2 Vimyene 4:8 - Livulu lya Shukulu Kalunga

⁸ Litangwa limo Elisha waile ku Shuneme, kuje kwakele munakazi wakufuka. Co uje munakazi wamulanyele kukulya, co tunde aje omo Elisha wakele nakuyayaya ku Shuneme, wakele nakulila-lila vyakulya ku njuvo ya uje munakazi na munalume wendi.

2 Vimyene 4:8 Iomraidhean Croise

Kushangumuka 19:3

Oloni wavasindiiye manene nakuvalomba ngeci vatumbame, co akukotoka vamutavele, ngeci vaile nendi ku njuvo yendi. Co Lote washikile vangamba vendi kutika makende amo, nakuvwaesela vangenzi vyakulya vyavivwa, co valile.

2 Samwele 19:32

Mbazilai wapwile kakulukazi, wa myaka makumi atanu na atatu. Ikeye wafukile manene, co wakwasele mwene vyakulya omo mwene wakele ku Mahanaime.

1 Vimyene 1:3

Vashakezekele mumbanda wamuvwa mu Isalele mwoshe, co vawanene mumbanda wa cifwa cangacije mu Shuneme lizina lyendi Avishange, co vamunenele kuli mwene.

2 Vimyene 4:18

Litangwa limo, uje mwanike wakavele ishe ku mahya kuje kuvakele vaka-kuteja.

Yombi 1:3

co wakele na vimanga vakupwa 7,000, na tumelo vakupwa 3,000, na vingombe vakupwa 1,000 vakulimisa, na vimulu vakupwa 5,000. Wakele lalo na vangamba vavangi manene, co munalume ou wapwile wakufuka manene kutuvakana vanu voshe vaje vakele mu ngangela.

Yombi 32:9

Kupwa mukulunu kucilingisa munu kukala na mana nambe kuvakwasa kuzivuka vije vinapu vya vushunga.

Visimo 7:21

Ngecivene, uje munakazi wazembelekele uje mukwenje nakumweseka na majwi endi akuseveleka.

Mateo 25:17

Mu ngila imo lalo ngamba uje watambwile vimbongo vyakupwa 2,000 waile nakukasekasana, co wawaneneo lalo vimbongo vyakupwa 2,000.

Luka 1:15

Akapwa wakama ku mesho a Shukulu Kalunga. Kakanu vinyu nameme vyuma vyakulula vije vipendesa. Tunde akusemuka kwendi akashula na Munzinzime Wakujela,

Luka 14:23

Co shukulu yendi wendekele kuli ikeye ngwendi, ‘Ya ku vitapalo vyakama na ku tuvingila twatundondo ukasindiye vanu vaije kuno ngeci njuvo yange yakushule.

Luka 24:29

oloni vamusindiiye ngwavo, “Unapande kukala netu kuno omwo litangwa linatoko.” Co waile nakukakala navo.

Vilinga vya Miluwa 16:15

Co omo vamumbwitikile ikeye na vanu va mu njuvo yendi, co watulanyele ngwendi, “Ijeni mukakale mu njuvo yange nga mwayongola ngweni njinapu njimuka-kukulaela kuli Mwene.” Co watusindiiye ngeci tuye.

Yoshwa 19:18

Co mutambela wavo wakumbasaneneko Njezelele, na Kesulote, na Shuneme,

Maako 19:20

Co uje mukulunu wa munalume wendekele ngwendi, “Kwoloka kukale nove, njikakwana vyoshe viwushaka! Kuwapandele lalo kulala mushandangala yangoco vutsiki vuno embwe.”

1 Samwele 28:4

Mashwalale va vaFilisitiya valikungulwile, co vatungile cilombo cavo kuyehi na nganda ya Shuneme, Saulu wakungulwile vaIsalele voshe, vatungile cilombo cavo ku Munkinda wa Ngilembowa.