2 Vimyene 4:1 - Livulu lya Shukulu Kalunga

¹ Fwile wa munakazi wa mu munga ya vaka-kwimanena waile kuli Elisha wendekele ngwendi, “Mwane, munalume wange natsi! Ngwe muwazivukila ikeye wapwile munalume muka-kukomoka Njambi, oloni munalume uje yatambwile vimbongo vyendi naija, co ashaka kwambata vana vange vavali va vanalume ngeci akavapwise vindungo ku likongo lije lyatambwile munalume wange kuli ikeye.”

2 Vimyene 4:1 Iomraidhean Croise

Kushangumuka 22:12

Co kangelo ka Shukulu Kalunga wendekele ngwendi, “Kesi uvulumune mwanike nameme kulinga cuma cimo kuli ikeye. Ololo njinazivuka ngeci yove ulinakukomoka Njambi, omwo yove unatavele kunjana munove umolika.”

1 Vimyene 18:3

ngecivene, Ahave wasanene Ovandiya uje wapwile mukulunu wa ku lipela. (Ovandiya wapwile muka-kulemesa manene Shukulu Kalunga na mbunge yendi yoshe,

1 Vimyene 20:35

A lishiko lya Shukulu Kalunga, munu umo wa ku munga ya vaka-kwimanena va Njambi washikile mukwavo muka-kwimanena ngeci ngwendi amupupe. Oloni ikeye wavyanene,

2 Vimyene 2:15

Vaka-kwimanena makumi atanu vatundile ku Yeliko vamwene vije vyalingiwile, vendekele ngwavo, “Nzili ya Elinja ili ali Elisha!” Co vaile nakuliwana nendi, vatsikamene ku mesho endi nakumulemesa,

2 Vimyene 2:3

Co mbunga ya vaka-kwimanena vaje vakele mu Mbetele vaile kuli Elisha vamwihwile ngwavo, “Yove wazivuka ngeci ku litangwa lya lelo Shukulu Kalunga ambata shukulu yove nakumutwala ndi?” Elisha wakumbulwile ngwendi, “Eyo, njazivuka. Oloni olokeni kuluu.”

2 Vimyene 2:5

Co mbunga ya vaka-kwimanena vaje vakele mu Yeliko vaile kuli Elisha vamwihwile ngwavo, “Yove wazivuka ngeci ku litangwa lya lelo Shukulu Kalunga ambata shukulu yove nakumutwala ndi?” Elisha wakumbulwile ngwendi, “Eyo, njazivuka. Oloni olokeni kuluu.”

2 Vimyene 2:7

vaka-kwimanena makumi atanu vavakavele ku Ndonga ya Yondau. Elinja na Elisha vemanene ku ngenge ya ndonga, co vaje vaka-kwimanena makumi atanu vemanene alyala kamandondo.

2 Vimyene 4:38

A simbu imo, omo kwakele njala ya lyangengela mu lifuti lyoshe, Elisha welukile ku Ngilingale. Omo wakele nakulongesa mbunga ya vaka-kwimanena, co walekele ngamba yendi kwaka ndeo yakama a liko ngeci avatelekele vyakulya.

2 Vimyene 6:9

Oloni Elisha watumine majwi kuli mwene wa mu Isalele, nakumunangula ngwendi kesi ashwenye kuyehi na mutambela uje, omwo vaSilya vanavavandamena kuje nakuvalwisa.

Nehemiya 10:31

Nga vaka-kwija vanena tiliku nambe vyuma vyeka vyakulanda a Litangwa Lyakuhwima, nambe a litangwa lyakujela, kutukavilanda embwe. A mwaka wamucitanu na ivali kutukalimi mahya etu, co tukazimangana makongo oshe.

Nehemiya 7:2

Cooni njaakele vanu vavali vaka-kupangesa nakwendesa nganda ya Yelusalema, ndolome yange Hanani na Hananiya, mwata wa mashwalale va cimpaka ca vutewelo. Hanani wapwile munu wamuvwa muka-kukomoka Njambi, kukwesi umo walyesekele nendi wai.

Myaso 103:11

Ngwe omo muwapwa melu aje akala kulyala na asi, mukemwo mucafwa cizemo cendi cije kucesi kutenguluka kuli vaje vamukomoka.

Myaso 103:17

Oloni cizemo ca Shukulu Kalunga kucesi kutenguluka kuli vaje vamukomoka, cikakalako myaka yoshe, na vuvwa vwendi lalo vukakala ku cisemwa coshe,

Myaso 115:13

Shukulu Kalunga akavezikisa voshe vaje vamulemesa, vakama nambe vavandondo.

Myaso 147:11

oloni avwaelela lika muli vaje vamukomoka, na muli vaje voshe vakulaela mu cizemo cendi cije kucesi kutenguluka.

Visimo 22:7

Tuutu vakavashwana kuli vaka-kufuka, vaje voshe vakumuna vapwa vindungo va vaka-kukumwisa.

Muka-kwambulula 12:13

A vyoshe evi kuli cuma cimolika cakwendeka, cikeco eci, singimika Njambi, co ononoka mashiko endi, omwo evi vyoshe vikevyo vivatangelele munu.

Muka-kwambulula 8:12

Muka-vuvi nasa kulinga milonga 100 oloni anga aciyoya. Eyo, njizivuka vivalinakwendeka ngwavo, “Nga ukomoka Njambi, co vyuma vyoshe vikapwa vyavivwa kuli yove,

Isaya 50:1

Shukulu Kalunga alinakwendeka ngwendi, “Kuma mwayongola ngweni njashekele vanyoko, nambe kuvalandesa mukufweta mulonga? Ilikulijo mikanda yakumukondwesa? Kuma mwayongola ngweni njamilandesele ngeci vakamifuke ngwe munalume uje alandesa vana vendi kuvapwisa vindungo ndi? Embwe, mwaile nakumifuka omwo a vuvi vweni, vamitumine kulyala omwo a milonga yeni.

Njelemiya 34:14

omo myaka itanu na ivali inahu, vanapande kwecela ngoco woshe cinzinda wa kaHevelu, uje navapangela myaka itanu na umo. Oloni vakukulwila veni kuvombileko mbunge nambe kutolilila ku vije njendekele.

VaLevi 25:48

omo ikeye vanamulandesa laja, co umo wa vandolome vendi ali na moko yakumukula lalo,

Malakiya 3:16

Asinoni vanu vaje vakomokele Shukulu Kalunga valyendekesele umo na mukwavo, co Shukulu Kalunga wavatolililile nakuziva vije vivendekele. Co vasonekele vaje vakomokele Shukulu Kalunga nakumusingimika mu livulu lya canukiso ku mesho endi.

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Mateo 18:25

Ngamba uje kafwetele likongo lyendi, ngecivene, mwene washikile ngeci vamulandese apwe ndungo, na munakazi wendi na vana vendi, na vyuma vyoshe vije vyakele navyo, ngeci afwete makongo endi.

Mateo 18:30

Oloni wavyanene, co wamutwalele nakumwaka mu kamenga noo nafwete lije likongo.

Mateo 18:35

Co Yesu wamanesele kwendeka ngwendi, “Mukemwo mwakalinga Tate wa mwilu ku munu woshe, nga kuusambesa mukweni na mbunge yove yoshe.”

Vilinga vya Miluwa 13:26

“Vavushoko vwange vaIsalele, vatekulwila va Avilahama, co neni voshe kesi vaYunda mulikuno vaka-kulemesa Njambi, muzimbu ou wakwovoka vanautumu kuli yetu!

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.

Kujombolola 15:4

Iyajo kasa kukukomoka yove Shukulu Kalunga? Iyajo avyana kushangazala vukama vwove? Yove lika wapwa wakujela! Miyati yoshe ya vanu vakaija nakukulemesa, omwo vilinga vyove vya vushunga vinasholoka kuli vanu voshe.”

Kujombolola 19:5

Asinoni lijwi lyatundile ku litanda lyendekele ngwalyo, “Shangazaleni Njambi yetu, yeni vangamba vendi voshe vaje vamukomoka, vakama na ava vavandondo!”

Lute 1:3

Omo vakele kuje, Elimeleke watsile, co Naumi wasalele endi lika na vana vendi vavali.

1 Samwele 22:2

Vanu vaje vavakele nakuyandesa, nambe vaje vakele na makongo, nambe vaje vakele nakulinyenga, vaile kuli ikeye, voshe amolika vapwile 400, ikeye wapwile ntwama yavo.