2 Vimyene 3:25 - Livulu lya Shukulu Kalunga

²⁵ nakunyongesa vinganda vyavo. Omo vetile ku mahya avo a vwilo, kaIsalele woshe wombililemo limanya noo mahya oshe ashulile na mamanya, co lalo vofwelele masima avo, nakushinja miti ya vushuka vwavo. Akukotoka, Kile Helese nganda yakama ikeyo lika yasaleleo, co na ikeyo lalo vaka-kwasha vipapa vya kenya vaizengelekele nakuyilwisa.

2 Vimyene 3:25 Iomraidhean Croise

Kushangumuka 26:15

Co vazikile masima oshe aje vendile vangamba va ishe Avilahama a simbu ije Avilahama wakele nakuyoya.

Kushangumuka 26:18

Wofulwile masima aje vendile a simbu ya ishe Avilahama, aje vazikile vaFilisitiya omo Avilahama watsile, co Isake walukile aje masima mazina aje vene ishe wawalukile.

2 Samwele 8:2

Wafungulwile lalo vaMowavi. Washikile vinzinda valale asi mu mikana itatu, co vaje vakele mu mukana wamucivali wavatsiile. Co vaje akele mu mukana wamucitatu, kavatsiile. Ngecivene, vaMowavi vapwile vindungo va Ndaviti, vafwetele lisimu kuli ikeye.

2 Vimyene 3:19

Mukafungulula vinganda vyavo vyoshe vyavivwa vya vimpaka, mukashinja miti yavo yoshe ya vushuka, co mukofwela masima avo oshe, na mahya avo oshe a vwilo akaviya akuwofwela na mamanya.”

2 Vimyene 3:24

Oloni omo vetele ku cilombo, vaIsalele vavalwisile nakuvasheka. Co vaIsalele vashekele nakutsiya vaMowavi

2 Vimyene 3:26

Omo Mwene wa Mowavi wanangukile ngeci kasa kuhyana mu nzita, co waile na vanalume 700 vaka-kulwa na mikwale, co wesekele manene na nzili kwita mukati ka vitozi ngeci atewele kuli mwene wa Silya, oloni kasele.

2 Mizimbu 32:4

Ngecivene, vanu vavangi vakungulukile, co vazikile tuvwelu-vwelu twoshe twakele anja ya nganda.

Isaya 15:1

Awa akewo majwi aa lifuti lya Mowavi. Vinganda vya Ale na Kile vikanyonga vutsiki vumo, co kwoloka kukakala mu lifuti lya Mowavi mwoshe.

Isaya 16:11

Ngecivene, mbunge yange ilinakulinyenga a Mowavi, nakulinyenga a Kile Helese.

Isaya 16:7

Vanu va Mowavi vakalila omwo tuyando tuje valinatwo. Voshe vakalisimoka omo vakanuka vyakulya vije valile mu nganda ya Kile Helese. Co vakavasheka kujeneka cinyangavili.

Njelemiya 48:31

Ngecivene, njikalinyenga a munu woshe ali mu Mowavi na ali vanu vali mu Kile Helese.

Njelemiya 48:36

“Ngecivene, mbunge yange ilinakulinyenga a Mowavi na ali vanu va ku Kile Helese, ngwe munu alinakwimba mwaso wa vusiwa na mbendo, omwo vyuma vyoshe vakele navyo vinanyongo.

Kwituluka mu Mashiko 2:9

Co Shukulu Kalunga wendekele nange ngwendi, ‘Kesi mukayandese vaMowavi embwe nambe kuvalwisa. Kunjikamyana lifuti lyavo kupwa vushwana vweni embwe, nambe mutambela umo, omwo njanene laja nganda ya Ale kuli vatekulwila va Lote kupwa vushwana vwavo.’ ”

Maako 9:45

Avimeleke walwisile vaje vanu vakele mu nganda litangwa lije lyoshe. Co watambwile ije nganda nakutsiya vaje vanu. Co wanyongesele ije nganda, wakuvileo mwongwa.