu Kalunga Njambi yeni, co mukemana mbe. Kulaeleni vivamileka vaka-kwimanena vendi, co mukavezika.”

Yombi 31:13

“Nga njinavyana lijwi lya ngamba yange wa munalume nambe wa munakazi, omo valinyengelele kuli yange.

Yombi 33:25

Muvila wendi ukavwaa kutuvakana uje wa vwanike, eluka ku matangwa a vukwenje vwendi.

Kutuuka 4:7

Asinoni Shukulu Kalunga wendekele kuli ikeye ngwendi, “Ilwisila lalo livoko lyove mukati ka cikoveyo a nulo yove.” Co Mosesa welwisilile lalo livoko lyendi mukati ka cikoveyo a nulo yendi, co omo walitundisilemo, kengeni lyapwile lyalivwa ngwe muje muwapwile muvila wendi laja.

Visimo 9:9

Cuma coshe cije wendeka na munu muka-mana, cikamunyanyamesa. Vyoshe vije viwuleka muka-vushunga, vikawezelela ku mana endi.

VaLevi 13:58

Nga akusha cije cuma, co lije livala lya mbundu-mbundu linatundu, akacikushe lalo, co cikapwa cakujela.

Zakaliya 13:1

Shukulu Kalunga Muka-nzili yoshe alinakwendeka ngwendi, “A litangwa lije, lisima lya kavwelu-vwelu likashokoloka mukujelesa vatekulwila va Ndaviti na vanu va mu Yelusalema ku vuvi vwavo na ku tumponya.

Zakaliya 14:8

Omo litangwa lije likaija, mema akutonola njenje akatuuka kutunda mu Yelusalema, co litambelo lyawo limo likaya ku Lishali lya Kutsa, co litambelo likwavo lalo likaya ku Lishali lya Menditelenyani. Co akaita myaka yoshe, cisika na ndombo akakalako simbu yoshe.

Luka 4:27

Co vaka-mbumba vavangi vakele mu Isalele a simbu ya Elisha muka-kwimanena, oloni naumo wai wajelele kuvanga lika Namane wa ku Silya.”

Luka 5:13

Yesu wolwele livoko lyendi wamukwatele wendekele ngwendi, “Njishaka, jela!” Aje vene mbumba yamutundile.

Yowano 2:5

Vaina ya Yesu valekele vaje vangamba ngwavo, “Lingeni vyoshe vyamileka.”

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

Yoshwa 6:4

Co vaka-kukombelela vatanu na vavali vakambata malupembo a vimbinga vya majamba a vimanga atanu na avali, vakatwame kulutwe lwa Cikasa ca Cikumiiyo. Co a litangwa lyamucitanu na avali yove na mashwalale vove mukazenguluka nganda visimbu vitanu na vivali oku vaka-kukombelela valinakwimba malupembo.