2 Vimyene 4:25 - Livulu lya Shukulu Kalunga

²⁵ Ngecivene, wakatukile waile ku Munkinda wa Kalemele kuje kwakele Elisha. Omo Elisha wamumwene acendela alyala kamandondo, wendekele kuli ngamba yendi Ngehazi ngwendi, “Kenga, uje munakazi wa ku Shuneme alinakwija!

2 Vimyene 4:25 Iomraidhean Croise

1 Vimyene 18:19

Ololo shika vanu va Isalele voshe ngeci njikaliwane navo ku Munkinda wa Kalemele. Co ija na vaka-kwimanena va Mbale 450, na vaka-kwimanena va vinjambi va Ashele 400 vaje vakali ku mesa na Vamwene Njezevele.”

1 Vimyene 18:42

Omo Ahave waile nakulya, co Elinja walondele akamwa ya Munkinda wa Kalemele, wakakulamene asi, nakwaka mutwe wendi mukati ka mavuli.

2 Vimyene 1:9

Ngecivene, mwene watumine mwata umo na vanu makumi atanu kukashaka Elinja. Co uje mwata wawanene Elinja natumbama a lilundu, wendekele kuli ikeye ngwendi, “Ove munu wa Njambi, mwene alinakukusana ngeci uye kuli ikeye.”

2 Vimyene 2:25

Elisha watundile kuje, co walamatele a Munkinda wa Kalemele, asinoni welukile ku Samaliya.

2 Vimyene 4:24

Asinoni waakele sileyi a cimulu, washikile uje ngamba ngwendi, “Zambwisa vwasi cimulu, co kesi wendese cimulu kamandondo kuvanga yange njikuleke.”

2 Vimyene 4:26

Zambwila kuli ikeye ukazive nga vanenduka amo na naanga yendi.” Co uje munakazi walekele Ngehazi ngwendi, “Eyo, tunenduka mwamuvwa,”

2 Vimyene 4:27

oloni omo wetele kuli Elisha a Munkinda, watsikamene a mavuli kulutwe lwendi, co wakwatele Elisha ku mendi. Ngehazi washakele kumunakula, oloni Elisha wendekele ngwendi, “Mwecele. Kuma yove kuwamwene ngeci ali na vusiwa vwakama manene ndi? Oloni Shukulu Kalunga kanjilekeleo cuma cimo.”

2 Vimyene 5:20

co Ngehazi ngamba ya Elisha walyendekesele mu mbunge yendi ngwendi, “Shukulu yange necelela Namane kuya ngoco kujeneka kufweta cuma cimo! Napandele kutambula vije vyanamwanene uje kaSilya. Ali Shukulu Kalunga wakuyoya, yange njimukava kangongo-nima ngeci njikatambule cuma cimo kuli ikeye!”

2 Vimyene 8:4

Co wawanene mwene alinakusikama na Ngehazi, ngamba ya Elisha, omwo mwene washakele kuzivuka a vikomokeso vya Elisha.

Isaya 35:2

Mambo ikaimba nakutambeka nakujolela, ikakala na vumpau ngwe Munkinda wa Lembanone, na vukama ngwe Munkinda wa Kalemele na Cimbongo ca Shalone. Munu woshe akamona vumpau vwa Shukulu Kalunga, akamona vukama vwendi na nzili yendi.