2 Vimyene 4:23 - Livulu lya Shukulu Kalunga

²³ Co munalume wendi wamwihwile ngwendi, “Omwo vikajo ushaka kuya lelo? Lelo kesi Litangwa Lyakuhwima nambe lya Ciwano ca Kutenama Ngonde.” Co munakazi wamukumbulwile ngwendi, “Kukwesi mulonga.”

2 Vimyene 4:23 Iomraidhean Croise

2 Vimyene 4:22

Asinoni munakazi wasanene munalume wendi wamulekele ngwendi, “Njitumineko ngamba amo na cimulu. Njishaka kuya kuli muka-kwimanena Elisha. Ololo njiilukamo.”

2 Vimyene 4:24

Asinoni waakele sileyi a cimulu, washikile uje ngamba ngwendi, “Zambwisa vwasi cimulu, co kesi wendese cimulu kamandondo kuvanga yange njikuleke.”

1 Mizimbu 23:31

omo vakombelela vin̄ombelo vya kwenyeka kuli Shukulu Kalunga a Litangwa Lyakuhwima, na a Ciwano ca Kutenama kwa Ngonde, na a viwano vikwavo lalo. Co kwakele mashiko akwinika ngeci vaLevi vanapande kulinga vipangi evi a simbu na simbu. Co vaLevi vavaanene vipangi vyakulemesa Shukulu Kalunga simbu yoshe.

Amose 8:5

Co mulinakwendeka ngweni, “Matangwa akujela ahwe vwasi ngeci tulandese vimbuto vyetu. Litangwa Lyakuhwima lihwa simbu ikajo ngeci tulandese lalo vimbuto? Asinoni tukawezelele ku vindando vyetu, nakupangesa viseteko vya makuli, nakupangesa vipeseleso vyakunyanyamena vaka-kwija mukulanda kuli yetu.

Kulava 10:10

Co a litangwa lyakujolela a Viwano vyeni vya Kutenama kwa Ngonde na a viwano vikwavo vya vunjambi ku simbu ije ivemika, mukaimba malupembo omo mwana milambu yeni ya kwenyeka na milambu yeni ya kulitombola, eci cikapwa canukiso ceni ku mesho a Njambi yeni. Yange Njapwa Kalunga Njambi yeni.”

Kulava 28:11

“Lambuleni milambu ya kwenyeka kuli Shukulu Kalunga akushangumuka kwa ngonde, vana va vingombe vavali va nkomba, na lijamba lya manga umo, na majamba a vana va vimanga vatanu na vavali va mwaka umolika, voshe vakujeneka kapenga.

Kulava 28:9

“A Litangwa Lyakuhwima mukalambula majamba a vana va vimanga vavali va mwaka umolika vakujeneka kapenga, amo na makilo avali a vunga vwavuvwa vwakuseneta vwakukumbasana na mazi a olive, kupwa mulambu wa vimbuto vya vinona vya vunga vwakulola, amo na mulambu wa vinyu.

1 Samwele 20:5

Ndaviti wamukumbulwile ngwendi, “Imene kuli Ciwano ca Kutenama kwa Ngonde, njinapandele kukalya na mwene. Oloni nga utava, co njikaya nakuvanda mu shwata noo indele cingwezi.