2 Vimyene 4:26 - Livulu lya Shukulu Kalunga

²⁶ Zambwila kuli ikeye ukazive nga vanenduka amo na naanga yendi.” Co uje munakazi walekele Ngehazi ngwendi, “Eyo, tunenduka mwamuvwa,”

2 Vimyene 4:26 Iomraidhean Croise

Kushangumuka 29:6

Co Yakomba wavehwile lalo ngwendi, “Ikeye nenduka mwamuvwa ndi?” Vamukumbulwile ngwavo, “Eyo nenduka mwamuvwa, kenga, na munendi Lakele uje alinakwija na vutanga vwendi vwa vimanga.”

Kushangumuka 37:14

Co ishe wamulekele ngwendi, “Ya ukamone vandolome vove nga vanenduka mwamuvwa na matanga oshe. Co ukeluke wakunjilekeko.” Ngecivene, ishe wamutumine ku vungenzi vwendi kutunda ku Cimbongo ca Hevelone. Asinoni Yosefa wetele ku Shekeme.

Kushangumuka 43:27

Ikeye wavehwile vati muvanendukila asinoni wavehwile ngwendi, “Vati kakulukazi uje imwatumbwile, ishweni nenduka ndi? Ikeye acili na kuyoya ndi?”

2 Samwele 18:29

Co mwene wehwile ngwendi, “Vati mukwenje Avisalome alimwamuvwa ndi?” Ahimaza wakumbulwile ngwendi, “Shukulu, omo mwata wove Yowave nanjitumine, njazivile muyoyo wakama manene, oloni kunjazivukile indi wapwile wavika.”

2 Vimyene 4:23

Co munalume wendi wamwihwile ngwendi, “Omwo vikajo ushaka kuya lelo? Lelo kesi Litangwa Lyakuhwima nambe lya Ciwano ca Kutenama Ngonde.” Co munakazi wamukumbulwile ngwendi, “Kukwesi mulonga.”

2 Vimyene 4:25

Ngecivene, wakatukile waile ku Munkinda wa Kalemele kuje kwakele Elisha. Omo Elisha wamumwene acendela alyala kamandondo, wendekele kuli ngamba yendi Ngehazi ngwendi, “Kenga, uje munakazi wa ku Shuneme alinakwija!

2 Vimyene 4:27

oloni omo wetele kuli Elisha a Munkinda, watsikamene a mavuli kulutwe lwendi, co wakwatele Elisha ku mendi. Ngehazi washakele kumunakula, oloni Elisha wendekele ngwendi, “Mwecele. Kuma yove kuwamwene ngeci ali na vusiwa vwakama manene ndi? Oloni Shukulu Kalunga kanjilekeleo cuma cimo.”

2 Vimyene 5:22

Co Ngehazi wamukumbulwile ngwendi, “Embwe, oloni shukulu yange nanjitumu kukuleka ngwendi vanu vavali lika va ku munga ya vaka-kwimanena va Njambi va mu lifuti lya malundu lya Efalime ololo vene vanatulu, co ashaka yove uvane mavundungulu 3,000 a siliva na vuzalo vuvali vwavuvwa manene.”

Myaso 39:9

Njikoloka kuluu ngwe kaveveve, kunjikendeka lijwi nalimo lyai, omwo yove unanjimwesa tuyando twangacije.

VaLevi 10:3

Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

Zakaliya 2:4

Co uje kangelo wakulivanga wendekele kuli uje mukwavo ngwendi, “Shatuka ukaleke uje mukwenje nakwata mukole wakusetekesa ngwove mu Yelusalema mukakala vanu vavangi na vimuna vavangi, co kuyikakala na vivumbe vyakuyizengeleka.

Vilinga vya Miluwa 15:36

Co a simbu imo Paulu wendekele kuli Mbanambase ngwendi, “Twiluke tukendwise vakwetu mu vinganda vyoshe muje mutwambulwile lijwi lya Mwene tukamone vati muvali nakuyoyela.”

1 Samwele 17:18

Co twala lalo mazi awa kuli muka-kushika nzita. Ya ukamone muvanendukila vakulunu vove, co omo wiluka ukambata cimweso cimo twakumone nga mwa vushunga unavamwene, vali mwamuvwa.

1 Samwele 3:18

Ngecivene, Samwele wamulekele vyuma vyoshe, kamushwekeleleko cuma cimo cai. Eli wendekele ngwendi, “Ikeye napu Shukulu Kalunga, akalinga vyoshe vyashaka kulinga.”