2 Vimyene 4:38 - Livulu lya Shukulu Kalunga

³⁸ A simbu imo, omo kwakele njala ya lyangengela mu lifuti lyoshe, Elisha welukile ku Ngilingale. Omo wakele nakulongesa mbunga ya vaka-kwimanena, co walekele ngamba yendi kwaka ndeo yakama a liko ngeci avatelekele vyakulya.

2 Vimyene 4:38 Iomraidhean Croise

Kushangumuka 25:29

Litangwa limo, Yakomba wakele nakuteleka musozi wa makunde akuvenga, co Isau wezile kutunda mu shwata mukuyomba. Ikeye wakele na njala,

2 Samwele 21:1

Omo Ndaviti washwanene, kwakele njala ya lyangengela myaka itatu yoshe yamutunu. Ngecivene, Ndaviti wehwile Shukulu Kalunga a vyuma evi, co Shukulu Kalunga wendekele ngwendi, “Saulu na naanga yendi vali na mulonga wakutsiya omwo vatsiile vanu va ku Ngimbiyone.”

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

2 Vimyene 2:1

Simbu yetele ngeci Shukulu Kalunga atwale Elinja mwilu mu kakundu-kundu. Elinja na Elisha vatundile ku Ngilingale,

2 Vimyene 2:3

Co mbunga ya vaka-kwimanena vaje vakele mu Mbetele vaile kuli Elisha vamwihwile ngwavo, “Yove wazivuka ngeci ku litangwa lya lelo Shukulu Kalunga ambata shukulu yove nakumutwala ndi?” Elisha wakumbulwile ngwendi, “Eyo, njazivuka. Oloni olokeni kuluu.”

2 Vimyene 4:1

Fwile wa munakazi wa mu munga ya vaka-kwimanena waile kuli Elisha wendekele ngwendi, “Mwane, munalume wange natsi! Ngwe muwazivukila ikeye wapwile munalume muka-kukomoka Njambi, oloni munalume uje yatambwile vimbongo vyendi naija, co ashaka kwambata vana vange vavali va vanalume ngeci akavapwise vindungo ku likongo lije lyatambwile munalume wange kuli ikeye.”

2 Vimyene 4:39

Co umo wavo waile mu shwata kukashaka vyemba. Co wawanene inwi imo ya mu shwata, wapotweleko matanda amangi, co waile nawo nakuwalengozwela muje mu vyakulya, oloni kazivukile ngeci akewo afwa vati.

2 Vimyene 8:1

Elisha walekele munakazi wa mu Shuneme, uje wakele na mwana yendwile ku vatsi ngwendi, “Katuka uye na naanga yove kwoshe kuje mukalishukila, omwo Shukulu Kalunga akatuma njala ya lyangengela mu lifuti, ikakalako myaka itanu na ivali.”

Yombi 30:4

Vatukwile vimena vya mu mambo nakuvilya, valile nameme mizi ya muti wakukombesa wa vutovalesi.

Visimo 8:34

Navezika munu uje atolilila kuli yange, munu uje atumbama ku cikolo cange, a litangwa na litangwa, munu uje avandamena ku cikolo ca ku njuvo yange.

Ezekiyele 11:3

Valinakwendeka ngwavo, ‘Kutukatungu vinjuvo ololo. Eyi nganda inapu ngwe ndeo yakuteleka, co yetu tunapu ngwe situ ilimo, oloni ilinakutunyunga ku tuhya.’

Ezekiyele 11:7

“Ngecivene, evi vikevyo vinjendeka kuli yeni, yange Kalunga wa Akamwa ya Vyoshe. Mwa vushunga nganda eyi inapu ndeo yakuteleka, oloni situ inapu veyajo? Situ inapu mivila ya vanu vaje munatsii! Co yeni kumukakala muno embwe! Njikamyumbila anja ya nganda!

Ezekiyele 14:13

“Muna munu, nga lifuti lilinga vuvi, nakujeneka kulongwa kuli yange, co njikolola livoko lyange nakuviisa vyakulya vyamwo. Co njikatumamo njala ya lyangengela nakutsiya vanu na tusitu mu cifwa cimolika.

Ezekiyele 24:3

Leka vanu vange vaka-kunjitengulukila cisimo eci yange Kalunga wa Akamwa ya Vyoshe njendeka ngwange, ‘Aka ndeo a liko, co itilamo mema.

VaLevi 26:26

Njikatepulula ku vyakulya vyeni. Ngeci vanakazi likumi voshe vakocela makende avo a liko limolika, co vakamipangezelawo, oloni omo munamanesa kuwalya oshe, anga mucikaziva njala.

Amose 7:14

Co Amose wakumbulwile ngwendi, “Yange kesi nji muka-kwimanena wakwambulwila fweto embwe. Yange nji kanyungi, nji muka-kunyunga miti ya mikuyu.

Mako 6:37

Oloni Yesu wavakumbulwile ngwendi, “Yeni vene vaaneni vyakulya ngeci valye.” Co vamwihwile ngwavo, “Kuma yove ushaka tuye nakulanda makende a vimbongo vya siliva vyakupwa 200 ngeci vakulye ndi?”

Luka 10:39

Mata wakele na ndokazi yendi lizina lyendi Maliya uje watumbamene ku myanja ya Mwene nakutolilila kulongesa kwendi.

Luka 2:46

Co a litangwa lyamucitatu vamuwanene mu Njuvo ya Shukulu Kalunga, natumbama akati ka valongisi va vaYunda, nakuvatolilila nakuvehozola vihula.

Luka 4:25

“Njitolilileni, mwa vushunga njimileka ngwange, mu Isalele mwakele vifwile vavangi a matangwa a Elinja, omo nyonzi kuyanyokele myaka itatu na vingonde vitanu na imo, co kwakele njala ya lyangengela mu lifuti lyoshe.

Luka 8:35

Co vanu vaileko nakukamona vije vyalingiwile, omo vezile kuli Yesu, co vawanene munalume uje wakele na minzinzime yakujwala natumbama ku mendi a Yesu, nazala mwamuvwa, nalikongomeka, co voshe vakele na lyova.

Luka 8:38

Oloni uje munalume yaatundisile minzinzime yakujwala walambelelele Yesu ngwendi “Njitave njiye amo nove.” Oloni Yesu kamutavele embwe, wamulekele ngwendi,

Luka 9:13

Oloni Yesu wendekele kuli vakevo ngwendi, “Yeni vene vaaneni vyakulya ngeci valye.” Co vamukumbulwile ngwavo, “Kutwesi na vyakulya vyeka kuvanga mikasha ya makende itanu na visi vavali. Kuma yove ushaka tuye nakulanda vyakulya vya mbunga yoshe eyi ndi?”

Yowano 21:5

Asinoni wendekele kuli vakevo ngwendi, “Eni vakwenje, munakwatako visi ndi?” Vakumbulwile ngwavo, “Embwe, naumo isi tunakwata wai.”

Yowano 21:9

Omo vetele ku nunda, vamwene manungu alinakwenyuka, co akele visi na likende.

Vilinga vya Miluwa 10:38

Mwazivuka vya Yesu wa ku Nazaleta na muje Njambi wamuvwavesele Munzinzime Wakujela na nzili. Wendanganene kwoshe-ikwoshe nakulinga vyavivwa nakukangwisa voshe vaje vakele mwisi ya nzili ya Liyavola, omwo Njambi wakele amo nendi.

Vilinga vya Miluwa 15:36

Co a simbu imo Paulu wendekele kuli Mbanambase ngwendi, “Twiluke tukendwise vakwetu mu vinganda vyoshe muje mutwambulwile lijwi lya Mwene tukamone vati muvali nakuyoyela.”

Vilinga vya Miluwa 22:3

“Yange nji kaYunda, njasemukilile ku Talisi mu Silisha, oloni vanjilelelele muno mu Yelusalema, co njalilongesele kuli Ngamalyele. Njatambwile mwamuvwa vilongesa mu Mashiko a vakukulwila vetu, co njalikundikile kuli Njambi ngwe mumunafu yeni voshe mulikuno litangwa lya lelo.

1 Samwele 19:20

Ngecivene, watumineko vamo vanalume vakamukwate. Co vamwene mbunga ya vaka-kwimanena valinakwambulula vuka-kwimanena, amo na Samwele ntwama yavo. Co Munzinzime wa Njambi wakovelele muli vanu va Saulu, co na vakevo lalo vashangumukile kwambulula vuka-kwimanena.