2 Vimyene 4:35 - Livulu lya Shukulu Kalunga

³⁵ Co Elisha wakatukile, wendanganene muje mu mulili, co welukilile lalo nakushuluvala akamwa ya mwanike. Co mwanike washamitile visimbu vitanu na vivali, asinoni washangumukile kutona.

2 Vimyene 4:35 Iomraidhean Croise

1 Vimyene 17:21

Asinoni Elinja walyololwele ali mwanike visimbu vitatu, co walombelele ngwendi, “Yove Shukulu Kalunga Njambi yange, indula mwanike ou ayoye!”

1 Vimyene 17:22

Shukulu Kalunga wakumbulwile lilombelo lya Elinja, mwanike washangumukile kuhwima lalo, co wendukile.

1 Vimyene 18:43

Co wendekele kuli ngamba yendi ngwendi, “Kenga ku mema a kalunga.” Ngamba yendi waile, co welukile, wendekele ngwendi, “Njinakengeko, oloni kunjamwene cuma nacimo cai.” Elinja wamulekele kwilukilako visimbu vitanu na vivali.

2 Vimyene 13:21

A simbu imo omo vanu vaile nakutsinda mutsi, co vamwene mbunga imo ya vaMowavi, co vaje vanu vombilile cije mu mbumbo ya Elisha, co vatewele. Vwasi-vwasi cije civimbi omo cakambolele ku vitsiya vya Elisha, co uje munalume wendukile nakwimana.

2 Vimyene 4:36

Co Elisha wasanene Ngehazi wamulekele asane vaina ya mwanike. Omo vaina vakovelelemo, Elisha wendekele kuli ikeye ngwendi, “Munove ou.”

2 Vimyene 5:10

Co Elisha watumine ngamba yendi nakuleka Namane ngeci aye ku Ndonga ya Yondau mukujwela visimbu vitanu na vivali, co mwa vushunga vene akakanguka ku mushongo wendi wa mbumba.

2 Vimyene 5:14

Ngecivene, Namane washelumukilile ku Ndonga ya Yondau, co wambwitamenemo visimbu vitanu na vivali, ngwe muje mwamulekele Elisha, co mwa vushunga vene wakangukile. Cikonde cendi capwile cacivwa lalo ngwe ca mwanike wamundondo.

2 Vimyene 8:1

Elisha walekele munakazi wa mu Shuneme, uje wakele na mwana yendwile ku vatsi ngwendi, “Katuka uye na naanga yove kwoshe kuje mukalishukila, omwo Shukulu Kalunga akatuma njala ya lyangengela mu lifuti, ikakalako myaka itanu na ivali.”

2 Vimyene 8:5

Simbu Ngehazi acili nakuleka mwene vati Elisha wendwile uje mutsi, co uje munakazi wambulwile n̄anda yendi kuli mwene, co Ngehazi wendekele ngwendi, “Shukulu, ou munakazi nendi lalo munendi vamwindwile kuli Elisha!”

Luka 8:55

Mwonyo wendi welukile, co aje vene wendukile, co Yesu wavashikile ngeci vamwane vyakulya alye.

Vilinga vya Miluwa 9:40

Oloni Petulu wavatuwisilemo voshe muje mu mulili, co watsikamene asi nakulombela, asinoni watengulukilile ku civimbi ca Ndokasi, co wendekele ngwendi, “Tambita, induka!” Co watonene, co omo wamwene Petulu, watumbamene.